¹ Le azan xin ye gbe otogiun daxo unti ko le ye na ɖu. Yesu yɔ nukplanvi ye yi tɔn bo lɔ na bio: ² « Ko ɖo ɖɔmɛ nyɔ do togun ke wu, ɖo ye nɔ kɔn ye dindyɔn gun nyi hɔn ɔtɔn, ye ɔn ɖu nuti. ³ Na ko nya ye sin ye xwe san kena nyɔ ɖu nuti, ye hin ye na jɛ onyi o nu bo na jɛ ye ji le omɔ ji. Vɔ mɛ ɖe bo sɔndindi-ɔn nu.» ⁴ Nu kplanvi yi tɔn bo ɖe wu ni bio:« Fi-ye mi hɛn mi na kpɔn kpɔnnɔ susu le zogbe-ɔ ji a na mɛ ki-ye?» ⁵ E bo kan ye se bio:« Kpɔnnɔ nɛ mu lɛ mi ɖo?» Ye bo ɖe-wu ni bio:« acowe.» ⁶ Yesu bo ɖe gbe togun bio ye ni mɔ xinɔnyi le unkundanmɛ, bo sɔ kpɔnnɔ acowe bo kpa gigo na Mawu, bo xo ɛɖɛ bo sɔ ye sɔ na dansɔvi ye a mɔ sɔ ɖo unkɔn na togun. ⁷ Oxwe vitu-e ɖe ye can bo le blɛ, ke na e bo kpa gigo na Mawu e bo ɖe ogbe na togun. ⁸ Ye bo ɖu-u bo vo-ɛwu. Ye bo bɛgbokpo-e ke drɔn, xija gba ɔtɔn. ⁹ Gbɛtɔ akpo ɛnɛ ha. Yesu bo nya ye. ¹⁰ Zɔn ɖokpo e bo ɖyɛ tɔji hunmɛ kpo, yi we nukplanvi ye . Ye bo sin kansin Dalmanuta tɔn ¹¹ E mɔ xa ke, farizu tɔ ye xodo ye bo ta ɛxwɛ dindɔn kpo-e. Ye bo kinse nɔ sɔn josido ke sɔn jiŋkunsi a do ɖexlɛ. ¹² Yesu se vivɛ le taŋ le gbigbɔ mɛ lɔ bio: e ni jɔ jijimɛvi ki ye o kan josidonɔ? Le xojɔxomɛ, ko lɔ na mi nɔ josido ti hɔn nyi jiji mɛ ki-e tɔn nɔ» ¹³ Ɖo yi eji e bo lɛ le ye kɔn bo mɔ trɔ ɖyɛ tɔjihun mɛ bo mɔ sin ago bu mɛ ¹⁴ Nukplanvi ye bo wɔn na do yi kpɔnnɔ le ye si. Kpɔnnɔ ɖokpo ge-e wɛ ɖrɔn le tojihun mɛ . ¹⁵ E bo ɖo gbesu ye ji bio:« Mi kpɔn mia ɖe ji a bo cɔ mia ɖe le farizutɔ ye we dokɔ wɔ kpodoErodu we dokɔ wu. ¹⁶ Dansɔvi ye bo ta ɛhwɛ dido ye ɖo ye « Nu ke dɔn, mi hɔn ɖo kpɔnnɔ. ¹⁷ Yesu bo ɖe ogbe na ye nɔ bo lɔ na ye bio:« E ni jɔ mi do do ɛxwɛ na mia ɖe nɔ bio hi-ye mɔ ɖo kpɔnnɔ? Mi-ɔ yi va yi? Mi-ɔ m nu jɛ e wu? Mia we oji va trɔzu ɛkpɛn ji ye? ¹⁸ Mi ɖo ŋkunsi, vɔ mi-ɔ nɔ kpɔnnu? Mi ɔ nɔ flit-i nu can? ¹⁹ Gan ke mɛ na ko sɔ kpnnɔ acowe le gbɛtɔ akpo atun ye mɛ, ɛmɛ nɛ mu lɛ kɔ kpɔnnɔ xija gigɔ?» Ye bo ɖe-wu ni bio:« Weve» ²⁰ « Kpo gan ke mɛ na ko trɔ koɔnnɔ acowe le gbɛtɔ akpo ɛnɛ mɛ, xija nɛmu lɛ mi sɔ?» Ye bo ɖe wu ni bio:« acowe.» ²¹ Yesu bo lɔ bio:« Mi ɔn mɔ nu jɛ nu-ɔ mɛ nɔ kpɔn-un?» ²² Ye bo va Bɛtɛza. Ɛmɛ blɛ tɔn ye bo kplɔ unsuglo ŋvanɔ ɖokpo bo ɖe kuku na Yesu nɔ bio ni kpɔn ŋvanɔ. ²³ Yesu wle ɔlɔ na ŋvanɔ bo kple tɛyi le oko-ɔ mɛ. Kena e tuntan do ŋkunsi ye mɛ ni bo drɛn ɔlɔ yui tɔn ye dodin bo kinse nɔ bio:« O kpɔn nuɖe nɔ?» ²⁴ Ŋvanɔ hun ŋkunsi ye bo lɔ bio:« Ko kpɔn gbɛtɔ ye ke na ɖi otin su ke zɔnzɔnnin nɔ. ²⁵ E bo mɔ ɖo ɔlɔ bu ŋkunsi ye mɛ ni, ŋvanɔ hun ŋkunsi ye, e bo ta onu kpɛn kpɔn tete bo kpɔn onu bi-i nɔ nywɛ ɖe. ²⁶ Yesu bo nyi bio ni mɔ sɔn nyi yi xwe bo ḷɔ ni ŋɔ bio:« Ka mɔ ɖyɛ toxomɛ.» ²⁷ Yesu tɔn kpo yi we nukplanvi ye do yi otota ye Sezare filiputɔn le mɔ ji Yesu bo kanse yi we nukplanvi ye:« Mɛ ye nɔ lɔ na mi bio ko mɔ nyi?» ²⁸ Ye bo ɖe e wu ni bio:« Jaan Batisi.» Mɛ bu ye bo ɖe wu:« Eli-i» Mɛ bu ye mɔ ɖe wu « Xolɔɖenyi tɔ ye we ɖokpo.» ²⁹ Yesu bo kan ye se bio:« Vɔ mɛ mi nɔ lɔ le mia ɖe mɛ bio ko mɔ nyi?» Pyɛ bo ɖe wu ni bio:«Yi wɛ nyi Kliso.» ³⁰ Yesu bo ɖo gbesu ye ji bio ye ni ka mɔ lɔ yi we xo na mɛ ti-i ³¹ TYesu ba ta onu kpinkplan ye bio Mawu we vi-yɔmɔ na kpe-e ofun susu, a gun mɛxwin ye bo na gbɛ ŋani kpo dansɔvi ye we ga, e mɔ xa ke wɛ nukplanvi ye, ye bo na hwi-i le nyi ɔn ɔtɔn we godo e mɔ na fɔn sɔn ɛmɛ kuku ye mɛ. ³² Yesu lɔ na ye agban ŋugba. E mɔ xa Pyɛ bo yu-ɛ ɖo akpaɖokpo bo ta onu gbigbɛ ni. ³³ Vɔ Yesu bo trɔ le ɛtɛ na ye bo kpɔn nukplanvi ye nɔ. Mɔ do yi eji ɔ, e bo gbɛ onu na Pyɛ bo lɔ ni bio:« Trɔ le ɛtɛ na legba! hɔn mɔ nɔ sɔ ɖiwe sɔ na Mawu we dan ye, vɔ o nɔ sɔ ɖi we sɔ na gbɛtɔ we dan ye.» ³⁴ Yesu bo bɔ togun kpo nukplavi yi tɔn ye bo lɔ nɔ bio:« Na mɛɖe na xodo-ɔ e ɖo na gbɛ onu na yi tetye, a bo kɔ tisoga yi tɔn a bo xodo-e. ³⁵ Ɖo ɛmɛ ɖe kpokpo-e ke kan na hlɛn ɛgbɛ yi tɔn gan na bu-u, kpo ɛmɛ ɖe kpokpo-e ke bu-u ɛgbɛ yi tɔn do ota na ɔ blɔ Yesu kpo do oxo-ɔna kpɔn xwɛngan. ³⁶ A le ni lɛ gbɛtɔ kena du le ɛgbɛ bi tu ji le yi we godo ɔbo bu okla yi tɔn? ³⁷ Eni lɛ ye na sɔ na gbɛtɔ a bo do ɖoli ɛgbɛ yi tɔn? ³⁸ Ɛmɛ ɖe kpokpo-e ke na ŋnyawan ɔ do wi ye kpo do bo we oxo ɔ ye le kunkan ogalilɔ tɔn kpo onu nyinyla, Mawu we vi can na kpɛn-un de wu na e va dyɛ ye we gigo mɛ kpo dɔnla ye.