¹ ɛmɛ bi ni do bubu na ɛcɛ kpikpa ɖaxo yee bi, ɖo ɛcɛ kpikpa ti ɔn le na e ɔn nyi Mawu kɔn e sɔn. . Ke bo le-e Mawu wɛ ɖo ye. ² E wutu , ɛmɛ ke na syɛn ota do ɛcɛ kpikpa wu, e site do Mawu we tito wu; ye ɛmɛ ke na site do iwu ye-ɔ kojo ɖiɖo Mawu tɔn nɔn va ye ji. ³ ɖo ɛcɛ kpikpa ye ɔn nyi jikanso we nu na odan nyɛn ye , vɔ e nyi onu vivɔ na odan nyinylan ye. Mi jro bio hiye mɔn ba vo na ɛcɛ kpikpa nɔn ? Mi wa onu nyɛn na ye a kafu mi. ⁴ ɖo e nyi odansɔvi nyɛn Mawu tɔn na nyɔna miatɔn. Vɔ na e nyi mi wa onu gugu mi bo nɔn jikanso mɛ. Iwɛ dɔn uye na ɛcɛ wu ye . ɖo Mawu we odansɔvi wɛ e nyi , e nɔn do aɖi do onu nyinylan watɔ. ⁵ Iwɛ dɔn mi ɔn ɖo na bwu do oto didɔn ɖo ɖyo wu, vɔ do nyɔn ke mi nyɔn-e onu ke mi ɖo na wa wutu. ⁶ Onu xin ye ke wɛ dɔn na mi nɔn na takwɛ. ɖɔ ɛcɛ kpikpaye ye nyi Mawu we odansɔvi ke nɔ kpeŋu do onu xin ye wu gasiagamɛ. ⁷ Misɔ onu ke na nyi ɛmɛ ɖetɔn a sɔ ni: takwɛ sɔ na ɛmɛ ke e jɛ na , ɔxɔtu na , a tui ni , sisijɛ na ye a si ni , ke bubu jɛna ye a bu-i. ⁸ Mi ka mɔn ɖu ɔxɔ do ɛmɛ ti-i, owan nyinyi we ɔxɔ jan we ɔxɔ wɛ mi na ɖu do mi nɔnyɔn-e. ɖo ɛmɛ ke na nyi wan na nɔviɔ e wasi do osɛn ji. ⁹ ɖo:« ɔn ɖo na lɔga , ɔn ɖo na ha ɛmɛ , ɔn ɖo na fin ɛfin , ɖo ɛmɛ nu ɔn ɖo na biaŋu na we;» na osɛn bu mɔn le, e le oxo ke mɛ:«nyi owan na nɔvwuwe ɖi itete ha.» ¹⁰ Owan nyinyi ɔn nɔ ɖo fɔku ɛmɛ nɔ viɔ ɖiɔ. ɖo, wanyinyi wɛ nyi wiwasi do osɛn ye ji. ¹¹ ɖo e klɔ wu, mi nyɔ gaxixo-ɔ, na mi na do fɔn le ɔwlɔn mɛ. ɖo mian we hwlɛngan e kpɔ ɔ siɛ hugan ogan ke mɛ na mi yi se le titɔ e ji. ¹² Ozaan o sɔn , ŋukɔn kpɔ ɖiɖe. Mian jɔ vuvlu mɛ we odan wiwa ye do , a bo sɔ kinklɛn we ahwan wa nu ye a sɔ do. ¹³ Mia zɔn nyɛnɖe ɖi kinklɛn ha e ɔn nyi le ɛmɛ ɖe kɔ do yiji mɛ, a loo ahan mumu mɛ. A bo ko mɔn le ogalilɔ mɛ, a lo onu jro ɛmɛ gbɔn iwu, alo onu jinjan kpo ɛwu hwan mɛ ni nɔn. ¹⁴ Vɔ misɔ xwetɔ Yesu Kliso sɔ do, mi ko mɔn na tɛnxo wu gbaza kpo iwe onu jijro ye.