¹ Kpoŋ - ɔ ko bo kpɔn le aɖusimɛ na ɛmɛ ke le agoɖukpo-ɔ ji. Onu bibla ɖe le emɛ- ɔ xe bo wlan onu do emɛ kpo goto ni ye bo sɔɛ sɔ trɛ de sa acɔwe wu. ² Ko bo kpɔn Mawu ɖola hɔnhlɔn ɖe ke ɖe ogbe kpo axwa kpo nɔ bio : «ɛmɛ ni lɛ jɛ bo na kpewu hun onu bibla-ɔ a bo gba so -ɔ ? » ³ Emɛti le jiŋkunsin, ɔn le ŋkundan ji, ɔn le ŋkundan gɔ can. ɔn kpewu na hun alona xlɛ onu ke le winwla le onu bibla mɛ. ⁴ Ko vi avi nɔ vivɛɖe ɖo ɛmɛ ti ɔn jɛ na do hun onu bibla alo a bo kpewu xlɛ nu -ɔ. ⁵ Vɔ daxwe ɖe lɔ na bio : «Ko mɔn vi vi ! kinikini hɛndo juda tɔn, Davidi xe jiji mɛ, e ɖu ji e kpewu na hun onu bibla-ɔ kpo sɔ acowexe » ⁶ le dodomɛ na ogaɖukpo onu le ɛgbe ɛnɛn xe ɔ le daxwe xe mɛ-ɔ ko kpɔn lɛngbɔvi ɖe va le oté le blɛ bo le ɖi olan ke xe hu ha. E ɖo azo acɔwe kpo ŋkunsin acɔwe ke nyi Mawu we gbigbɔ ke e sɔ ɖodan ŋkundan ji. ⁷ E tɛxi ɛme ke le ogaɖukpo- ɔ ji kɔn bo yi onu bibla le aɖusimɛ ni. ⁸ Ke lɛngbɔvi-ɔ xe onu bibla, onu le ɛgbe ɛnɛnye kpo daxwè xe bé blibɔ ŋkundan mɛ le ŋkɔn ni nɔ xe me bi bɔ ɖo onu ke xe nɔ de ji ohan, kpo okan sika tɔn bo gɔ kpo Asan ke nyi xɔsé tɔxe we ɛɖɛ xixo xe. ⁹ xe bo ta ohanxoxo xe jiji : «Ojɛ na do sɔ onu bibla- ɔ a bo gba so-ɔ, ɖo xe hu we kpo ɛhun tɔ we-ɔ o xɔ gbetɔye kpo ɔkɔta ye na Mawu, ogbe vovovoxe, otogun xe kpo oto xe kpo. ¹⁰ O sɔ xe sɔ wasi Mawu we ogaɖuxwe kpo ɔvɔsanto ke wadan na Mawu nɔ, ye bo na ɛcɛ le ŋkundanji.» ¹¹ E mɔn ke ko kpɔn bo sé ogbe Mawu dola susu xe tɔn le aha na ogaɖukpo-ɔ wu, kpo onu le ɛgbe xe kpo ɖaxweye yu we xixlɛ mɛ su gbagbagba ɖi zanhan ha. ¹² Xe do axwa nɔ bolɔ nɔ bio : «lɛngbɔ ke xe hu wɛ jɛ na yi hɔnhlɔn, dɔkun, onunyinyɔn, hlɔnhlɔn bubu gigo kpo kafu kafu» ¹³ ko sé ogbe na onu wiwasi ke le jinnukusi xe kpo ke le ŋkundanji xe kpo ke le ŋkundan gɔ xe ke le ɛhu ji xe (kpo onuke le emɛ ye) ye lɔnɔ bio : «Kafu kafu , bubu, gigo kpo ɛcɛ kpikpa na ɛmɛ ke le ogaɖu kpo -ɔ ji kpo na lɛngbɔvi-ɔ tɛgbɛ.» ¹⁴ Onu le ɛgbɛ ɛnɛn xe lɔ bio : Ami !» daxwe xe bo blibɔ ŋkundan mɛ bo sin Mawu nɔ.