¹ Ke drɔn, nɔvi ye, mi kpɔn jijwɛ le Xwetɔ. Ɔgbɔ hɔn nɔ kpeo na ma do wlan onu na mi. Ye na hlɛn mi gan. ² Mi cɔ mia ɖe le ovun ye wu. Mi cɔ mia ɖe le odanwatɔ nyinylan ye wu. Mi cɔ mia ɖe le ɛmɛ ke nyi lɔ nɔ ye bio i ye mɔ gbo ada vɔ ye ko gbo. ³ Ɖo mi nyi ada gbigbi we ɛmɛ. Mi mɛ ke sɛn Mawu we gbigbɔ nɔ. Mi mɛ ke kpɔn gbigbo le Kliso Yesu me nɔ, mi ko sɔ mia we kande ji sɔ ɖo gbaza ji. ⁴ Bo can ko hɛn ko na sɔ bo we kandoji sɔ ɖo gbaza ji. Na mɛɖe bwi nɔ bio he mɔ na ɖo kandeji do gbaza ji ɔ, tɛ ye mɔ wu gan. ⁵ Ye gbo ada na le onyhinhɔn atrotɔn gɔ gbe, izlaɛlitɔ, ɔkɔta Bɛjamɛtɔn, Heble ye we Heble. Gbɔn osɛn Falizitɔ ye tɔn. ^{6 7} Ko do aya na cɔci ye kpo jijwɛ. Ye hɔn kpɔn onu ti sɔn wu ye gbɔn osɛn ɔ mɛ. Vɔ onu xlin ye ke nyi ale na-ɔ, ko nɔ kpɔn ye le ɖi bubu ha, do Kliso wu. ⁸ Na mi na lɔ, ko nɔ kpɔn onu klɛ ye ɖi onu vo vo ha, ɖo ke ko nyɔ Yesu Kliso bo we Xwetɔ ɖo. Yesu Kliso ke wu ko do gbɛ onu xlin ye. Ko nɔ kpɔn ye le ɖi baba ha na ma do kpewu ɖo Kliso ⁹ a bo nɔ yi mɛ. Kɔn va kpo bo we ɛxɛ jijɔ, ke sɔn osɛn ɔ mɛ. Vɔ ɛxɛ jijɔ ke ye nɔ yi gbɔn Kliso we xɔse mɛ, jijɔ nyinyi ke sɔ Mawu mɛ bo hunnɔ nyi do xɔse ji. ¹⁰ Syɛ-ɔ, ko jro na nyɔ Kliso, kpo fifɔn sɔn ku we hɔnhlɔn, kpo ɖokpo wiwa le vivɛ sise ye mɛ. Ko jro na ɖi Kliso gbɔn yi we oku mɛ, sɔ gbɔn do kande ji wu-ɔ ¹¹ ma do kpo kpɔn fifɔn sɔn oku. ¹² Ɔn hɔn nyi bio ko mɔ yi onu xlin ye hwɛn, kɔn ka kpe ogan hɔn ɖe.. Vɔ ko do xedun nɔ a do kpewu wle onu hlɛn ye, ɖo Yesu Kliso wle bo can. ¹³ Nɔvi ye, kɔn bwi bio ko mɔ wle. Vɔ ko wasi onu ɖokpo nɔ: a nyɔ onu kle le godo na ye abo kpan ŋkɔn wu onu ke le ŋkɔn na ye, ¹⁴ ko do xedun nɔ do onu tete-ɔ wu nɔ, na ma do kpewu yi ale ke le oyɔ ɖaxo ke sɔn Mawu le Yesu Kliso. ¹⁵ E mɔ ha, mi mɛ ke ɖo onu hwɛn ye , mia ɖo susu xin. Na mi mɔ ɖo susu bu, Mawu na na kinklin do eji. ¹⁶ Gan ke, onu ke mi wasi ye, mi nɔ ote gliŋ le ewu., ¹⁷ Nɔvi ye, mi ɖi bḷɔ. Mi sɔ mi we onu kpinkpɔn sɔ ɖo ɛmɛ ke zɔn le kpɔn do ewu mɛ nɔ ye ji. ¹⁸ Ɛmɛ susu le mia mɛ ke zɔn nɔ leɖi ɛmɛ ke nyi kintɔ na atisoga Kliso tɔn. Ye ɛmɛ ke we oxo ko lɔ na mi ye, ke ko lɔ nɔ kpo ɖasin le ŋumɛ. ¹⁹ Onu ke nɔ ote kpɔn ye nɔ wɛ nyi citrɔn. Ɖo ɔdɔ ye tɔn nyi Mawu na ye, ye nɔ sɔ ye we gigo a sɔ ɖo onu ke nyi ŋukpin na ye ji. Nyixo ji we onu ye wu wɛ ye nɔ bu ote mɛ sɔ. ²⁰ Vɔ we otovi nyinyi e le jiŋukunsi, blɛ ke wɛ mi nɔ ote kpɔn hwlɛngantɔ, Xwetɔ Yesu Kliso le nɔ. ²¹ E na trɔ mia ye gbaza gugu sɔ wasi ɖi yi we gbaza magu magu, gbɔn yi we hɔnhlɔn mɛ na onu bi a do se oto nu ni.