¹ Kpɔn, gan ke mɛ ye kpɔ Jeluzalɛmu, we otɔ, ye le aha na Betifage kpo do Betani kpo, le oto Olivu tin tɔn ha, Yesu bo sɔ yi we onu kplanvi ye ɔwe bo xɔ do dan ² bo lɔ na ye bio:« Mi yi gleta xwe ke na le unkɔn na mi, na mi jɛ, mi na kpɔn osɔvi ɖokpo le bibla, ke ji na mɛ ti hɔn hɛ kpɔn mi twin a mɔ hin do va na. ³ Na mɛ ɖe kan mi se bio:" E ni jɔ na mi do wa emɔ ha nɔ," mi ɖo e wu ni bio" Xwetɔ wɛ ɖo yi we hian" ye bo na jwoe do na mi mi bo na swɛ va. ⁴ Ye bo yi bo kpɔn osɔvi-ɔ le bibla le xɔmɔnu le omɔ ɖaxo ji . Ye bo tun okan ni. ⁵ Mɛ ke na le blɛ ye bo lɔ na ye bio:« un ni mi wa nɔ le blɛ do tun okan na osɔvi-ɔ nɔ.» ⁶ Ye bo gbo do e wu na ye ɖi ke na Yesu lɔ na yue ɖo ha. Ɛmɛ emɔn tɔn bo jo ye do ye bo sɔn. ⁷ Onu kplanvi ɔwe bo hɛn osɔvi do va na Yesu bo sɔ ɔvɔ ye tɔn ye bo xɔ tɛ do eji na Yesu ado hɛ e ji. ⁸ Mɛ susu tɛ ye we onu zizan do omɔ ji, mɛ ɖe ye bo tɛ dema ke ye gbo le gle gbe . ⁹ Mɛ ke na le unkɔn ni ye kpo do mɛ ke na xo do ye o do ahwa nɔ bo lɔ bio:« Ozana! Ɛkpɛ na mɛ ke gbɔn nɔ le Xwetɔ we unkɔ mɛ. ¹⁰ Ɛkpɛ na xɔlu ɖu xwe ke gbɔn nɔ mia tɔ Davidi tɔn! Ozana le jiŋkunsi ye mɛ. ¹¹ Yesu bo ɖyɛ Jeluzalɛmu we oto ɔ mɛ, bo ɖyɛ Mawu we ɛɖɛxotiɔn bo kpɔn onu bi . Gan mɛ yi e bo sɔn nyi Betani kpo do onu kplanvi weve ye kpo. ¹² Ke ye sɔn Betani le yi we unkɔn ɖiɖe, xovɛ ci Yesu. ¹³ Ke ye kpɔn figi tin dodan kpo aman kpo, e yi na ve kpɔn bio e na kpɔn un ɖe wɛ ja. Vɔ ɔn hɔn kpɔn nuti zɛgbɔn do aman ye wu, ɖo ɔn hɔn nyi figi tin we gan mɛ. ¹⁴ Yesu bo lɔ na otin ɔ bio:« Mɛti hɔn mɔ na du yi we sisɛn .» Yi we onu kplanvi ye bo se. ¹⁵ Ye bo va yi Jeluzalɛmu, ye bo ɖyɛ ɛɖɛxo xɔmɛ bo ta onu satɔ ye nyinylan kpo do onu xɔtɔ ye le ɛɖɛxo xɔmɛ. E bo bli ɔkplɔn na mɛ ke nɔ ɖɔli oho kpo hɔnnɛn satɔ ye we tin xo. ¹⁶ Ɔn hɔn jo mɛ ɖe do gun na do sɔ unɖe na ve sa. ¹⁷ Yesu kplan onu wun ye bo lɔ nɔ bio:« Nyɔn wlan bio:" xwi ye ɛɖɛxo xwe na nyi na oto gun bi?" Vɔ mi ye, mi xɔ wasi ɛfin xwe?» ¹⁸ Mɛ ke ji na unkunsi le oto ɔ mɛ kpo do sɔja ye kpo ye xo ke na e lɔ ye bo ta susu ɖiɖe ke ye na do hwi ɖo, ye vo ni nɔ do onu kplan mɛ itɔn wu. ¹⁹ Xwedo do, ye bo lɛ le togun ɔ mɛ. ²⁰ Ke ye gbɔn blɛ le kekwlɛnu, ye kpɔn figi tinhu gun bo yi okiɔn ye ji. ²¹ Pyɛ bo flin bo lɔ bio:« Xwetɔ kpɔn! otin ke na odo onu wu ɔ e hwu.» ²² Yesu bo gbo do e wu na ye bio:« Miɖo xɔse le Mawu mɛ. ²³ Xojɔ xo ko lɔ na mi nɔ mɛɖe kpo kpuwe lɔ na oto : " Cite a mɔ ve jɛ ɛhu mɛ , na ɔn vo le oji mɛ, vɔ bo ɖo kan ɖo kando e ji bio xo ke na he mɔ lɔ mɔ na ɖi Mawu na se. ²⁴ Ko lɔ na mi bio, nuke mi xo ɛɖɛ na nɔn kpo do ke mi bio nɔ ye, mi kan ɖo e ji bio hi ye mɔ yi, e bo na nyi mia tɔn. ²⁵ Na mi le ote gaga bo do xo ɛɖɛ nɔ, mi ɖo na sɔ ɛhwɛ sɔ kɛ mɛ ke mi ɖo tagba kpo, na mɛ ke le jiŋkunsin a sɔ mia we ɔgɔ a mɔ sɔkɛ mi. ²⁶ Vɔ na mi hɔn sɔ ɛhwɛ sɔ kɛ mɛ, mia we Mawu ke le jiŋkunsin hɔn va sɔ mia we onu vwɛn a mɔ sɔ kɛ mi nɔ.» ²⁷ Ye bo trɔ va yi Jeluzalɛmu. Gan ke mɛ na Yesu oɖisa gbɔn ɛɖɛxo xɔmɛ nɔ, mɛ ke ji unkunsi le toɔmɛ tɔn ye kpo do sɔja ye, va e kɔn. ²⁸ Ye bo lɔ ni nɔ bio:« Ɛcɛ ni o ɖo do wa onu ke ye nɔ? Mɛ na we ɛcɛ bio i mɔ wasi?» ²⁹ Yesu bo ɖe wu na ye:« Ko na kan oxo ɖokpo wu mi se, na mi ɖo e wu na bo can ko na lɔ na mi ɛcɛ ke ko do wa onu e mɔ tɔn nɔ. ³⁰ ɛmɛ nyi nyrɔ Jaan tɔn jiŋkunsin we e sɔn alo gbɛtɔ ye kɔn? Mi gbode wu na.» ³¹ Ye bo lɔ le ye de mɛ bio:« Na mi lɔ bio, " jiŋkunsin wɛ e sɔn ", Yesu na lɔ bio "e ni jɔ na mi hɔn ɖo kan do e ji?" ³² Vɔ na mi nlɔ bio, gbɛtɔ ye kɔn wɛ e sɔn.» Ye vo na ɛmɛ ye nɔ, ɖo mɛ bi xɔse bio Jaan mɔ nyi xolɔdodan tɔ. ³³ Ye bo gbo de wu na Yesu bo lɔ nɔ bio:« Mi hɔn nyɔ.» Yesu bo lɔ na ye bio:« Bo can kɔn lɔ na mi nɔ ɛcɛ ke ko do wa onu ke ye na mi nɔ.»