¹ Vivayi we oxwe kpodo kpɔnɔ ke ɔn ɖo tinkɛnwe oxwe ɖonyi ɖuɖu le azan ɔwe gbagbla mɛ. Ɔvɔsantɔ ye kpo osɛnkpan ɛmɛn tɔ o kan o mɔ do Yesu wu nɔ a do kpewu hui. ² Nyi nɔ lɔ ye ɖe mɛ nɔ lɔ bio «ɔn kpe wu na nyi oxwe we gan mɛ, do tayɔn e tɛn hɛn ogu fifɔn do va» ³ Gan ke mɛ Yesu le Betani le Simɔ gbodonɔ we oxwe gbe ɔ, nyɔnusi de va e ko kpodo cɛluoxo vivɛ tɔn, bo kɔn do ota na Yesu. ⁴ E kpaca wu mɛɖe ye . Ye bo lɔ le ye ɖe mɛ nɔ:«ŋni-i jɔ e do zan celu ɔ kanyan kanyan nɔ? ⁵ E hɛn ye na sa-a celu xi-i oho gan vi kanwe ko donu ɔtɔn, a bo ma oho ɔ na aya nɔ hye .» ⁶ Yesu lɔ na ye lɔ bio:« Mi jɔdo na vuɛ wu. Ŋni jɔ mi do xixa wju nɔ? O nu nywɛn wɛ e wasi na. ⁷ Aya nɔ ye le mia kɔn gbe sia gbe, e hɛnmi na nɔ wa onu nywɛn le gan mɛ , vɔ blɔ kɔn nɔ mia kɔn nɔ gun a do sɔn. ⁸ Nuke wu e kpe wɛ e wasi, ɖo e si ami ɔ na. ⁹ Le oxo jɔ xo mɛ ɔ fide kpo kpwe ke ɛmɛ nywɛn na nyi ɔ, nu ke nyɔnusi ke wasi na can na nyi lilɔ» ¹⁰ Judasi Isucaliɔtu, Yesu we onu kpanvi yi ɔvɔsxantɔ hye kɔn ɖo e va sa Yesu nɔ. ¹¹ Ke ɔvɔsantɔ ye se e mɔ ha ɔ, oji jɔ ye ye bo kan omɔ do Yesu wu nɔ a do wu se-e. ¹² Le azan tantyɛn gɔ gbe na tintɔn va nyi we oxwe ɔ, gan ker mɛ ye san-a ɔvɔ, Yesu we onu kplaznvi ye kise nɔ bio:« Fie ojlo na mia ɖa-a tintɔn va nyi xue onu ɖuɖu le?» ¹³ Yesu bo dɔn nukplanvi ɔwe dodan toxo ɔ mɛ bo lɔ na ye bio, na mi yi ɔ mi na kpɔn hwanje ɖe e bo hɛn do kala mɛmi xodwe. ¹⁴ Hɛn e kplɔ mi do ɖyɛ oxwe ɔ gbe ɔ, mi lɔ na mɛ ke tɔn nyi oxwe ɔbio, xwetɔ lɔ bio« Fie lɛ oxɔ ke mɛ mi na tintɔn va yi we mi ɖuɖu le?» ¹⁵ E na xlɛ oxɔ ɖe wu mi, blɛ wɛ mi na ɖa-a onu le. ¹⁶ Onukplanvi ye yi toxo ɔ mɛ xonugbo bo ve kpɔn onu ɔ ye ɖi ke ejɛ do ha, ye bo ɖa onu na oxwe ɔ ¹⁷ Yesu kpo onukplanvi ye va toxo ɔ mɛ le wedo. ¹⁸ Gan ke mɛ le ɔkplɔn wu bo ɖu onu nɔ, Yesu lɔ na ye bio:« Ko lɔ na mi nɔ le xo jɔ xo mɛ nɔ lɔ bio mɛ ɖokpo le mia mɛ bo na sa» ¹⁹ Onukplanvi ye bi bo ci dɔŋɖunu mɛ, ye bo lɔ le ye ɖe mɛ nɔ « Ɔnyi blɔ nɔ mɔ?» ²⁰ Yesu lɔ na ye bio:« Ɛmɛ ɔ le mia mɛ bo ɖunu kpo nɔ. ²¹ Ɖo gbɛtɔ we viɔ sin