¹ Yesu ta onu kpɛn kplan wu ye gbɔn olo dido mɛ nɔ bio: « Hwanje ɖe do viŋti, bo bo do okpa lɛ dwe bo ɖe ogun ɖaxo ke mɛ ye nɔ fiɔn viŋ we okun ɔ do . E bo sɔ viŋ ti do ɔlɔ mɛ na viŋ cɔtɔ ye bo tɔn. ² Ke ogan ɔ va xo ɔ, e dɔn adan sɔvi itɔn dodan viŋ tin cɔtɔ ye ke kɔn na ye a hɛn viŋ sisɛn va ni. ³ Vɔ viŋ cɔtɔ xi ye xo odan sɔvi ɔ bo mɔ nyi e bo sɔn ɔlɔ toto. ⁴ E mɔ dɔn odansɔ vi bu dodan, ye bo mɔ xwe bo do fɔku wi. ⁵ E mɔ dɔn mɛ bu dodan. Vɔ ye mɔ xwe hui ⁶ Xwetɔ bo va dɔn oviɔ vivɛ ɖokpo dodan bo lɔ nɔ bio "ye na si vi ye" ⁷ Vɔ ke viŋ ti cɔtɔ ye kpɔn oviɔ, ye lɔ le ye ɖe mɛ lɔ bio" mia hwi na cinɔ a cinyi na mi." ⁸ Ye wle bo hwi bo swɛ daflin do ogun mɛ. ⁹ Siɛ ɔ Yesu bo lɔ na nukplanvi ye nɔ lɔ bio, na ɖe lɛ xwetɔ na wasi, e na nya viŋ cɔtɔ ye a bo sɔ viŋ na mɛ bu wɛ? ¹⁰ Mi ɔn xlɛ wiwlan ke wɛ? "Ɛkpin ke oxɔ gbatɔ ye sɔ flin ɔ va trɔ zun koun we ɛkpin. ¹¹ Nu ke nyɔkpikpɔn le ŋmɛ na mi ɖo Mawu kɔn wɛ e sɔn"╗ ¹² Ye kan nɔ na wle Yesu vɔ do togun wu ɔ ye hɔn kpewu bo wle dooxo Yesu lɔ wu ɖo ye nywɛn bio yi wu mɛ e mɔ lɔ oxo do nɔ . Ye bo tɔn bo sɔn. ¹³ Falizia tɔ ɖe ye kpo Elodu tɔ ɖe ye va Yesu kɔn a do sɔ oxo a do trɛ omɔ ni. ¹⁴ Ke ye va Yesu kɔn ɔ, ye ni bio: « Xwetɔ, mi nywɛn lɔ bio ɔn nɔ nɔ mɛ ti ji o ko nɔ do ovo gbigbɔn ɛmɛ ma ɖo o nɔ kplan Mawu we oxo nywɛn wu ɛmɛ. E jɛ lɔ bio mi na tu takwɛ Seza tɔn wɛ?» ¹⁵ Ke Yesu nyɔ ye we oji ɔ e ɖo e wu na ye lɔ bio: «ŋni jɔ mi do tiɔnkpɔn nɔ? Mi sɔ oho gan ɖokpo va na.» ¹⁶ Ke ye kan oho ɔ va na Yesu ɔ, e bo lɔ na ye lɔ bio: « Mɛ tɔn lɛ oho ke nyi? » Ye bo ɖo e wu ni bio: « Seza tɔn wɛ. » ¹⁷ Yesu bo ɖo e wu na ye lɔ bio mi sɔ onu ke nyi Seza tɔn na Seza a bo sɔ Mawu tɔn na Mawu .» Avo bo xo ye mɛ bi ¹⁸ Sadisitɔ ye ke na hɔn nɔ hlɛn do fifɔn sɔn oku ji, ye va e kɔn bo kin se nɔ lɔ bio: « ¹⁹ Xwetɔ, Moizi wlan na mi bio " na unsunglo ɖe ku bo jo o syɔ do ɔ e ko ji ovi ti ni-ɔ, yi we fofo na ɖe nyɔnusi xin a bo ji ovi ni." ²⁰ Unsunglo acowe ɖe ye le, ɛmɛ tantyɛn ɔn ɖe nyɔnu e ko ɖo ovi ti bo ku. ²¹ Ɛmɛ ɔwe gɔ can mɔ ɖe nyɔnusi hin bo mɔ ku e ko mɔ ji ovi ɖe le ewu. Ɛmɛ ɔtɔn gɔ-ɔ e mɔ ha ke ²² . Gbun do va jɛ ɛmɛ acowe gɔ ji. Nyɔnusi-ɔ can va ku. ²³ Na unsunglo acowe xin ye va fɔn sɔn oku-ɔ, mɛ tɔn lɛ nyɔnusi-ɔ na nyi? Ɖo ye mɛ bi tu xin ye-ɔ wɛ nyɔnusi-ɔ ɖe.» ²⁴ Yesu bo ɖe e wu na ye nɔ bio: « E xin hwɛn dɔn na mi nɔ do wa ɛfɛn nɔ le gan ɖe kpo kpwe mɛ ɖo mi hɔn nyɔ oxo-ɔ, mi ko nyɔ Mawu we hɔnhlɔn? ²⁵ Ɖo gan ke mɛ ye na fɔn sɔn oku-ɔ, ye hɔn mɔ ɖo gbɛtɔ ye we ninɔ mɛ nɔ gbun na do va ɖe nyɔnu can alo a mɔ wle ɔlɔ, ɖo ye na le ɖi Mawu ɛwɛndotɔ ha. ²⁶ Ke kan ɛmɛ fɔn sɔn oku-ɔ, mi hɔn nɔ hlɛ le Moizi we weman mɛ lɔ bio « Blɔ Ablahamu we Mawu, Izaki we Mawu kpo Jakɔbu we Mawu wɛ? ²⁷ Ɔn nyi ɛmɛ kuku ye we Mawu vɔ ɛmɛ lɛ gbio ye tɔn we e nyi. Mi no blɛ mia ɖe nɔ kpɔŋ wɛ. ²⁸ Osɛn kplan mɛ tɔ ɖokpo va Yesu kɔn ɖo e kpɔn bio xo jɔ xo mɛ Yesu mɔ lɔ nɔ. E bo kin se nɔ bio: « Osɛn ni lɛ le vivɛ le osɛn ye bi mɛ? » ²⁹ Yesu ɖe wu ni bio: « Osɛn vivɛ wɛ nyi, " Izlaɛli ɖo to xwetɔ Mawu, xwetɔ ɖokpo ge. ³⁰ O ɖo na nyi wan na xwetɔ Mawu kpo oji tɔ we, okla tɔ we, susu tɔ we, kpo hɔnhlɔn tɔ we ³¹ bi". Osɛn ɔwe gɔ-ɔ wɛ nyi: " O ɖo na nyi wan na nɔvuwe ɖi yi tete ha". Osɛn ti hɔn mɔ hu gan osen ki ye.» ³² Osɛn kplan me tɔ bo lɔ bio: « Xojɔxo wɛ xwetɔ, ɖo Mawu dokpo ge we le nyi mɛ ti hɔn mɔ hugan wi. ³³ A nyi owan na Mawu kpo ɛmɛ tete we oji, ɛmɛ tete we okla, ɛmɛ tete we susu kpo ɛmɛ tete we hɔnhlɔn-ɔ hɔn mɔ wu gan wu ɔvɔsisan ɖaho ye. ³⁴ Ke Yesu kpɔn bio yi we ɖe wu mɔ sɔgbe-ɔ, Yesu lɔ ni bio: « Ɔn din le xɔluɖuxwe Mawu tɔn wu.» E xin we godo-ɔ mɛ ti hɔn mɔ va kan oxo se wu Yesu. ³⁵ Gan ke mɛ Yesu o kplan onu wu le cɔci xɔ mɛ nɔ, e kanse ahwan nɔ lɔ bio « Na ɖe lɛ osɛn kplan ɛmɛ tɔ ye nɔ lɔ bio Kliso mɔ nyi Davidi we oviɔ ɖo? ɛmɛ tete» ³⁶ Gbɔn do gbigbɔ ɖeɖovo ji-ɔ Davidi tete lɔ bio: « Xwetɔ lɔ na bo we xwetɔ lɔ bio, hinɔ nyi do aɖusi tɛ ye mɛ gbun do va jɛ gan ke mɛ ko na sɔ kɛntɔ tɔ we ye a do wasi ɔfɔ ɖoji nu.» ³⁷ Davidi tete nyɔ Mɛsy bio « Xwetɔ », syɔ ŋni dɔn Mɛsy-ɔ na do nyi Davidi we vi? Oto gun-ɔ bo ɖo oto wu Yesu nɔ kpo jijwɛ kpo. ³⁸ Le Yesu we onu kpinkplan mɛ, e lɔ na oto gun nɔ bio: « Mi cɔ mia ɖe le osɛn kpl:an ɛmɛ tɔ gugu xin ye wu ke na jro awu gaga dido ³⁹ kpo tɛnxo kpinkpɛn ye ninɔ le ɔgɔ ɖutyɔn ye. ⁴⁰ Ye nɔ gu okun na okposi ye xwe a bo xo ɛɖɛ didyɔn a do jra ye ɖe. Ye mɛ xin ye ɔ na yi oto didɔn ɖaxo.» ⁴¹ Yesu xinɔnyi do agban jɔnu ɖe kɔn bo kpɔn ke na ɛmɛ ye o jɔ onu ɖo nɔ, ohotɔ susu ye can bo jɔ onu nɔ kpo oho susu kpo. ⁴² Okposi ayanɔ ɖe va bo jɔ kponɔ gan atun do agban mɛ ⁴³ Yesu yɔ yi we onu kplanvi ye bo lɔ na ye nɔ lɔ na ye nɔ bio: « Le oxo jɔ xo mɛ-ɔ nyɔnusi ke na onu hu ye mɛ bi. ⁴⁴ Ɖo mɛ dyɛ ye o na ke e jro ye ɖo, vɔ okposi ke sɔ onu ke le xɔ mɛ ni bi sɔ va.