¹ Falɛsi tɔye va kpli le Yesu kɔn kpodo onukplan emɛtɔ ye keye sɔn Jeluzalɛmu. ² Ye kpɔn bio, ɛmɛ ɖeɖe le yiwe onukplanvi ye mɛ doɖu yewe onuɖuɖu nɔ kpodo l ɖyuɖyu ɖo ye ɔn klɔ ɔlɔ.

³ Falɛsitɔye kpodo yudatɔ ye ɔn nɔ ɖu onu na ye ɔn klɔ ɔlɔ nywɛɖe, ɖike ɛmɛhyɔnye we ɔkɔnu wiwaye ɖo-eɖo ha.

⁴ Yiwɛ dɔn na Falɛsitɔye gbɔn sɔn otoxomɛ ɔ ye nɔ lɛ ɛsin gbɔhwe aɖu onu. Ɔkɔnu wiwasusu ɖiye can lekeye nɔ wasi vivɛvivɛɖe, kɔkpoye kiklɔ, ozɛn hame hamɛ, agbaza we ɔglo ye keyemɛ esin nɔnɔye, kpodo okpoyeke nɔnɔ xɔmɛ fike ye nuɖu onu le ye. ⁵ Falɛsitɔye kpodo Osɛnkplan emɛtɔye kan oxo Yesu senɔ bio: «Ŋunijɔ na onukplan vitɔwe ye ɔnnɔ,zan ɛgbɛ ɖikɛ ɔkɔnu wiwa ɛmɛhyɔn ye tɔn le ɖohaja, ɖo ye nɔdu ɔkpɔnnɔ ye tɔn ɔlɔna klɔ?» ⁶ Vɔ Yesu lɔ naye bio «ɛyɛmɛ nu watɔ ye, Ezaya olɔ oxo denyi do mia wu nywɛɖe bio ɛmɛ keye sɔ onu vɔvɔ do kafu wu blɔnɔ,

Vɔ ye we ayixatɛyi lɛ wuye

⁷ Sinsɛnke yenɔ sɔ na blɔ nyi onu toto ma ɖo ota, ye nɔ sɔ osen de ye agbazame ɖi ye tete we osɛnha. ⁸ Minɔ jo Mawu we oEndo, amɔ tɛ do ɛgbɛtɔ ye we ɔkɔnu we osɛnye wi.«

⁹ Emɔ lɔ, naye bio :«Minɔ gbɛ Mawu we osɛnfifade, amɔhɛnɔkɔ nuwiwa mia tɔn we osenwu.

¹⁰ Moyisi nɔ lɔ sanbio : "Bu didawe kpodo nawe kpo" kpo "ɛmɛ ɖekpekpe ke nɔ lɔ oxo nyanyla sɔn otɔ alo onɔ wu ɔ, ena ku dandan." ¹¹ Vɔ miye mi nɔ lɔ bio: «Na ɛmɛ ɖe lɔ na oto alo onɔ» ɔnɔlo ɖe kpekpe ke onayi sɔn siye wɛ nyi nɔ kɔlubanu yiwe gɔnmɛwɛ nyi onuke kona sɔ san ɔvɔ na Mawu

¹² Mi ɔn nɔ mɔ na omɔ naye na kpedo alo yewe onɔ wu kpɔn.

¹³ Emɔ wɛ mi nɔ hu ɛcɛ na Mawu we osɛn do gbɔn ɔkɔ nuwiwa miatɔn ke mi yi sɔncinɔ mia dagbo ye tɔn me. Mi nɔ mɔ wa onu susu emɔ.» ¹⁴ Etrɔ yɔtogunye, bolɔbio : «mi ɖo oto, mimɛ xede ɖe ado se onu gɔnmɛ

¹⁵ Onu ti ɔn nɔ ɖyɛ ɛmɛ mɛ amɔ do aɖuwi. Onuke tɔn sɔn ɛmɛ mɛ wɛ nɔ ɖo oɖu wi

¹⁶ ["Na ɛme ɖe do oto a do se onu, ni se onu"] ¹⁷ Ke Yesu lɛle ɛme ye mɛ, dodyɛ oxwe gbe, onukplanvi etɔnyekan oxose sɔn onu gɔn mɛ sise olo didolatɔn wu

