¹ Siɛ-ɔ , mi mɛ ke ɖo hɔnhlɔn ye, mi ɖo kpedo ɛmɛ ke ɔn ɖo hɔnhlɔn ye wu. ² ɛmɛ ɖokpo-ɖokpo ni nɔ kan a jɛ ŋu na nɔnviɔ onywɛ kinkan nii mɛ, e mɔn do hwɛn le xɔse mɛ. ³ ɖo kliso tete ɔn jlo a jɛŋu na iɖe ; vɔ leɖi ke ye lɔwɛ ɖo ha“ ɛmɛ ke zun we nɔ ye we vivɛ sise ye bi jɛ ji ye” ⁴ Do onu ke ye wlan san va yi-ɔ , ye wlin na onu kpinkplan mian tɔn wɛ; na sɔ gbɔn oji dido na ɛmɛ kpo oji fa na emɛ we oxo ke le wiwlan le Mawu we oxo-ɔ mɛ-ɔ, mian do ɖo kando eji. ⁵ Siɛ-ɔ , Mawu ke nyi oji fa na ɛmɛ tɔ, oji dido na ɛmɛ tɔ na na na mi na ɖo susu ɖokpo-ye do yi mi nɔ niɔn ye kɔn, sɔ gbɔn Yesu Kliso ji. ⁶ Kpo susu ɖokpo-ɖokpo onu ɖokpo-ɖokpo-ɔ mian a do kpewu sɔ gigo na Mawu otɔ, kpo xwetɔ Yesu kliso. ⁷ E le e mɔn, mi yi mi nɔniɔn leɖi ke kliso Yesu yi mi mɛ bi ɖo ha kpo Mawu we gigo ha. ⁸ Do ko lɔ bio , Kliso e nyi dansɔvi na xɔsetɔ ye sɔ gbɔn oxo jɔ oxo Mawu tɔn mɛ. A do ɖo ɛkpɛn akpagbe ye ji na Mawu. ⁹ Na ɛmɛ ke ɔn nyɔn Mawu ye , ado kpewu sɔ gigo na Mawu gbɔn yi we dɔmɛ nyinyɔn wu. Leɖi ke e nyi winwlan ɖo ha:“ Ko na kafu we le ɛmɛ- ke ɔn nyɔn Mawu ye mɛ a bo ji ohan na we”. ¹⁰ Ye mɔ lɔ bio:“ Mikpɔn jijɔ-ɛɛmɛ ke ɔn nyɔ Mawu ye kpo otyogun itɔn ye”. ¹¹ E mɔn ke “ Mi kafu xwetɔ , mi mɛ bi, ɛmɛ ke ɔn nyɔn Mawu ye, otogun bi ni kafu wi”. ¹² Ezayi lɔ bio:“ Jese we ovi ɖe na va, a bo cite a bo ɖu oga na ɛmɛ ke ɔn nyi jufutɔye , ɛmɛ ke ɔn nyi jifutɔye bo na ɖo kando eji nii. ¹³ Kanɖe ji we Mawu ni na jijɔ-ɛ kpo fifa ni gɔ mian mɛ a do kando e ji, na mian do gɔ kpo kanɖe ji kpo sɔ gbɔn gbigbɔ kikwɛn we hɔnhlɔn mɛ. ¹⁴ Bo can ko kanɖo e ji taŋ nɔnviye-e. Ko kan do eji bio miye can na gɔ kpo dɔmɛ nyinyɔn kpo, a bo mɔn gɔ kpo onu nyi-nyɔn kpo, ke na kpewu na do hɔnhlɔn lamɛ na mi nɔ niɔn ye. ¹⁵ Ganxi mɛ, ko wlan onu na mi nɔ sɔn onu ɖeye ke mi o nyɩɔ wu, a mɔn do flin ye na mi , sɔ gbɔn onu nina Mawu tɔn ke le siye wu. ¹⁶ Onu ni na ke na na ko do nyi odansɔvu na Yesu Kliso, ke ye sɔ ɖo dan ɛmɛ ke ɔn nyi jifu tɔye , ke ye sɔ na do san ɔvɔ ɛwɛn Maxu tɔn. Ko