¹ Yesu lɛ le tɛnxo hɛn mɛ bo sɔn yi Jude we ogle ta xwe ye gun do jɛ Judin we otɔ to, oto gun ɔ mɔ va Yesu kɔn ke. Yesu mɔ kplan onu wu ye nɔ, ɖi ke e nɔ wasi ɖo ha. ² Falizitɔ ye va Yesu kɔn, na do due kpɔn ye bo kin se nɔ: " E sɔgbe na unsuglo a do gbɛ o siɔ?" ³ Yesu yi ogbe na ye: " Naɖe Moizi lɔ na mi?" ⁴ Falizia tɔ ye lɔ: " Moizi na ogbe wu unsuglo bio ni mɔ wlan wema ke na do gbɛ o siɔ yi we godo ɔ e mɔ yan osiɔ. ⁵ "Kundo e hlɔn mia we oji sisɛn wɛ dɔn Moizi do wlan osɛn hɛn na mi ," wɛ Yesu lɔ na ye. ⁶ "Vɔ ɛgbɛ-ɔ we tituɛ eji ɔ, " Mawu wasi unsuglo kpo nyɔnnusi" ⁷ Yi wɛ dɔn unsuglo na lɛ le otɔ kpo onɔ kɔn a bo ve ca kpo osiɔ, ⁸ ye mɛ ɔwe ye mɔ wasi gbaza ɖokpo" E mɔ ha ɔ yɔn mɔ nyi ɔwe, vɔ ɖokpo. ⁹ E mɔ ha ɔ, onu ke Mawu sɔ ɖo kpɔ kpɔ ɔ, mɛ ti ni ka mɔ ma ye mɛ." ¹⁰ Gan ke mɛ Yesu le xwegbe ɔ, onukplanvi ye mɔ okan oxo wi se nɔ do oxo ɔ wu. ¹¹ Yesu lɔ na ye: " Mɛ ɖekpo kpue ke na gbɛ osiɔ a bo mɔ ve ɖe nyɔnnusi buɔ do ɔfɔ gbe kpo nyɔnnusi hɛn. ¹² Na nyɔnnusi gbɛ osuɔ bo ve ɖe unsuglo bu ɔ, ican do ɔfɔ gbe kpo unsuglo hlɔn." ¹³ Ɛmɛ ye o hɛn ovi kpɛ vi ye va na Yesu nɔ, na a do tɔ ɔlɔ wu ye, vɔ yi we onukplan vi ye ɔ bo gbɛna ye nɔ. ¹⁴ Vɔ kan ke mɛ Yesu va nyɔ, oji hɔn juɛ e bo lɔ: " Mi na omɔ wu ovi kpɛ vi ye na ye a va kɔn ye, mi ka mɔ hɛ omɔ na ye, ɖo Mawu we xɔluɖu xwe ɔ le na mɛ ke ɖi ovi kpɛ vi ke ye . ¹⁵ Ko lɔ xojɔxo na mi nɔ, na mɛ ɖe yi Mawu we xɔluɖu xwe ɔ ɖi ovi kpɛ vi klɛ ye ha ɔ, hɔn na ɖiɛ Mawu we xɔluɖu xwe ." ¹⁶ Yesu kɔ ovi kpɛ vi ye do aba mɛ, bo do ɛcɛ ye ji bo ɖo ɔlɔ ota na ye. ¹⁷ Gan ke mɛ Yesu bɛ yi we mɔji nu ɔ, unsuglo ɖokpo bɛ xwueduɛn va e kɔn, bo jɛ klita le unkɔn mi, bo kɛn se nɔ: "Xwetɔ nyɔ na ɖe ko na wa a do kpe wu kpɔn ɛgbɛ ma vɔ ?" ¹⁸ Yesu lɔ: " Ŋun ni jɔ odo wɔ nɔ bi nyɔ ? Mɛ ti hɔn nyi onyɔ, zɛgbɔn do Mawu ɖoɖio wu. ¹⁹ O nyɔ osɛn ye: " Ka xu ɛmɛ, ka do ɔfɔ gbe, ka fi ɛfi, ka ɖe kunu ɔguɔ ɔguɔ, ka xo mɛ ɖe ɖu, do bubu didawe kpo nawe wu"." ²⁰ Unsuglo ɔ lɔ: "Xwetɔ, ko zɔn do onu hlɛn ye