¹ Mi-i nyi mɛke nan ɔnɖo xɔse san man lɔ oxoti do ewu. ² Le kpɔnɖewu mɛ, ɛ mɛn ɖe le bo nan ɖu onu ye bi-i vɔ-ɔ mɛnɖe mɔn le ke oma-an ɖoɖyo jan e na ɖu. ³ Mɛnke ɖu onu bi-i nɔn ni-i ka mɔn gbɛ owan na mɛnke na ɔnɖu onu bi nɔn ɖo Mawu nyi va e kɔn. ⁴ Mɛ lɛ ɔnyi na do lɔ oxo do mɛnbu we odansɔvi wu ? Na e le ote alo e jɛ nyi ɔn , e wa nyikpo nyiwe xwetɔ we oxo. Vɔ Mawu ɖɔkpo ge-e jɛ wɛ na fɔn-ɛ cite. ⁵ Mɛnɖe ye le-ɔ ye nɔ sɔ kpinkpɛnmɛ sɔ na azanɖe ye wu azanɖe ye , e mɔn ha kez mɛnɖe ye mɔn nɔ sɔ na kpinkpɛnmɛ na azan ye bi-i. Mɛnɖokpo-ɖokpo ni-i kando nyi ɖe ji-i le ayixa nyitɔn mɛ. ⁶ Nan mɛnke nɔ blanu ɔ ni-i blanu ɔ le ɖi ke xwetɔ lɔ lɔ do ha, mɛnke ɖu nu can ni ɖui-i le ɖi ke xwetɔ lɔ-ɛ do ha, ɖo e do bubu Mawu wu. Yiwɛ mɛnke ɔn mɔn ɖu nɔ can , o do bubu Mawu wu nɔ. ⁷ ɖo mɛnti-i ɔn le ɛgbɛ le iɖe si-i, e ko mɔn na ku iɖe si-i. ⁸ ɖo na mi le-e ɛgbɛ-ɔ, xwetɔ wɛ mi le-e ɛgbɛ na, na mi mɔn ku ɔ xwetɔ wɛ mi ku na. ⁹ Onu e mɔn xa tɔn wɛ dɔn na kliso ku bo mɔn fɔn va ɛgbɛ a do kpewu nyi-i xwetɔ na ɛmɛ kuku ye kpodo ɛmɛ le ɛgbɛ ye. ¹⁰ Vɔ lɔ-ɔ ŋni-i jɔ na o do ɖɔ ɛhwɛ na nɔn vuwe nɔn, ŋni-i jɔ na o do gbɛ wan ni-i nɔ, ɖo mimɛn bi-ɔ Mawu we ɛhwɛ kpo ŋkɔn mi na ve nɔn. ¹¹ ɖo e nyi wiwlan lɔ bio “ Ko le ɛgbɛ”, blɔ xwetɔ wɛ lɔɛ, “klita sia klita na jɛ le ŋkɔn na , yiwɛ ɛɖɛ sia ɛɖɛ na kpa gigo-o na.” ¹² Yiwɛ dɔn , mɛnɖokpo-ɖokpo na ve na kɔŋta na yiɖe na Mawu. ¹³ Mi-i ko mɔn nɔ ɖo ɛhwɛ na miaɖe , vɔ-ɔ e na nyɔ, gbeta ke mi na sɔ wɛ nyi bio, mɛnɖe ni-i ka nyi ɔfɔklɛn nu na mɛnɖyɔ. ¹⁴ Ko ɖo kando eji bo mɔɩ nywɛn lɔ bio unti-i ɔn doɖyu le ŋmɛn na xwetɔ Yesu, vɔ-ɔ na mɛnke nɔ kpɔn ŋɖe bio e nyi ɖuɖyu, e mɔn e na nɔ ni-i. ¹⁵ Na onuɖuɖu wutu wɛ dɔn na o do jɛ ɔgɔ dodan nɔnvuweo, ke ɔnmɔn zɔn le wanyi-nyi mɛn nɔ. Ko mɔ na na-a e na sɔn onuɖuɖu wu na nɔnvu we ke Kliso yi owan na na-a yi do cicrɔnmɛ. ¹⁶ Mi ko mɔ na-a na-a ɔfɔ onywɛn miatɔn ye a nyi ɛdɛ we nu na mɛnɖeye. ¹⁷ ɖo xɔluɖuxwe Mawutɔn ɔnyi onuɖuɖu kpo onu nunu ɖoɖyo vɔ gbe ji ni nɔ, fifa-a, kpodo jijwɛ le gbigbɔ kinkwɛn mɛ. ¹⁸ ɖo mɛnke sɛn Mawu ɖo e mɔ xa nɔ-ɔ jɛŋ na Mawu bo nyɔhui-i le gbɛtɔ ye we ŋmɛ. ¹⁹ Mi na na-a mia jɛ ɛtɛ na onu ke na nɔ hɛn fifa-a kpodo ke na nɔ hɛn hɔnhlɔn ɖiɖo ɛmɛ nɔnviɔ do va. ²⁰ Mi ko mɔ sɔ onuɖuɖu sɔ gu Mawu we odan. Vɔ-ɔ, nu bi-i we, e nan nyla ɛmɛ ke na na-a va nyi ɔfɔ klɛnu na nɔnvyɔ do gbɔn ŋke e ɖu nɔn ji. ²¹ E nyɔn huiŋ bio ye ni ka-a ɖu olan, viŋ a lo nu bu ke na da le nɔnvuwe ji. ²² Kando eji gbɔn vo e mɔ xa tɔn ye ke na oɖo ɔ, ni-i nɔ yikpo Mawu kpo mɛn. Nyinyla na-a mɛnke na ɔn nɔ do ɛhwɛ yiɖe. ²³ Mɛnke na nan onu kpɔn gbɔxwe a ɖu ɔ, ye na do ɛhwɛ ni-i. ɖo e xi-i ɔn sɔn xɔse mɛ, nu bi tuke ɔn sɔn xɔse mɛn nyi nunyinylan.