¹ Ke Yesu tɔn le cɔci xɔ mɛ nɔ, nukplanvi yitɔn ɖokpo lɔ ni bio:«xwetɔ, oxɔ nynyɔn hin ke ye! » Yesu ɖe e wu ni bio: ² « O kpɔn oxɔ ɖaxo ke ye nɔ? Ti ɔn gɔn ma gba le nyi mɛ nɔ.╗ ³ Gan ke mɛ Yesu xi nɔ nyi do olivi we kpo kpo-e ɔ ji, Pyɛ, Jaki,Jaan kpo Andle kin se lɔ bio: « ⁴ Xwetɔ gan ni mɛ lɛ onu klɛ ye na jɔ? ɖiɖe xlɛ ni lɛ na xlɛ lɔ bio nu klɛ mɔ na jɔ? ⁵ Yesu lɔ na ye lɔ bio: « Mi cɔ mia ɖe na mɛ ɖe ni ka mɔ bu mi. ⁶ Mɛ susu na va le bowe nyikɔ mɛ, a bo lɔ nɔ lɔ bio ye wɛ nyi kliso ɔ a do hɛn ɛmɛ susu do yi cicrɔn mɛ. ⁷ Na mi se ahuan alo zigidi, mi ka vo. Nye ɖo na jɔ, vɔ ɔn nyi vivɔ nu nɔ hɔnɖe. ⁸ Ɖo oto ɖyɔ na cite kpɛn kɔn oto ɖyɔ, xɔluɖuxwe ɖyɔ, na cite kpɛn kɔn xɔluɖuxwe ɖyɔ, ŋkunda na hunhun, xovɛ na tɔn . Nu ke ye wɛ nyi ovi jiji we vivɛ sise tantyɛn nɔ. ⁹ Mi cɔ mia ɖe nywɛnɖe. Ye na sɔ mi na oga ye, ye na xomi. Ye na yɔ mi do ɛhwɛ we ŋkɔn do wi ye. ¹⁰ Vɔ ɛwɛn nywɛn ɔ ɖo na nyi jijla na oto gun ye bi. ¹¹ Gan ke mɛ ye na xlɛ mi do yi ɛmɛ ye we ŋkɔn ɔ, mi ka mɔ vo na oxo ke mi na lɔ, ɖo mi ye tete hwɛn va lɔ oxo ɔ nɔ, gbigbɔ kinkwɛn wɛ na yi oxo do mia nu. ¹² Nɔnvi ye na hu ye ɖe, otɔ na hu ovi. Vikpɛ ye na cite do ye tɔ ye wu a bo kan oku na ye nɔ. ¹³ Ye na gbɛ owɛn na mi do wi ye . Vɔ mɛ ɖe kpo kpwe ke na do oji le mia mɛ na kpɔn hwlɛngan. ¹⁴ Na mi kpɔn onu klɛ ye o jɔ nɔ le fi ke yɔn ɖo na jɔ le ɔ, mɛ ke le Jude ye ni si yi oto ye ji . ¹⁵ Na mɛ ke le oxɔ ta ni ka jɛ ote. ¹⁶ Na mɛ ke yi oglegbe ni ka mɔ bio he gbɔn nɔ a do va sɔ awu gaga nɔ. ¹⁷ Vɔ baba-a na gomi nɔ ye kpo mɛ ke na ɔnɔn wu ovi nɔ ye kpo le azan xin ye ji . ¹⁸ Mi xo ɛdɛ na ni ka mɔ nyi vivo(fifa) we gan mɛ. ¹⁹ Ɖo adan gbo ɛmɛ susu ye na va, ke na ɔn jɔ kpɔn sɔn titɔwɛ ji, e ko mɔ na jɔ kpɔn. ²⁰ Na Mawu na do gbɛ azan ye ɖiɖe drɔn wɛ ɔ, gbɛtɔ ti ɔn kpɔnhlwɛngan nɔ vɔ sɔ gbɔn yi we ɛmɛ acan ye ji ɔ, e ɖe azan ye drɔn ²¹ Yi wɛ na mɛ ɖe va lɔ na mi bio: "Mi kpɔn Kliso xɛn xi!" a lɔ "mi kpɔn ɛn, e va ɔ" mi ka mɔ kan do mɛ xin ji. ²² Ɖo Mawu dan watɔ ojo kan tɔ ye kpo oxolɔɖenyi tɔ ojo kan tɔ ye na va a do va wa ŋdan do nu ye nɔ, a do kpewu blɛ ɛmɛ susu. ²³ Mi nɔ ace ji! Ɖo ko o lɔ oxo ke ye na mi. ²⁴ Le adan gbo ɛmɛ xin ye we godo vɔ ɔ, ohwe na ci osun ɔ mɔ na yi we kinklɛn nɔ. ²⁵ Sunhwevi ye na flɛ yi we hɔnhlɔn ke na kpa ɛcɛ le jiŋkunsi nɔ ye na fiɔ. ²⁶ Ye na kpɔn gbɛtɔ we viɔ na zɔn le jiŋkunsi kpodo gigo ɖaxo ɖe kpo. ²⁷ E na dɔn yi we ɛwɛndotɔ ye dodan ye bo na bɔ ɛmɛ cican yi tɔn ye le ŋkundan ko un ɛnɛ ye ji. ²⁸ Mi kplan onu sɔn figi tin wu. Na e tɔn ama nyinywɛ ɔ, mi nywɛ zɔn ɖo kpo lɔ bio ²⁹ e mɔ ha na mi kpɔn onu ke ye o jɔ nɔ mi nywɛn lɔ bio gbɛtɔ we viɔ we viva mɔ kpɔ ³⁰ Le oxo jɔ xo mɛ ɔ, kun kan xin ɔn va yi nɔ gun do jɛ gan ke mɛ onu xin ye na jɔ. ³¹ Jiŋkunsi kpo ŋkundan kpo na va yi vɔ oxo tɛ ye ɔn va yi nɔ. ³² Mɛti ɔn nyɔn gan ke mɛ a lo gbe ke gbe gbɛtɔ we viɔ na va. Na ɔn nyi otɔ ɖoɖyo. ³³ Mi nɔ ace ji, a bo nɔ ŋzɔn, ɖo mi ɔn nyɔ gan ke mɛ e na va. ³⁴ E le ɖi ke na mɛ ɖe na tɔn ɖo ha a bo jo oxwe yi tɔn do ɔlɔ mɛ na odan wavi yi tɔn ɖo na ye a cɔɛ nɔ. ³⁵ Yi wɛ dɔn mi nɔ ŋzɔn ɖo mi ɔn nyɔn gbe ke gbe xwetɔ na va, ta nyɔn zan mɛ, ozan mi ma, gan ke mɛ goklo na do atan nɔ alo ke kle nu. ³⁶ Na e va le ajiji mɛ ɔ, mi ka mɔ na na a kpɔn mi le ɔwlɔn mɛ. ³⁷ Xo ke ko lɔ nɔ ke ɔ, mɛ bi wɛ ko lwɛ na nɔ: mi nɔ ŋzɔn.