jio sɔn bo we hanjevimɛ." ²¹ Yesu kpɔɛn bo nyiŋa ni. Yesu lɔ ni: "Onu ɖokpo we do we. O ɖo na ve sa onu ke o ɖo a bo sɔ na wama mɔnɔ ye; o bo na ɖo ɖɔkun nu le ojiunkunsi. Yi we godo ɔ va a bo xɔdo." ²² Vɔ do e wu ɔ ɔunsuglo ɔ e ci ɖɔ unɖunu mɛ ta un do xo ke Yesu lɔ wu e sɔn nɔ kpo dɔ unɖunu kpo, ɖo e ɖo dɔ kun nu susu. ²³ Yesu kpɔn axa bo lɔ na onukplanvi e tɔn ye: "Ɖi ke e na vɛ wu na ohotɔ ye ɖo ha na do ɖiɛ Mawu we xɔluɖu xwe." ²⁴ Oxo ke Yesu lɔ kpaca yi we Onukplanvi ye. Vɔ Yesu mɔ lɔ na ye bu: " Vikpɛ ye, na ɖe kpete ena vɛ wu ɖo a do ɖiɛ Mawu we xɔluɖuxwe ! ²⁵ E na fa na lakunmi na do gbɔn cinui we otro mɛ, wu na oxotɔ na do ɖiɛ Mawu we xɔluɖu xwe." ²⁶ E kpaca Yesu we onukpanvi ye xunu ye bo lɔ le ye ɖe mɛ nɔ: " Mɛ na kpewu na kpɔn wlɛngan?" ²⁷ Yesu kpɔn ye bo lɔ: " Ɔn kpe wu na va emɛ na gbɛtɔ ye, vɔ ɔn nyi na Mawu." ²⁸ Pita ta oxo lilɔ na Yesu: " Kpɔn, mi jo onu bi do,, do hɔ do we." ²⁹ Yesu lɔ: " Ko lɔ oxo jɔ xo na mi nɔ, mɛ ti hɔn le ke na lɛ le yi xwue, nɔnviɔ unsunglo alo nyɔnusi ye, onɔ, otɔ, ovi e tɔn ye alo unkundan e tɔn ye kɔn do blɔ wi ye ɔ, do Mawu xo wu ɔ, ³⁰ ke hɔn na kpɔn yi we kan we ko le ɛgbɛ ke mɛ-ɔ kpo vivɛ sise, le ɛgbɛ ke gbɔnɔ mɛ, le ɛgbɛ mavɔmɛ. ³¹ Vɔ ɛmɛ susu ke nyi tantiɛn, na va nyi kpotui, ɛmɛ kpotui, na nyi tantiɛn. ³² Ye le omɔ ji do yi Jeluzalɛmunɔ, Yesu bo jɛ unkɔn na ye . Ekpaca Yesu we onukplanvi ye, kpo mɛ ke xodo ye bo le godo ye bo ta vivo . Yesu tɛyi le ye wu kpo yi we onu kplanvi ye weve ye, Yesu bo ta onu ke na va jɔ do eji ye le zanɖe. ³³ " Mi ɖo oto! mi yi Jeluzalɛmu nɔ, ye bo na sɔ Gbɛtɔ we Viɔ sɔ na vɔsan wasitɔ ye, osɛn kplan ɛmɛ tɔ ye, ye do oku we ɛxuɛ ni a bo suɛ sɔ na xɔse ma ɖotɔ ye. ³⁴ Ye na kwue, ye na tuɛn otan do e wu, ye na xue gun a bo wi. Vɔ yi we onyi hɔn ɔtɔn gɔ gbe ɔ, Yesu na fɔn sɔn ɛmɛ kuku ye mɛ." ³⁵ Jaki kpo Jaan, vikpɛ Zedebe tɔn ye, va Yesu kɔn bo lɔ ni nɔ: " Xwetɔ, mi djro na a wasi na mi onu ɖe kpo kpwue ke mi na biɔ we ye" ³⁶ Yesu bo lɔ na ye: " Un ni