1 Le omu hin xe we godo ɔ, ko kpɔn ohɔn ɖe hun le jiŋkunsin.Ogbe tantin ke ko sé o lɔ oxo na nɔ ɖi okpin habolɔ nɔ bio : «he boɛ , na ma xlɛ we onu ke na xa jɔ le onu hin xe we godo» 2 Zɔnɖokpo ko ɖyɛ gbigbɔ mɛ bo kpɔn ogaɖuwxe ɖe le jiŋukusin kpo ɛmɛ ɖe ke le onxi hin hin nɔ. 3 Ɛme ke hinɛnyi bo ɖi ɛkpɛn jape tɔn ha kpo lubisi tɔn ha. Anxiɖoxwɛɖo bo trɔ doe. Anxiɖoxwe leɖi emeɖukpen ha. 4 Le ogakpo- ɔ wu-ɔ, ogakpo konukun ɛnɛ trɔ doe ɛmɛ win nyɔn xe bo hin nɔ eji, ye bo do onu owe bɔ cɔn sika we ogba. 5 Le ogaɖukpo-ɔ mɛ- ɔ kinklin nɔ tɔn nɔ fifan kpo zigidi lɛɖi hevioso we omu wiwaha. Zogbin acɔwe le titɛ le ŋkoɔn na ojakpo-ɔ, zogbin acɔwe nyi gbigbɔ Mawutɔn. 6 Ɛ mɔ ke-ɔ, le ogakpo -ɔ we ŋkɔn-ɔ, ɛhu nukpɔn ɛn ɖe le blɛ, leɖi klisitali ha. bo le dodomɛ na ogakpo-ɔ, bo trɔ doe can. Onu le ɛgbɛ ɛnɛ bo le kpo ŋkunsi le ŋkɔn godo kpo. 7 Onu le ɛgbɛ tantin ɖi janta, kinikini , ɔwegɔ ɖi osɔ, ɔtɔngɔ bo ŋmɛ ɖi gbɛtɔ ha. Ɛnɛn gɔ bo ɖi gangan. 8 Onu le ɛgbɛ xe ɖo awa atrekpo ye me ɖokpo- ɖokpo bɔ gɔ ko ŋkunsin kpo ye bo lɔ nɔ aklo ozan bio : «Kinkɔn kinkɔn kinkɔn we nyi xwetɔ mian we Mawu, ɛmɛ ke le san ke le siɛ, i ke mɔn gbɔnɔ» 9 Ga sia gamɛ onu le ɛgbɛ ɛnɛn xe nɔ sɔ gigo na Mawunɔ bubu kpo ɛkpɛ dido na ɛmɛ ke hinnɛnyi le ogakpo-ɔji, ɛmɛ ka le ɛgbɛ sɔn mvɔ doyi mavɔ. 10 Ɛmɛ winnyɔn ko ŋkun ɛnɛn ye nɔ blibɔ ŋkundan mɛ le le ɛmɛ ke le ogaɖu kpo-ɔji nɔ. Ye nɔ blibɔ ŋkundanmɛ nɔ le ɛmɛ ke le ku le ɛgbɛ tɛgbɛ we ŋkɔn ye bo nɔ sɔ gigo we ogba xe tɔn xe sɔ ɖɔ ŋkɔn ni a bo lɔ nɔ bio : 11 « I wɛ jɛ, mian we xwetɔ Mawu mian tɔn na do xi gigo, bubu kpo hɔnhlɔn. Ɖo o wasi onu bi sɔ gbɔn ojlo tɔ we mɛ-ɔ : xe nxi wiwasi xe bo le.»