¹ Nɔvi ye, kodo hɔnhlɔn lan mɛ na mi nɔ sɔ, gbɔn dɔnuɖunu kpinkpɔn Mawu tɔn, a sɔ mia we gbaza sɔ hlɛ ɖi vɔsan ɛ gbio gbio, ɖedo vo ke Mawu na yi gbe na, ke nyi sisɛn adodue. ² Mi ka le ɖi onyihɔn tɔ ye ha vɔ mi trɔ gbɔn mia we susu mɛ. ³ Ko lɔ, sɔ kun do ɛfɛ nu ke ye na le mia mɛ, mɛ ti ni ka yi we susu hu ke e le ni. Vɔ mi bu tamɛ ɖi onu nyɔɛn tɔ ha ɖi ke Mawu na na xɔse wu ɖokpo dokpo mɛ ye. ⁴ Ɖo, mi ɖo onu vue vue le gbaza mɛ vɔ ye ko nɔ wa odan ɖokpo ye. ⁵ E mɔ ha ke ɔ, mi ye ke su, mi wasi ɖokpo le Kliso we gbaza mɛ, ɖokpo ɖokpo mia tɔn bo nyi ɔlɔ klan na mia ɖe. ⁶ Ɛfɛ nu voe voen wɛ mi ɖo ɖi ke ye na mi ɖo ha. Na mɛ ɖe yi onu nina oxolɔɖenyi, ni zɛn ɖi xɔse ke e ɖo ha. ⁷ Na mɛ ɖe ɖo ɛmɛ kpede wu we onu nina, ni kpedo ɛmɛ ye wu. Na mɛ ɖe ɖo a do kplan onu, ni do kplan oniu. ⁸ Na mɛ ɖe ɖo a do do kpa kpa lan mɛ na ɛmɛ, ni wasi, na mɛ ɖe ɖo onu nina we onu, ni wasi kpo ojro nyɔɛn kpo, na ɛmɛ ɖe ɖo onu ni na ke ye na do kplɔ ɛmɛ, ni wasi a bo wle bio ni. Na mɛ ɖe ɖo dɔnuɖunu we onu ni na, ni wasi kpo jijuɛ kpo. ⁹ Wanyi ni ka nyi ɛyɛ mɛ tɔn. Mi gbɛ owan na onu nyinylan, mi sɔ mia ɖe na onu nyɔɛn. ¹⁰ Ke kan wanyi nɔvi tɔn, mi nyi owan na mia ɖe, ke kan susu xɔ na ɛmɛ, mi si mia ɖe ¹¹ Ke kan ɛmɛ wu hando ɔ, mi ka xo kpɔn, ke kan gbigbɔ, mi ɖo kando eji ke kan Xwetɔ, mi sɛn. ¹² Kun do kande ji ke mi ɖo do suɛ ke gbɔn nɔwu, oji ni jɔ mi. Mi ku o hun le vivɛ sise ye mɛ. Mi ɖo ŋkɔn yi yi le kue fan mɛ. ¹³ Oxian xɔsetɔ ye tɔn ni yi mia tɔn. Mi zan walɔ susu a do yi jonɔ na ɛmɛ. ¹⁴ Mi yla mɛ ke o do vivɛ sisie na mi nɔ ye, mi yla a bo ka onu wu ɛmɛ. ¹⁵ Mi jɔji kpo mɛ ke o jɔji nɔ, mi vi avi kpo mɛ ke ovi a vi nɔ ye. ¹⁶ Mi ɖo susu ɖokpo do dan mia ɖe. Mi ka hɛn ogonyitɔ le mia we susu mɛ. Vɔ mi nɔ kpɔ kpɔ kpo mɛ ke o do ojrɛ mia mɛ nɔ. Mi ka sɔ mia ɖe do sɔ wasi onu nyɔntɔ. ¹⁷ Mi ka wasi onu nyinylan do dan mɛ ke wa nyinylan na mi. Mi wasi onyɛn na mɛ bi. ¹⁸ Mɛ ye na va ɛmɛ gun do jɛ gan ke mɛ mi kpe e wu. Mi nɔ fifa mɛ kpo ɛmɛ bi ¹⁹ Mi ye tete ni ka ɖe ohlɔn, vɔ mi jo Mawu we aɖi do na a wa odan. Ɖo e le wiwlan:« Tɛ ye wɛ nyi ohlɔn ɖiɖe tɛ ye we nyi onu ɖo tɛn xo n a ɛmɛ. Xwetɔ wɛ lɔ e mɔ ha. ²⁰ Na xovɛ o ci yi we kintɔ, ni na ɖu, na kɔmiɔ ci ɔ, ni na nu. Na mi o wasi e mɔ nɔ, e le ɖi zokan zozo we mi o kɔn do ota ni nɔ. ²¹ Mi ka na nyinylan a ɖu le mia ji, vɔ mi ɖu le e ji gbɔn nu nyɔɛn ji.