1 Yesu bo lɔ na ye nɔ: " Xojɔxo, ko lɔ na mi nɔ: mɛ ɖe ye le mia mɛ le bwoe ke hɔn va ku nɔ gbɔ woe na kpɔn xolu ɖu xwe Mawu tɔn na va kpo do hɔnhlɔn kpo." 2 Ihɔn atrekpo gɔ gbe ɔ, Yesu kplɔ Pita, Jaki kpo Jaan do yi oto ke yi jixwe ji . Yesu bo trɔ ninɔmɛ le ye we un mɛ. 3 Onu ke Yesu do ye ɔ o da ozo nɔ bo klɛn nɔ, bo we, ke na onu nyan na ɛmɛ tɔ ti hɔn wasi kpɔn. 4 Eli kpo Moyizi kpo va bo ta oxo lilɔ kpo Yesu. 5 Pita ɖe e hu na Yesu bio: " Xwetɔ, e nyɔn na mi na mia gba oxɔ ɔton, ɖokpo na we, ɖokpo na Moyizi, ɖokpo na Eli." 6 Ɖo Pita hɔn nyɔn ke e na lɔ do otuta na ye. 7 Sun wɔ ɖe va bo bu ye . Ogbe ɖe tɔn le emɛ: " Mɛ ke wɛ nyin Ovi ye vivɛ, mi ɖo oto wi." 8 Zɔnɖokpo ɔ, ke ye o kpɔn aha na ye ɖe nɔ, nyɔn mɔ kpɔn mɛti, vɔ Yesu ɖoɖio wɛ ye o kpɔn nɔ. 9 Ke ye jɛ ote le oto ɔ ji, Yesu o lɔ na ye nɔ ye ni ka mɔ lɔ onu ve kpɔn le oto ɔ ji na mɛɖe gbun do jɛ gan ke mɛ Gbɛtɔ we Viɔ na do va fɔn sɔn oku to mɛ. 10 Ye bo hɛn oxo ɔ emɔ ha tɔn wu bo kan se le ɖe mɛ nɔ bio un ni nyi fɔn sɔn oku ɔ. 11 Ye bo kan Yesu se nɔ: " un ni jɔ na osɛn kplan ɛmɛ tɔ ye do lɔbio: " Eli wɛ mɔ trɔ va do unkɔn?" 12 Yesu yi gbe na ye: " Eli ɖo na va do unkɔn a do va jla onu ye ɖo. Vɔ e ni jɔ na ye do wlan bio Gbɛtɔ we viɔ mɔ ɖo na se vivɛ susu gbɔn onu hlɛn ye mɛ ye xɛn le ɖi ɛxɛ hutɔ ke hɔn jɛ na ha? 13 Ko lɔ na mi nɔ bio Eli mɔ va ye bo wa onu klɛ ye kpwoe, ɖi ke wiwlan lɔ ɖo ha." 14 Gan ke mɛ ye trɔ va nukplanvi ɖiɛ ye mɛ ɔ, ye kpɔn ɛmɛ susu le aha na ye, osɛn kplan ɛmɛ tɔ ye bo dɔn onu kpo ye nɔ. 15 Zɔn ɖokpo ɔ, gan ke mɛ ye kpɔn ɔ ɛmɛ susu o jɔji nɔ ye mɛ bi bo ve do ogbe ni. 16 Yesu kan onu kplanvi e tɔn ye se: " un ni lɛ mi o dɔn kpo ye nɔ?" 17 Mɛ ɖe le oto gun ɔ mɛ bo yi gbe ni: " Xwetɔ ko hɛn viye do va na we, gbigbɔ ɖe nɔ do han nu ni nɔ e ko kpo nɔ lɔ oxo. 18 E nɔ wle a bo sɔ xu unkun dan mɛ, e nɔ do vivɛ sise ni, viye mɔ ɖu aɖu kunkun nɔ a bo sinnyɛxu. Ko biɔ nukplanvi tɔ we ye mɔ nyin le i mɛ, vɔ nyɔn kpewu. 19 Yesu yi gbe na ye: " Lulu nɔ we jijimɛ ye, gbun do jɛ gan ni mɛ lɛ ko na nɔ mia kɔn? Gbun do jɛ gan ni mɛ lɛ ko na hɛn mi? Mi kplɔ ɔdɔn nɔ va na." 20 Ye bo kɔ ovi ɔ do va ni. Ke na gbigbɔ vwɛn kpɔn Yesu ɔ, zɔnɖokpo ɔ gbigbɔ vwɛn bo mɔ jɛ eji. E jɛ o nyi jɛ unkundan mɛ fuftukɔ bo gɔn onu ni nɔ. 21 Yesu kanse otɔ bio: " sɔn gan ni mɛ lɛ gbigbɔ vwɛn ta han nu di do ni?" E lɔ ni bio: " sɔn ovywu itɔn mɛ." 22 E nɔ sɔwɛ dado ozo mɛ alo ɛsin mɛ a bo jro na hwi. Na o a tɛn wa onu ɖe ni ɔ, kpɔn dɔnu ɖunu na mi a bo kpedo mia wu." 23 Yesu bo trɔ lɔ ni: " Na okpe wu ɔ? Mɛ ke na ɖo xɔse ɔ nu ti hɔn glwe." 24 Zɔnɖokpo ɔ, ovi ɔ otɔ do axwa bo lɔ: " Ko kandeji ." Zɔnɖokpo ɔ, "Ko kandeji ! Va kpe do wi ye le bo we ma yise mɛ." 25 Gan ke mɛ Yesu kpɔn oto gun ɔ o