¹ Lɔ-ɔ odo ɛhwɛn wu ɛmɛn ye nɔn, vɔ yite-te can le ɛhwɛ mɛn. Ɖo yike do ɛhwɛn wu ɛmɛn nɔn-yi can o nu ɛhwɛn nɔn. ² Vɔ-ɔ mi-i nywɛn lɔ bio, e mɔn na wɛn Mawu nɔn do ɛhwɛ ɛmɛn nɔn do. ³ Vɔ-ɔ na yi can o nɔn ɖo ɛhwɛ wu ɛmɛ nɔn ɔ, vɔ-ɔ o bo nɔn wa onunyinnyla nɔn, bui-i nɔn lɔ bio ɛhwɛn ɖiɖɔ na gliwe do ha wɛ-ɛ? ⁴ A lo onɔ gbɛ wan nan dɔmɛn kikɔn yi tɔn wɛ, oto hihɛn, dɔmɛnnyinyɔn, o bo nɔn wɔn nɔn bio dɔmɛnkikɔn yitɔn nɔ kplɔwe do yi jimɛtitrɔ wɛ. ⁵ Vɔ-ɔ do gbɔn ojisinsiɛn tɔwe wu wɛ dɔn na aɖi-i yitɔn nɔn va kɔnolo jiwe le ɛhwɛɖɔzangbe. Yi we gɔn mɛ wɛ yi bio yi we ɛhwɛɖiɖɔ we azangbe adi-i wɛ e nan va nyi. ⁶ Yi ke na ɖɔ ɛhwɛ na mɛnɖokpoɖokpo do odan yitɔn wu. ⁷ Na mɛnke do gbɔn walɔ nyitɔn ye mɛn nɔn kan gigo o, kikɔ-o, onuhunhlun man wasi, e nan nan ye ɛgbɛ manuɔ. ⁸ Vɔ-ɔ mɛnke nɔ siɛn ta mɛn, ke nɔn gbɛ gbe na oxojɔxo ɔ a bo le onunyinnyla mɛn, aɖi-i kpodo doŋɖunu mɛn ⁹ Mawu na hɛn miman va ye mɛn, ye mɛn ke gbɛ-ɛ wa onunyinnyla kpo Jwifu tɔ ye kpodo Glɛsitɔ ye ɔ. ¹⁰ Vɔ-ɔ, fifaa, kikɔ kpodu kafu-kafu ni-i nyi mɛnke na nɔn wa onunywen na Jwifu kpodo Glɛsi-i tɔn ye ji. ¹¹ Ɖo man kpɔn ado wasi ni-i on le Mawu kɔn. ¹² E mɔn ha ke ɔ, mɛnke na gbɛ wa onunyinnylan osɛn ɔn mani-nyɔn ɔ mɛn xi na ku osɛn ɔ man nyɔn, vɔ mɛnke na wasi nyinyla le osɛn ɔn nyinnyɔ mɛ ɔ-ɔ. Mɛ xi-i na ku le onu ɛmɔn natɔn nyinyɔn mɛn. ¹³ Ɖo ɔn nyi mɛ ke sɔ osɛn ɔ do odanwi wa mɛn wɛn jɛun na Mawu vɔ-ɔ mɛnke sɔ-ɔn sɔɛ do odanwiwa mɛ ɔnjɛ un na Mawu. ¹⁴ E mɔn na ke wɛ na mayi se nɔn ye ke nɔn wasi do osɛnji ɖi-i ke e jɛ do ha na nyi osɛn na ye ɖe. ¹⁵ Yiwɛ dɔn ayixo yetɔn nɔngbɛ onu nan ye nɔn gasiaga mɛ a mɔn nɔ nyi gbe na ye. ¹⁶ Mawu na do ɛhwɛ na gbɛtɔ ye do gbɔ-ɔn oviɔ Yesu ji. ¹⁷ Sɔɛ le ɖi-i o nyi Jwifu tɔ na, bo nɔ wasi do osɛn ɔn ji le Mawu mɛn ¹⁸ o bo nɔn nyɔn ojlo yitɔn kpodo onu ke ɔn nyi ogbena, ɖo onyɔn osɛn. ¹⁹ Sɔɛ lɔ bio ye mɔn nyi ŋvanɔ ye we kplɔtɔ-ɔ, kinklɛn na mɛn ke le vuvlu mɛn, ²⁰ onumanyontɔ ye we cica, xwetɔ vikpɛ ye tɔ, sɔɛ lɔ bio ye mɔn yɔ xojɔxo ke le osɛn ɔn mɛn. ²¹ Yike nɔn kplan onu wu ɛmɛ ye, unni-i jɔ na ɔn nɔn dokplan yitete? Yike nɔn gbɛ na ɛmɛ ye bio ye ni-i ka mɔn fin onu unni-i jo na o nɔn do fin ɛfin nɔ? ²² Yike na nɔ gbɛ na ɛmɛn ye bio nye ni-i ka mon lɔ-ɔ oga, unni-i jɔ na o nɔn do wasi? Yike na nɔn gbɛ wan nan yɛhwe ye, ɔnnɔn finɛfin le cɔcixoye mɛn we? ²³ Yike na osɛn nɔn jo oji na, ɔn nɔn gbɛgbe na Mawu we osɛn wɛ? ²⁴ Ɖo ɛmɛn ye gbɛ wan nan Mawu we ŋkɔn do wu we. ²⁵ Ada gbi gbo nyɔn huin nan nyi ke na nɔn sii Mawu, vɔ na ɔnɔn si-i na Mawu ɔ o lɛzu tɔtɔnɔn. ²⁶ Na tɔtɔ nɔn o sii Mawu nɔn ɔ, ɔn lɛ zu adagbo tɔ wɛ? ²⁷ Tɔtɔnɔn ɔn na ɖɔ ɛhwɛn nawe, nɛ yi o gba osɛn nɔn? Ɖo mi-i nyɔn osɛn vo mi-i nɔn oba osɛn. ²⁸ Xojɔxoɔ, Jwifutɔ onywɛn ɔnyi le gbaza mɛn ɖodyo ada gbotɔ can. ²⁹ Vɔ e nyi le jimɛ adagbotɔ ɔ can. Kafu kafu yetɔn ɔnnɔn gbɛtɔ ye de, vɔ Mawu kɔn e nɔn sɔ-ɔn.