¹⁸ Yesu lɔ bio :«Mi gbɛle manywɛ me emɔe? Miɔ kpɔn bio onuke ɖyɛ emɛ ɔ, ɔn kpewu na dooɖu wi-i

¹⁹ Ɖo, ɔn kpewu na ɖe ayixitɔn mɛ, vɔ enɔ ɖyɛ ɔdɔ itɔnmɛ, amɔ tɔn gbɔnfɔjime.» Ke elɔ emɔ nɔ, oniuɖuɖu kinkwɛn ye we oxo we elɔnɔ. ²⁰ Yesu lɔ na ye bio , «Onuke tɔnsɔn ɛmɛ mɛ wɛ nɔ do oɖyu wi.

²¹ Ɖo , ayixa ɛgbɛtɔn tɔn mɛ wɛ susu nyanylaye nɔ tɔn sɔn, onu makɔn makɔnle alikpa nɔ we onu wiwa me, ɛfifi, ɛmehuhu

²² Ogalilɔ, onu jijro, okunnyinyla, ɛme blɛɖu. Ɛmexo lilɔ, acvɔn kinkɔn do ɛmɛ wu ŋubia, o7gonyinyi, hanɔnuwiwa.

²³ Onu nyanyla hinye, nɔsɔn dɔmɛ, amɔ do aɖyu emɛ.» ²⁴ Yesu lɛ le blɛ boyi Tilu kpodo sidɔnkpo. Edye oxwe ɖe gbe, eko jlo bio ɛmɛɖe na nywɛbio ele, vɔ, ɔn kpewuna bɛ

²⁵ Zanɖokpo, nyɔ nusi ɖeke gbigbɔ nyanila le ovyɔ nyɔnusi vimɛ se Yesu we viva bo va jɛ klita leɔkɔn mɛ na Yesu.

²⁶ Nynusiɔ bo nyi gblɛkitɔ, ye ji-i Finisi le sili we kansinmɛ. Ebio Yesu nɔ bio, ni nya gbigbɔ ɔ nyanyla ɔ le ovyɔ nyɔnusi viɔmɛ. ²⁷ Yesu bo, lɔ nibio: «mijo ovikpɛyedo do na ye aɖu onu a gɔ goni gbohwe, do ɔn nyɔhwin na ye asɔ ovikpɛ ye we onu ɖudu asɔ na ovunviye.»

²⁸ Nawe ɔ ɖe wu ni-i bio:«Oxojɔxowɛ Xwetɔ, vɔ ovunviye nɔ nɔ tavogɔ, amɔ can onukwinke nɔ kun hun sɔn ɔkplɔnji

²⁹ Yesu lɔ ni bio: «Do oxohin ke olɔwu, vasɔn, gbigbɔ nyanyla ɔtɔn sɔn, ovi nyɔnusi vitɔ wemɛ.» ³⁰ Etrɔ sɔ nyi oxwe gbebokɔn ovyɔ le ojɛnji, gbigbɔ nyanyla ɔjee do ³¹ Yesu le le Tiluwe kansinme bo gbɔn sidɔn ɖodann Galile we ɛxu to dfanhan, bojɛ deka polu we kansimɛ.

³² Yekɔ, otokukunɔ ɖe va ni-i, ke ɔn kpewu jɛ jɛ tunnɔ. Ye bo byɛ bio, ni drɛn ɔlɔ do eji. ³³ Yesu do ovo, na emɛ susu ɔ ye e ofibibɛ ɖe, bo do lɔviye oto ye me ni-i, bo tu otan bosɔtɔ ɛɖɛ ni-i.

³⁴ Ekpɔn jihwe, bogbo fu-un, bo bio: Efata.» Ke nyi bio «hunɖiwe!»

³⁵ Azɔnɖokpo, oto etɔnye hun, nuke bla ɛɖe ni-ibo vun, bo kpewu jɛ jɛtun nɔ nywɛɖe. ³⁶ Yesu lɔ na ye bio, ye niko lɔ na ɛme ɖe. Vɔ, eke na ye nɔganke, ye nɔ lɔɛ kpodo hɔnhlɔn kpo.

³⁷ Ekpaca ye susu, yebo lɔ nɔ bio:«Enɔ wa onu ye xeɖeɖe kpodo yeyi kpo. Oto kunɔ ye nɔ se onu, eɖɛ kunɔ ye nɔ je jetun.»