lɛ mi djro na ma wa na mi?" ³⁷ Ye bo lɔ ni: " Na omɔ wu mi na mia xunɔnyi kpo we le yi we gigo mɛ, mɛ ɖokpo na xunɔnyi le aɖusi lɔ mɛ na we, mɛ ɖiɔ mɔ xunɔnyi ɔmiɔ lɔ mɛ na we." ³⁸ Vɔ Yesu bo lɔ na ye: " Mi hɔn nyɔ onu ke mio biɔ nɔ. Mi le ogbe sisɔ na do nu kɔkpo ke ko va nu nɔ alo mi na kpewu na wasi ŋyŋlɔn ke ko na va wasi?" ³⁹ Jaki kpo Jaan, vikpɛ Zedebe tɔn ye yi ogbe ni: " Mi le ogbe sisɔ ." Yesu ɖe wu na ye : " Kɔkpo ke ko va nu nɔ, mi na nu. Mi wasi ŋyŋlɔn ke ko wasi ɔ. ⁴⁰ Vɔ ke kan mɛ ke na xunɔnyi le aɖusi alo ɔmiɔmɛ lɔ mɛ na ɔ, bo wɛn na lɔ, vɔ mɛ ke ye djra tɛn xo xɛn ye ɖo na wɛ ." ⁴¹ Gan ke mɛ onukplanvi owo ɖiɛ ye se ɔ, aɖi ta ye wi wlɛ do Jaki kpo Jaan wu. ⁴² Yesu wɔ ye bo lɔ: " Mi nyiɔ bio, mɛ ke nyi oga na mɛ ke hɔn ɖo xɔse ye nɔ ɖu le ye ji, mɛ ke mɔ kɔ ota le ye mɛ ɔ kpa ɛcɛ na ye, ⁴³ Vɔ ni ka nyi emɔ ha le mia mɛ, mɛ ɖe kpo kpwue ke djro na nyi ɛmɛ hyɔn le mia mɛ ɖo na nyi ɛmɛ sɛn tɔ mia tɔn, ⁴⁴ mɛ ɖe kpo kpwue ke djro na nyi ɛmɛ tantyɛn le mia mɛ ɔ ɖo na kannumɔ na mɛ bi. ⁴⁵ Ɖo Gbɛtɔ we Viɔ hɔn va na ɛmɛ ye a syɛn, vɔ na a sɛn a bo sɔ ɛgbɛ etɔn a sɔ sanvɔ na ɛmɛ susu." ⁴⁶ Ye va Jeliko. Ɖi ke Yesu lɛ le Jeliko nɔ kpo yi we onukplanvi ye ɔ kpo oto gun ɔ, Time we viɔ, Batime, ke nyi onu biɔtɔ unvanɔ xunɔnyi le omɔ to. ⁴⁷ Gan ke mɛ e se bi Yesu Nazalɛti tɔ mɔ le mɔji mɔ gbɔn nɔ-ɔ Batime ta axa dido bo lɔ nɔ: " Yesu, Davidi we Viɔ, kpɔn ɔdɔnuɖunu na!" ⁴⁸ Ɛmɛ susu bo gbɛ na gbɛ tɔ unvanɔ nɔ, bo lɔ ni nɔ bio ni mɔ bɔ onu. Vɔ e mɔ do axa kpo hɔnhlɔn: " Davidi we Viɔ, kpɔn ɔdɔnuɖunu na." ⁴⁹ Yesu tre bo lɔ bi ye mɔ yiɔ. Ye bo yɔ unva nɔ unsuglo ɔ, bo lɔ nɔ: " Ɖo ɔkɔn kpikpan! cite! Yesu o yɔ we nɔ." ⁵⁰ Batime sɔ yi we axu gaga bo sɔ fli do axa, bo dɔn bo yi Yesu kɔn ⁵¹ Yesu yi ogbe bo kan Batime se: " Unyi o jro na ma wasi na we?" gbɛtɔ unvanɔ lɔ: " Xwetɔ, ko jro na kpɔn onu." ⁵² Yesu bo yi ogbe ni: " Va sɔn, xɔse tɔ we gɔ ɔdɔn na we." Zɔn dokpo ɔ, Batime hɛn ɔ e mɔ na ta onu kpyɛn kpɔn e bo xo do Yesu le omɔ ji.