¹ Ko lɔ nɔ , Mawu gbɛ iwe togun ɔ wɛ? gbeɖe kpɔn. ɖo , bo can ko nyi Islayɛlivi jiji , bo tɔn sɔn Ablahamu we kunkan mɛ , sɔn ɔkɔta Bɛnjamɛ tɔn mɛ. ² Mawu ko gbɛ iwe togun ke enyɔsan. Mi ɔ nyɔ onuke winwlɛn kinkwɛn ye nɔ lɔ do Eli wu , ɖike e jɛ ohwɛ na Mawu do Izlayɛliwu? ³ «Xwetɔ , ye hu oxolɔɖenyitɔ tɔwe ye , bo gba ɔvɔ sinsanwe agbatɔwe. Bo ɖoɖyo wɛ drɔn , ye mɔ kannɔ a mɔ ɖe ɛgbɛ tɔ ye tɛ.» ⁴ Vɔ , ɖewu ni lɛ e yi sɔn Mawu kɔn : « Ko sɔ ɛmɛ kotokun acowe ke ye ɔn jɛ klita le ŋukɔn na yɔhwe bali kpɔn. ⁵ E mɔ ke wɛ , le syɛ ɔ , ɛmɛ ɖeye ba cyan ɛmɛnu vivɛ Mawutɔn , bo drɔn le. ⁶ Vɔ , na enyi ɛmɛ nuvivɛ wɛ ɔ , ɔmɔnyi do gbɔn odanwiwaji. Na ele e mɔ , ɛmɛnuvivɛ ɔn mɔ ba nyi ɛmɛnuvivɛ nɔ. ⁷ ŋuni e na nyi ? onuke Izlayɛli kannɔ ɔn kpewu bo yi-i: Vɔ ɛmɛ ciancian ye bo yi-i , iwɛ , ɛmɛ gbokpweye gbɛ syɛn ota nɔ. ⁸ ɖike ele winwlan le Mawuxo ɔ mɛ bio:« Mawu mɔn na ye gbigbɔ fdokpo cicitɔn ; e na na nukunye ko mɔ kpewu na kpɔn onu , e na na ye ota , ye ɔn kpewu na se onu , gbɔn jɛɛ egbe ke. ⁹ Davidi bo lɔ bio:« onuɖuɖu ty ɔn nyi omɔ ɖyɖo na ye , oɖɔ na ye , onyi jijɛ na ye , a mɔ nyi oto dindɔn ke jɛ na ye. ¹⁰ ŋukunsin yetɔn ye ni do vuvlu gbɔɔn ye mɔ hwe do onu kpinkpɔn wu. Hɛnye do okpo xixa ji tɛgbɛ. ¹¹ Ko kan se nɔ bio: Ke ye klɛn ɔfɔ , ye ɔn mɔ fɔn kpɔn wɛɛ ? Gbeɖokpo. Ke ye jɛ onyi ɔn , ɛmɛ ke ye ɔn nyi Jwifu ye kpɔn hwlɛngan , na e ma nyi ɛwuhwinhwan na Jwifuye. ¹² Vɔ , ,a e nyi bio ɛhwɛ ke ye hu h€n dɔkun va na ɛgbɛ ɔ , sɔ ke ye sɔ ye sɔ hwe hɛn dɔkun va na ɛmɛ keye ɔn nyi Jwifuye , dɔkunke hugan e mɔ hwɛn e na nyi na ye , na ye va kpɔn hwlɛngan blebu ɔ wɛɛ? ¹³ Syɛ , mi ɛmɛ ke ye ɔn nyi Jwifuye hɛn ko lɔ oxo na nɔ. Blɔ ko nyi ɛmɛ dindɔn na ɛmɛ ke ye ɔn nyi Jwifu ye , ko bo kpɔn ɖiye mɛ nɔ na odan do asi tɛye. ¹⁴ E na kpewu fɔn ɛwu hwinhwan na ɔkɔta tɛyee , a mɔ hwlɛn ɛmɛ ɖe ye le ye mɛ. ¹⁵ Na enyi bio , ke na ye ɖe ye ɖo ovo , wɛ dɔn na ɛgbɛ ɔ xe ɖeɖe do trɔ va jɛ kpɔkpɔ kpodo Mawu , nade e na nɔɖo, na ye mɔ trɔ va yi ye , e na nyi okɔ lilɛ oxo jɔ oxo tɔn sɔn oku do va ɛgbɛ mɛ. ¹⁶ Na enyi nɔ bio ye sɔ yɛvowɔ keye nya we akpa tantyɛn , sɔ na Mawu ɔ , Yɛvowɔ nyinya xeɖeɖe na nyi Mawu ɔ tɔn , na ye lɛ otinkyɔn do Mawu we ɔlɔ jiɔ, otinwe abaye can na lɛ zun Mawutɔn. ¹⁷ Na enyi bio ye gbo otin we ɔlɔ ɖeye tɛ , lɔ ke nyi olivutin le hɔntun , ye bo sɔ we sɔ ca do tɛnxo ye tɔn le ɔlɔ gbokpwe ɖe ɔ ye mɛ na yi can na yi can na ɖo mima le ɛsin fifa ke nɔ sɔn olivutin we okyɔn mɛ, ¹⁸ Ko