gbɔn nɔ ye kɔn nɔ ɔ, Yesu gbɛ onu na gbigbɔ nyinylan bo lɔ bio: " Lɔ gbigbɔ onu ma kɛtɔ kpo tokunɔ, ko ɖe ogbe do we nɔ bio tɔn , a bo ka mɔ ɖiɛ ovi ke mɛ ke." 26 Gbigbɔ nyinylan do axwa, bo sɔ ovi ɔ sɔ xwu onyi vivɛ ɖe, bo tɔn le e mɛ. Ovi ɔ bo ɖi ɛmɛ ke ku ha gbun oto gun ɔ bo lɔ nɔ: " Oviɔ ku." 27 Vɔ Yesu bo wle ɔlɔ ni, bo kwɛ cite, oviɔ bo cite. 28 Gan ke mɛ Yesu ɖiɛ xweyɔgbe ɔ, yi we onu kplanvi ye bo kin se nɔ do vo bio: " Un ni jɔ na mi hɔn kpewu bo nya gbigbɔ nyinylan?" 29 Yesu bo ɖe wu na ye: "Gbigbɔ nyinylan hiŋ ɔ sɔ gbɔn ɛɖɛ mɛ." 30 Ye bo lɛ le blɛ bo gbɔn Galile. Yesu hɔn kan na mɛ ɖe a nyɔ fi ke ye le san, 31 ɖo Yesu o kplan onu wu i we onu kplanvi ye nɔ. Bo lɔ na ye nɔ : " Ye na sɔ Gbɛtɔ we ovi a bo sɔ sa ye bo na sɔ hu. Gan ke mɛ ye na hwi vɔ, Yesu na fɔn sɔn oku le azan ɔtɔn gɔ gbe." 32 Vɔ, ye ko se oxo ɔ gɔn mɛ nɔ ye bo vo nɔ na do kin se. 33 Ye bo va Capɛnaumu. Gan ke mɛ ye le xwegbe ɔ, Yesu kan onukplanvi etɔn ye se nɔ: " Un ni wu mi o lɔ oxo do nɔ le omɔji nɔ? 34 Vɔ, ye bo bɔ onu, ɖo ye lɔ le ye ɖe mɛ nɔ le omɔ ji nu ke nyi ɖaxo ɔ. 35 Yesu xunɔnyi bo yɔ onukplanvi weve ye kpɔ kpɔ, bo lɔ na ye nɔ; " Na mɛ ɖe jro na nyi tantin, e ɖo na ni ɛmɛ kpotwi na ɛmɛ bi, a bo nyi dansɔvi na mɛ bi." 36 Yesu sɔ vikpɛ vi ɖokpo bo sɔ ɖo dodomɛ na ye. E bo kuɛ do abamɛ bo lɔ na ye nɔ: " 37 Ɛmɛ ɖe kpo kpwe yi vikpɛ vi ɖi ovi ke ha ɔ do bo we nyikɔ mɛ ɔ, o yi bo can, na mɛ ɖe yuwi, bo hwɛn e yi, vɔ mɛ ke mɔ ɖo dodan can. 38 Jaan lɔ na Yesu: " Xwetɔ, mi kpɔn mɛɖe nyan gbigbɔ nyinylan ye le yi we inkɔ mɛ mi bo gbɛ ni do ɔn nɔ xodo mi. 39 Vɔ Yesu lɔ: " Mi ka mɔ hɛ omɔ ni, ɖo mɛ ti hɔn le ke na wa odan nyɛn le bo we nyikɔ mɛ a bo le ogbe sisɔ a do wa onu nyinylan ke kun kpla wu. 40 Mɛ ɖe kpo kpwe ke hɔncite do mia wu ɔ le kpo mi. 41 Mɛ ɖe kpo kpwe ke na mi ɛsin kɔkpo ɖokpo ɖo mi nyi Kliso tɔn ɔ, ko lɔ oxo jɔ xo na mi nɔ, ɔn na bu i we ɔxɔ tu. 42 Mɛ ɖe kpo kpwe ke na nyi ɔfɔ klin nu na vikpɛ vi klɛ ye ɔ, e na nyɔ hwɛn ni na ye sɔ ɛkpɛn linu ɖaho ɖe bo sɔbla do okɔ ni bo swɛ fli do ɛxu mɛ. 43 Na ɔlɔ tɔ we na na ona jɛ onyi, gbwe, 44 e nyɔ na we na a do ɖiɛ ɛgbɛ ma vɔ mɛ kpo ɔlɔ ɖokpo xu na a do ɔlɔ ɔwe a bo ɖiɛ ozo ma vɔ mɛ. 45 46 Na yi we ɔfɔ nɔ na na o nɔ jɛonyi ɔ, gwe, e nyɔ na we na a do ɖiɛ ɛgbɛ ma vɔ mɛ kpo ɔfɔ gbigbo xu na a do ɔlɔ ɔwe a bo ɖiɛ ozo ma vɔ mɛ kpo ɔfɔ ɔwe ye. 47 Na yi we ŋkunsi na na o na gbɛ onyi ɔ, ɖetɛ, e nyɔ na we na a do ɖiɛ ɛgbɛ ma vɔ mɛ kpo ŋkunsi ɖokpo xu na a do ŋkunsi ɔwe a bo ɖiɛ ozo ma vɔ mɛ, 48 fi ke okan ye tɔn ye hɔn nɔ ku le ɔ oxo ko nɔ ci kpɔn. 49 Ɖo mɛ ɖokpo mɛ ɖokpo na gbɔn ogɛ we ozo mɛ. 50 Ogɛ nyɔ hɛn, vɔ e nɔ bu yi we vivɛ, na ɖe ye mɔ na sɔ yi we vivɛ ni ɖo? Mi ɖo ogɛ le mia ɖe mɛ abo ɖo fifa le mia ɖe mɛ.