¹ Le gan ke mɛ mɔnu kpɛnkpon ni lɛ nyi na jufu? ale ni lɛ le adagbigbo mɛ. ² Le ni nɔ mɛ ɖekpokpo- emɛ, ehwɛn kpowe , mawu we nukpɛnkpɔn sɔ dasi jufutɔ ye. ³ Xwɔ! na jufutɔ ɖeye yɔn kan ɖeji.ma kan ɖeji ye tɔn na hɛn gbejimanɔ mawu tɔn toto ? ⁴ ŋunŋun . mawu jro na le xojɔxomɛ ɔn kan ŋsunglo jokantɔ ke enyi ɖike nyi winwlan ɖo «na mi kpɔn mian ɖe jijɔ lele oxo-ɔ mɛ boɖu le kojoɖiɖomɛ. ⁵ vɔ na nyi bio onu masɔgbe ke na mi wasi nɔ ye wɛ ɖe mawu we onu jijwɛ wiwasi sɔ xlɛ nɔ ɖe, naɖe mi na lɔ? vɔ mawu tafu mi bo do dɔn to na mi nɔ wɛɛ? gbɛtɔ we ye nukpinkpɔn xɛn ko lo nɔ. ⁶ Le ŋkɔnmɛ naɖe mawu na ɖo kojo ɖo na ɛgbɛ-yɔ? ⁷ Vɔ, na xojɔxo mawu tɔn , sɔgbɔn xojɔxo malɔ tɛye mɛ bo hɛn jijwɛ ɖaxo na, e ni jɔ emɔ na ɖo kojo na bio bo mɔ nyi ɔgɔjɛtɔ ? ⁸ Eni jɔ mi-ɔna bi-o,ɖi ke na ɔgɔ jijɛ mia nɔ na na mi nɔ lɔ bi-o ɖi ke mɛɖe ye nɔ lɔ le mia mɛ bio «mia wasi onu nyi nyla na onywɛn ado va ? ɛxwɛ ɖidɔ a do nyi onywɛ. ⁹ Eni jɔ? mi na do kɛnu-u mia ɖe? ɔn hin -an, ɖo mi-o do ɛwɛ-u jufuye kpo grɛsuye, mɔ le nunyinyia mɛ. ¹⁰ ɖi ke enyi winwlan ɖo, « mɛ ti-i mɔ kɔn, mɛ ɖokpo tete. ¹¹ Mɛ ti-ɔ yɔn nywɛ. mɛ ti-i yɔnkan mawu nɔ. ¹² Mɛ bi lɛ godo, ye lenyi vo vo . mɛ ti yɔn wasi onywɛn nɔ,ŋuŋu, ɖokpo tete ¹³ Ye we ogbe nyi ocogun xunxun, ye we ɛɖɛ nɔ blɛ mɛ.nugbwevi ye tɔn zun lan vi we oɖi-i ¹⁴ Onu ye tɔn ye le nyi kpo nuɖoye kpo dɔ ¹⁵ ɔfɔ ye tɔnye nɔ odun nu na gbɛtɔ we ɛhun kinkɔn ɖo nyi ¹⁶ Cincrɔn kpodo vivɛsise le ye omɔ. ¹⁷ Nyɔnyɔ fifa we omɔ ¹⁸ Mawe we vivo yɔn le ŋmɛnaye . ¹⁹ Mi yɔn bio ɖekpe kpeɖe ke osɛn lɔ nɔ ,osɛn bo lɔ xo do mɛ ke le yi we ɔgɔ.e ke wɛ vivɔnu na onu bibɔ, emɔ xa ɛgbɛ bi mɔ le kinkɔn le mawu we ŋmɛ. ²⁰ Sɔgbɔn e ke mɛ gotolan ɖekpo gbɔn osɛn we danwiwa le yi we unmɛ . ɖo sɔgbɔn osɛn mɛ wɛ mi nyɔ nuvu-ɛn . ²¹ Vɔ syɛ,san osɛn wɛ ɛhwɛjijɔ Mawu mi do nyɔ.osɛn wɛ nyi xojɔxo sɔgbɔn xo lɔ ɖenyitɔ̇ ji ²² Yi wɛ nyi ɛhwɛ jijɔ mawu tɔn sɔgbɔn kandeji yesu kliso na mɛ ke ɖo kanɖeji ɖo ovotintɔn ɖe yɔn le mɛ. ²³ Do,mi mɛ bi le ogɔ jijɛmɛ bo tɛyi le Mawu gigo mɛ. ye ɖa ɛhwɛ ni ²⁴ Vovo sɔ gbɔn yi wɛ ɛfɛnu mɛ, sɔ gbɔn Yesu kliso fɔn sɔn ku. ²⁵ do mawu kpewu ɖo Yesu kliso ɖi hɔnhlɔn ɖe sɔ gbɔn sɔ gbɔn ɛhun yi tɔn mɛ.e sɔ kliso sɔ na vovo ɖi ɛhwɛjijɔ we kpɔn ɖewu, ɖo do sɔ gbɔn nyrando le yi we ohunkuku mɛ. ²⁶ Mɛ ke na va ganke mɛ do onu ɖiɖe xlɛ gbe jini nɔ tɔn . ebo nɔ va emɛ mɔ xa kena ona kpe wu gbeji , abodo ɖe xlɛ mɛ ɖe kpokpo-e bio kandeji yesu mɛ . ²⁷ Fi ye lɛ ojo kinkan le? ye tɛnu gbɔn eji . gbɔn eni -i mɛ? gbɔn onu wiwaye mɛ?o-o, vɔ sɔ kandeji we ɖiɖomɛ. ²⁸ Mi na hu-e nu bi o ɛmɛ ɖokpo mɔn kpɔn ɛhwɛ jijɔ gbɔn hɔseɖiɖo mɛ ke na ɔn wa osɛn we dan ye ti . ²⁹ Alo Mawu, jwifu tɔ ye we Mawu jan wɛ enyi? ɔn nyi mahɔse tɔ ye tɔn can ? ɛ-ɛ,mahɔse tɔ ye tɔn can. ³⁰ na Mawu nyi ɖokpo-ɔ, ena ɖo ɛhwɛ adagbigbo tɔn gbun hɔse mɛ ,kpo adama gbo gbun hɔse ɖiɖomɛ . ³¹ Mi na tutu osɛn gbun hɔse ɖiɖo mɛ wɛ? ni ka mɔ nyi emɔ.taji,mi yi gbe bio osɛn-ɔ mɔn nyɔ hwɛn .