¹ Nɔn vi ye, bo we ojro kpo bo we kwue fan ye ɔ, wɛ nyi bio ye a kpɔn hlɛn gan. ² Ɖo ko ɖe kunu na ye nɔ do kpakpa ke ye ɖo na Mawu vɔ ɔn nyi gbɔn onu nyinyɔn mɛ. Ye nɔ do vɛ na Mawu we onu jijɔ ye tete nɔ kan ye we jijɔ nyinyi. ³ Ye ɔn le Mawu we jijɔ nyinyi gɔ. ⁴ Ɖo Kliso we na hɛn va cicɛ mɛ osɛn na jijɔ nyinyi na mɛ ke xɔse ye. ⁵ Vɔ Mɔnse wlan onu sɔn jijɔ nyinyi ke sɔn osɛn mɛ ɔ:« Mɛ ke o zan jijɔ nyinyin we osɛn ɔtɔ ji ɔ na nɔ ɛgbɛ le e mɛ. ⁶ Vɔ jijɔn nyinyi ke sɔn xɔse mɛ o lɔ oxo ke nɔ:« ka lɔ le yi we ji mɛ " mɛ na va yi ji ŋkunsi?" (o sɔ Kliso jɛ o te nɔ xɛn xin). ⁷ Mi ka lɔ bio "mi na yi ogun xo-o ɔ mɛ"? ( e le ɖi o mɔ sɔ Kliso mɔ sɔhɛn yi oku to mɛ nɔ ha.)» ⁸ Vɔ ŋnyi e lɔ nɔ? « Oxo ɔ le axa na we, le onu mɛ na we kpo oji mɛ na we» Xɔxe we xo ke mi lɔ nɔwɛ le e mɔ. ⁹ Na olɔ kpo yi we onu bio Yesu mɔ nyi Xwetɔ mɔ fɔnɛn sɔn o kuto mɛ, o na kpɔn wlɛn gan. ¹⁰ Sɔn oji mɛ wɛ gbɛtɔ nɔxɔse do jijuwɛ ji, bɔde wuɔ onu mɔ lɔ wlɛn gan. ¹¹ Ɖo e le wɛnwlan:« Mɛ sia mɛ ke na ɖo xɔse do e jiɔ hɔn kpe wu na caka.» ¹² Ovo gbin gbɔn ɖe hɔn le Jwufu kpo Glɛki mɛ. Xwetɔ ɖokpo ɔ wɛ e nyi na mɛ bi, e nyi dɔkun nɔ do dan mɛ ke nɔ yuɛ ɔ. ¹³ Ɖo mɛ ɖe yɔ Xwetɔ we nyikɔ e na kpɔn wlin gan. ¹⁴ Na ɖe ye na yuɛ ɖo, yi ke yɔn xɔse na? Na ɖe ye na xɔse ni ɖo, yi ke hɔn se yi we oxo, na ɖe ye na se oxo ɔ ɖo na mɛ ɖe hɔn le na lɔ na ye. ¹⁵ Na ɖe ye na lɔ ɖo na hɔn ɖo ye do dan? Ɖi ke e le winwlan ɖo ha:« Ye we ɔfɔ nyɔn hɛn ke ye mɛ ke nɔ jra ɛwɛn nyɔɛn.» ¹⁶ Vɔ ye hɔn ɖo oto ɛwɛn nyɔɛn. Ɖo Ezai lɔ:« Xwetɔ, mɛ xɔse na ɛwɛn?» ¹⁷ De ji, xɔse sɔn oxo ke ye se nɔ mɛ, xo ke ye se bo sɔn gbɔn Kliso we oxo mɛ. ¹⁸ Vɔ ko lɔ:« Ŋɔn se?» Yi kpo kando e ji kpo! « Ogbe ye tɔn we ɖiɖi fan do ŋkun dan ji, ye we oxo bo yi ɛgbɛ we vivɔ nu.» ¹⁹ Mɔ xu gan xu e mɔ, ko lɔ:« Izlaɛlu hɔn nyɔɛn?» Tăntin ɔ Mɔse lɔ:« Ko na zin zin ɛwuhan mia tɔn gbɔn nu ke hɔn nyi to gun ɔ ji, ko na fɔn mia we aɖi gbɔn to gun ke hɔn ɖo onu nyinyɔ.» ²⁰ Ezayi mɔ ɖo ɔkɔn kpɛn kpan bo lɔ:« Ko ve kpɔn ɖi ye le mɛ ke hɔn kan nɔ ye mɛ, ko ve sɔ ɖi ye sɔ hlɛ mɛ ke hɔn yɔ ye.» ²¹ Vɔ ke kan Izlaɛlu e lɔ:« Ko sɔ onyi hɔn ɖokpo do drɛn olɔ do dan oto gun ke hɔn nɔsi ɛmɛ a bo nɔ cite do ɛmɛ wu.»