¹ «Wlan nan ɛwɛndotɔ Mawu tɔn ke le Sadɛsu we cɔci:"Mi kpɔn oxo mɛn ke do gbigbɔ acɔwe kpo suhwevi acɔwe Mawu tɔn ye. Ko yɔn i we odan ye, o ɖo ojro jɛ nan do nɔn ɛgbɛ vɔ o bo ku. ² Fɔn a bo do hɔnhlɔn ɖiwe nan nu ke drɔn kpo ke va ku nɔn ye, ɖo kɔn kpɔn ogbe sisɔ nan iwe odan wiwa le Mawu we unkɔn. ³ Co ganke ɔ, flin nuke o yi kpo nuke o se . Se oto nu a bo trɔ jimɛ vɔ nan hɔn fɔn , ko nan va ɖi fianfinɔn ha o ko nan yɔn gankemɛ ko nan va kpan ota wu we. ⁴ Vɔ ɛmɛ viɖe we unkɔ le Sadɛsu ke ye ɔn ɖɔ oɖɩn ye we awu. Ye nan zɔnzɔnlin kpo a bo do onu owe, ɔ ye jɛ nan. ⁵ Ɛmɛ ke nan ɖu le eji ɔ nan do awu owe, kɔn nan tutu iwe unkɔ kpɔn le wema kpo ɛgbɛ tɔn mɛ ko nan lɔ unkɔ klɛ ye we oxo ie unkɔn nan Mawu (Didɛ ye) kpo ɛwɛndotɔ Mawu tɔn. ⁶ Nan ɛmɛ ɖe ɖo oto ni se nu ke gbigbɔ o lo nan cɔci ye nɔn.» ⁷ «Wlan nan ɛwɛndotɔ Mawu tɔn ke le Filadɛlufi we cɔci:Mi kpɔn oxo mɛ ke yin ɖedovo kpɔ tete. E hin cavi Davidi tɔn ye. E nɔn hun ɛmɛ ti ko nɔn tu, nan e tui ɔ ɛmɛ ti ɔn kpewu nan hun. ⁸ Ko nyɔn iwe dan yee: mi kpɔn, ko do unkɔn nan we ohɔn hunhun ɖokpo bio yi mɔn ɔn ɖo ɖo hɔnhlɔn. Ka ka ɖe, vɔ o se tonu nan bo we oxo ɔ ko gbɛ bo we unkɔ. ⁹ Mikpɔn, mɛke ye lle Jwifu ye we okple tiɔn lɛgba tɔn ke ye o yɔ ɖe vo ye ko yin, o jo wɛ ye nɔn kan nɔn. Ko nan kplɔ yee va ye bo nan jɛ klita le iwe ɔfɔ nu, ye bo nan nywɛn bio ko mɔn nyi owan nan we. ¹⁰ Ɖike o hin bo we osɛn ye wu bo se vivɛ kpo ohun kuku ɔ, bo can ko nan cɔ we le vivɛsise ke nan va jɛ ɛgbɛ ɔ mɛ bi a bo tɛn ɛmɛke le unkundan ji ye kpɔn. ¹¹ Ko o gbɔnnɔn zanɖe, ɖo kan ɖe ji nan mɛɖe ɔn nan do ɖo yi ogba tɔwe. ¹² ɛmɛke nan ɖu oji ye ɔ ko nan sɔ wasi dodue Mawu we oxwe tɔn e ko kpewu nan tɔn kpɔn. Ko nan wlan Mawu tɛye we unkɔ do ewu, unkɔ Mawu tɛye we oto do ewu (Jeluzalɛmu bu ke nan i sɔn jiŋkunsi le axa nan bo we Mawu) kpo bo we unkɔ yoyo. ¹³ Nan mɛke ɖo oto ni se oxo ke gbigbɔ o lɔ nan cɔci ye nɔn. ¹⁴ Wlan nan ɛwɛndotɔ cɔci Lawodise tɔn;"Mi kpɔn timɛn Amii tɔn ( enancɛ), kunnu ɖetɔ adodue kpo kanɖeji, mɛke kpa nan onu ɖiɖo Mawu tɔn ye." ¹⁵ Ko yɔn odan wiwa tɔ we ye, ɔn hunzo o ko mɔn fa. Ko jro bio nan hunzo a lo o mɔn fa! ¹⁶ Vɔ ɖike o le wlɔwlɔ, ɔn hunzo o ko mɔn fa ɔ, ko le ogbe sisɔ nan do tru we le bowe numɛ. ¹⁷ Ɖo o nɔn lɔ:«Ko ɖo oho, ko ɖo dɔkun nu susu ko ko ɖo nuɖe (ti) we ohian.» Vɔ ɔn nywɛn lɔ bio he mɔn yin nuwadonɔn hu, ɔdonu ɖuɖunɔn, wa man mɔn nɔn, unvanɔn kpo a man man. ¹⁸ Ɖo oto bo we ho do, hɔ le si ye sika ke ozo klɔ, nan a do kpo trɔ zun oho tɔ iwe awu mɔn we a bo klɛn nan do kpewu ɖo o ko kpewu nan do kpɔn un yan le iwe govɛ ninɔn mɛ. Hɔ ɖuɖu nan kɔn unkunsin ji nan do pewu kpɔn onu nywɛ ɖe. ¹⁹ Ko kplan onu nɔn bo ho kplan mɛke ko yin wan nan ye nɔn, ke ye ɖo nan nɔn ɛgbe ɖo. Wle bio nan ɖiwe a bo trɔ jimɛ. ²⁰ Kpɔn ko le ohɔn ji bo xuxu ohɔn nɔn. Nan ɛmɛɖe se bo we ogbe ɔ bo hun ohɔn nan, ko nan ɖiɛ i xwe, ko nan ɖu onu kpoe i can mɔn ɖu kpo. ²¹ Ɛmɛke nan ɖu le eji ɔ, ko nan nan ɛcɛ wi nan do xinnɔnyi kpo le bo we xɔlu ɖu kpo kɔn ɖike ko ɖu oji ɖo bo xinnɔnyi kpo didɛye le iwe xɔlu ɖu kpo ji. ²² Nan ɛmɛɖe ɖo oto ɔ ni se onu ke gbigbɔ o lɔ nan cɔci ye nɔn.»