sɔ ɖiwe sɔ kpɔn bio , onyi onu ɖe sɔ hugan ɔlɔ ke ye gbotɛye. Vɔ na o kɔ ɖiwe nɔ ɖi ɔnyi onu ɖe hugan ye , nywɛ bio , yihwɛn hɛn okyɔn , vɔ , okyɔn wɛ hɛnwe. ¹⁹ O na va lɔ bio:« ɔlɔ ɖiye nyi gbigbotɛ , na ye do sɔ blɔ sɔ cado okyɔnnu.» ²⁰ Oxo jɔ oxo wɛ ota sisyɛn ye tɔn , a mɔ gbɛ xɔse ɖiɖowɛ dɔn na ye do gboye tɛ , lɔ bo le blɛ do xɔsetɔwe wu. Koo kpɔn bio , onyi onu ɖaxoɖe sɔ hugan ye. Vɔ, na e na nyɔhwin , ɖo vivo. ²¹ ɖo na Mawu, ɔn kpɔn bio , ye lɛ ye jɔ kpodo okyɔn bohɛn ye wu , ɔn ba hɛn yican wu nɔ. ²² Kpɔn ke Mawu nɔ nyɔ dɔmɛdo , amɔ kpɔ ke enɔ nylɛ ɛhunɖo . enylɛ ɛhun kpanta jwifu ke ye jɛ onyin ye , bo nyɔɖɔme do lɔ, na enyɔ nɔ bio, ogbɛ le dɔmɛ nyinyɔmɛ . Na onmɔ nyi emɔnɔ, ye na gboyicantɛ. ²³ Ke kan jwifu ye, na ye ɔn gbɛ dɍɔn le ota syɛn syɛn mɛɔ, ye na trɔ caye, ɖo mawu kpewu bo na trɔ caye. ²⁴ Na enyi bio, ye gbo lɔle olivutim hɔn tun tɔn wu, bo sɔ we sɔ ca do olivun tin ado dwe wu, onu fifaɖe wɛ ena nyi bleŋu na ye mɔ sɔ yee sɔ ca do olivutin yetɔn kewu ye gbo ye le. ²⁵ Nɔvi yee , kɔn jlo bio, mian nɔ manywɛ mɛ na onu budo hɛn, na mi ɔn mɔ sɔ mianɖe ye sɔ kpɔn onu nywɛtɔ nɔ le ɖe ye mɛnɔ onu budohin ,wɛ nyi bio , ota sin syɛn na izlayɛli we oto ɔ we akpaɖe na ɖo na gbɔ ɔn do yi gan ke mɛ ɛmɛkeye ɔn nyi jwifu ye na dyɛ mawu we ɔkɔta ɔ mɛ amɔ kpɔn hwlɛngan. ²⁶ Emɔwɛ izlayɛli we otogun na kpɔn hwlɛngan ɖo, ɖike wlankinkwɛn lɔ ɖo bio:«yi na ɛmɛtɔ sɔn ziɔn ni , amɔ ɖe otolivyɔ Jakɔbu vikpɛ ye tɔn tɛ. ²⁷ Eke ɔ na nyi okan cica tɛye kpo ye, le ogan ke mɛ ko naɖe ye we onu nyanyla ye tɛ .» ²⁸ Na enyi bio , mi na lɔ ɛwɛn nywɛ ɔ we oxo ɔ , ye trɔ zun kɛntɔye na Mawu , miye mɔ kpɔn omɔ hunhun na nyɔna Mawutɔn , le akpabujii , ɖike Mawu wasicicanɖo , ye nyi ɛmɛ yi owan na , ɖo yetɔye wu. ²⁹ ɖo , onu ninaye kpodo oylɔ Mawutɔnye ɔn nɔ ɖɔli. ³⁰ ɖo mi ko nyi otolivyo nɔ ye saan , vɔ , syɛɔ mi kpɔn dɔnuɖunu do tolivyo yetɔn wu. E mɔ ke , jwifu keye , nyi otovyo nɔ. ³¹ ɖewu ɔ nyi bio , do gbɔn dɔnuɖunu mɛ ɔ , ye can yi dɔnuɖunu. ³² ɖo Mawu sɔ ɛgbɛtɔ ye xeɖeɖee sɔ ɖo ogantɔdo otolivyo wu , a mɔ va wa ɛfɛnu na ɛmɛ sya mɛ. ³³ Mawu we dɔkun gloke , onu nyinywɛ , kpodo onu nyi nyɔ (onudobiba). ɛmɛti ɔn kpewu na nyɔ ke etito ɖo. ɛmɛti ɔn kpewu nyɔ omɔ itɔnye. ³⁴ ɖo , mɛlɛ na nyɔ xwetɔ susu , mɛlɛ na kpewu na onukpla ɛmɛ wi? ³⁵ Mɛ lɛ nɔ na onu ɖe Mawu, na e mɔ tu ɔxɔ? ³⁶ Le oxo jɔ oxo mɛ ɔ, onuye xeɖeɖe nɔ sɔn ekɔn, iji wɛ onuye gbɔn bo le, bo le nii. Itɔn wɛ nyi gigo doyi doyi. Ami!