ɖo wesi na ɔvɔ sisan ɛmɛ ke ɔn nyio jifu tɔye tɔn a do sɔgbe, ke nyi gbigbɔ kinkwɛn tɔn. ¹⁷ Gigo tɛye le Yesu mɛ kpo Mawu we onu ye mɛ. ¹⁸ Do kɔn kpewu na ɖo ɛkpin onu ɖe yi na ɔn nyi onu ke Yesu wasi gbɔn jiye nan ɛmɛ ke ɔn nyi jifu tɔye do ta otonu sise. Onu kiye va cicɛ mɛ sɔ gbɔn Mawu xo mɛ kpo ɔfɔ ɖiɖo. ¹⁹ Sɔ gbɔn hɔnhlɔn gbigbɔ kikwɛn tɔn mɛ, kpo onu nyɔn-ɛ ye. E jɔ ɖo e mɔn sɔn Jeluzalɛmu , kpo toxo ke trɔ do ye gbun do yi Ilyrie, ko kpewu na na ɛwɛn-ɔ Kliso-ɔ tɔn gbakpe. ²⁰ Ke e le emɔn ; ojlo tɛye nyi a do ɛwɛn nyɔn-ɔ, vɔ, do gbɔn ofi ke ɛmɛ ye o nyɔn kiso-ɔ le , na ma ka mɔn gba oxɔ do dodoe ɛmɛ bu tɔn ji. ²¹ Leɖi ke na ye wlin ɖo ha,: “ ɛmɛ ke ye ɔn lɔ na ye oxo itɔn ye na kpɔn-ɛ, ɛmɛ ke ɔn se oxo-ɔ ye na se oxo we gɔnmɛ.” ²² Iwɛ dɔn ko jlo mava mian kɔn zɔnnɛmuɖe, vɔ omɔn hɛnu ye nɔ va. ²³ Vɔ siɛ-ɔ, kɔn ɔn mɔn le kansin xin ye mɛ, bo jlo nɔ sɔn oxwe nɛnmu ɖe xin a do va mian kɔn. ²⁴ Na ko yi ɛsipanyi, ko ɖi bio ko na gbɔn mian kɔn a do kpɔn mi, na ko kpɔn jijɔwɛ kpo mivɔ, ²⁵ mi mɔn ve ɖo na ma mɔ ve wadan kpo Jeluzalɛmu we xɔtɔye. ²⁶ Jijɔwɛ ɖaxo ɖe wɛ e nyi na mi na do gɔlɔ na xɔsetɔ ke ɔn ɖo onu ɖe ye le Masedoni, Acaï tɔn ye ke le Jeluzalɛmu. ²⁷ Ye tete wɛ sɔ ogbeta , vɔ le oxo jɔ oxo mɛ-ɔ ɔxɔ wɛ e nyi na ye ɖu. Do na ɛmɛ ke ɔn nyi jifutɔye va kpɔn gomɛ le gbigbɔ mɛ we onu ye mɛ, ɛmɛ ke ɔn nyi jifutye mɛ. ²⁸ Na ko wa odan xin vɔ, ko bo na ye kanɖe wu ye vɔ do okun sinsin xin wu vɔ, ko na gbɔn mian kɔn a bo sin ɛspanyi. ²⁹ Ko nyɔ-ɛ bio, ko gbɔn-ɔ mian kɔ nɔ kpo dona Yesu tɔn ye helele wɛ. ³⁰ Siɛ-ɔ, ko do hɔnhlɔn lamɛ na mi nɔ, nɔnviye sɔ gbɔn mian we xwetɔ Yesu Kliso kpo gbigbɔ e owan nyi-nyi mɛ nɔ na mian do fun ahwan kpo gbɔn ɛɖɛ na Mawu mɛ. ³¹ Mi xo ɛɖɛ na na ma do kpɔn kan tun-tun le ɛmɛke n gbɛ ogbe na Mawu ye si le Jude na odan ke na ko wa le Jeluzalɛmu xɔsetɔye a yi. ³² Mi xo ɛɖɛ na ma do kpewu va mian kɔn le jijɔwɛ mɛ sɔ gbɔn Mawu we ojlo lɛ, na ma mɔn do kpɔn gbɔjɔwɛ le mian kɔn. ³³ Na fifa we Mawu a nɔ kpo mi. Ami.