jiŋkunsi ɖi ke e nyi wiwla bo bio, tanyla kan na ɛmɛ ke sa ɛgbɛtɔ we viɔ! ɖoe nyɔn ni na mɛ xin no ɔna do va ɛgbɛ ke mɛ. ²² Gan ke mɛ ye ɖu onu nɔ, ²³ Yesu sɔ kpɔnnɔ bo xo ɛɖɛ do eji bo mi na onukplanvi yi tɔn ye bo lɔ na ye nɔ bio:« Mi yi do gbaza tɛ ye wɛ.» Yesu sɔ kɔkpo ɔ bo xo ɛɖɛ do e ji bo ma na onukplanvi ye bi ye bo nu. ²⁴ E lɔ na ye lɔ bio:« Ahan ke wɛ nyi ɛhu tɛ ye ke kɔn do nyi na kancvica ke le mi ye kpo Mawu kpo mɛ. ²⁵ Le oxo jɔ xo mɛ ɔ, kɔn mɔ na nu ahan ke gun do jɛ gan ke mɛ ko mɔ na nu le jiŋkunsi ɔ.» ²⁶ Ke ye ji ohan vɔ, ye sɔn nyi Olivie we oso ɔ ji. ²⁷ Yesu lɔ na onukplanvi yi tɔn ye lɔ bio:« Mi na si le kɔn ye, Do e nyi wiwlan lɔ bio: ko na xo olan kplɔ tɔ yi wɛ lɛngbɔ ye na si le e kɔn.» ²⁸ Na ko fɔn we godo, ka na yi Galile do ŋkɔn na mi.» ²⁹ Pyɛ lɔ na Yesu bio:« Na ɛmɛ na tɛ si can ɔ, blɔ kɔn si nɔ.» ³⁰ Yesu ɖo e wu ni lɔ bio:« Le ozan ke mɛ ɔ, o na gbɛ onu sɔn wi ye zɔn ɔtɔn keŋ gbɔ xwe go klo na do atan. ³¹ Pyɛ bo ɖo e wu na Yesu bio:« Na e nyi ko mɔ na mɔ ku kpo we can ɔ, kɔn gbɛ onu sɔn wu we nɔ.» Onukplanvi gbokpoe ye can bo ta onu. ³² Ke ye Lɛ blɛ vɔ-ɔ, ye sɔn nyi Gesutemane, Yesu bo lɔ na yi we onukplanvi ye lɔ bio:« Mi nɔ blɛ na ma yi xo ɛɖɛ.» ³³ Yesu bo kplɔ Pyɛ, Jaaki kpo Jaan vɔ bo ci ɖɔŋɖunu ɖaxo ɖe mɛ. ³⁴ Yesu lɔ na Pyɛ Jaaki kpo Jaan lɔ bio: « Okla tɛ ye le vivɛ sise ɖazxo ɖe mɛ gun do yi oku mɛ . Mi nɔ ŋzɔn na mia xo ɛɖɛ. ³⁵ Yesu tɛ yi ŋkɔn, bo xo ɛɖɛ nɔlɔ bio vivɛ sise we kɔkpo ke ni mɔ tɛ yi le he wi ye. ³⁶ Yesu lɔ bio:« Didɛ ye ɖaxo, onu bi le bɔbwɛ ɖe na we . Tɛ vivɛ sise xi le ŋkɔn na. Vɔ ojro tɔ we ni nyi wiwa.» ³⁷ Ke Yesu trɔ va Pyɛ, Jaaki kpo Jaan kɔn, e kpɔn ye le ɔwlɔn mɛ, e bo lɔ na Pyɛ lɔ bio:« Simɔ ɔwlɔn wɛ o dɔ nɔ? Ɔn kpe wu na nɔ zante wɛ a do xo ɛɖɛ kpo na gan xixo ɖokpo wɛ?» ³⁸ Nɔ ŋzɔn na xo ɛɖɛ na a do ka jɛ titɛn kpɔn mɛ. Gbigbɔ le ogbe sisɔ, vɔ ɔ gbaza ɔ gbɔjɔ.» ³⁹ Yesu mɔ trɔ sɔn a do va yi xo ɛɖɛ ɖokpo. ⁴⁰ Ke e mɔ trɔ va zɔn ɔwe gɔ ɔ onukplanvi ɔtɔn xi ye mɔ le ɔwlɔn mɛ. ⁴¹ Yesu mɔ trɔ va zɔn ɔtɔn gɔ bo mɔ kpɔn yi we onukplanvi ɔtɔn ye mɔ dɔ ɔwlɔn nɔ Yesu bo lɔ na ye lɔ bio:« Mi gbɛ dɔ ɔwlɔn nɔ wɛ? Ekpe-e! ogan xo na ye na sa-a ɛgbɛ tɔ we vi na onu nyinylan watɔ ye. ⁴² Mi cite na mia sɔn ɖo mɛ ke va sa-a nɔ o va.» ⁴³ Gan ke mɛ Yesu lɔ oxo nɔ ɔ, Jidasi ke nyi yi we onukplanvi ɖokpo ɔ, va kpo ahwan kɔn ɔvɔsan tɔ ye tɔn, osɛn kplan ɛmɛ tɔ ye kpo mɛ hiyɔn ye tɔn kpo. ⁴⁴ Jidasi ɔ lɔ na ye lɔ bio:« Ɛmɛ ke ko na kpla asi kɔ ni bo nywɛ bio« xwetɔ.» ⁴⁵ Ke Jidasi va Yesu kɔn, e kpla asi kɔ mi bo nywɛ bio «Xwetɔ». ⁴⁶ Ye bo wle Yesu. ⁴⁷ Zɔndo kpo ɔ, Pyɛ nyrɔ ohui-i tɔn bo kpa oto na sɔja ɖokpo. ⁴⁸ Yesu lɔ na ye bio:« Mi va kɔn ye le ɖi fanfi nɔ ha, oti kpo ohui-i le asi a do va wlo a lo? ⁴⁹ Gan ke mɛ ko nɔ kplan onu wu mi le cɔci xɔmɛ sa-an ɔ, mi ɔn wlo, vɔ e va e mɛ na oxo ke wiwlan kinkwɛn ye lɔ a do ɖi-i.» ⁵⁰ Yi wɛ Yesu we onukplanvi ye si-i le Yesu Kɔn. ⁵¹ Hwanje ɖe wɛ xo dwe kpo awxu le kɔ ke nyi wle ɔ. ⁵² E si bo jo awu ɔ do. ⁵³ Ye kplɔ Yesu do yi ɔvɔsantɔ ye kɔn, le fike cɔci ye oga ye, mɛhyɔn ye, kpo osɛn kplan ɛmɛ tɔ ye le. ⁵⁴ Pyɛ le ɛtɛ na Yesu gun do ɖyɛ ɔvɔsantɔ we oxwe gbe. E bo kpɔn Yesu le sɔja ye kɔn bo xu ozo nɔ. ⁵⁵ Cɔci ye ga ye kpo ɛhwɛ ɖɔ tyɔn kan oxo do Yesu wu nɔ a do do ɛhwɛ ni. Vɔ ye ɔn kpɔn nuti do e wu, ⁵⁶ ɖo ɛmɛ susu o ɖe kunnu nyinyla do Yesu wu nɔ. Vɔ ɔn nyi oxo jɔ xo. ⁵⁷ Mɛ ɖe ye mɔ cite a bo do ɛhwɛ nynyla ni ɖo ye nɔ lɔ nɔ bio:« ⁵⁸ E mɔ nɔ lɔ bio ye mɔ na gba cɔci xɔ le azan ɔtɔn mɛ a mɔ trɔ gbe-e» ⁵⁹ Vɔ ɔvɔsantɔ ye ɔn ni ogbe na oxo wi-i. ⁶⁰ Ɔvɔsan tɔ ɖaxo ɔ bo kan Yesu se lɔ bio: « Ɔn ɖo ɖiɖe wu ti-i? Xo jɔ xo wɛ ye lɔ do nu we nɔ?» Vɔ ⁶¹ Yesu ɔn kɛ onu ti-i gun do lɔ oxo ɖe. Ɔvɔsantɔ ɖaxo ɔ mɔ kise lɔ bio:« Yi wɛ nyi Kliso ɔ, nyiyiyla we viɔ ɔ?» ⁶² Yesu bo ɖo e wu bio:« Kliso wɛ ko nyi. O na kpɔn ɛgbɛtɔ we viɔ na xi nɔnyi le otɔ we aɖusi mɛ bo na ze le jɛhɔn mɛ.╗ ⁶³ Ɔvɔsantɔ bo vu ŋwe bo lɔ bio:« Mi mɔ hian kunu ɖiɖe wɛ? ⁶⁴ Mi se oxo nynyla ke e lɔ-ɔ. Gbeta ni-i lɛ mi sɔ-ɔ?» Ye bo ɖo oku we ɛhwɛ na Yesu. ⁶⁵ Mɛ ɖe ye nɔ tun otan do e wu a bo gba to mɛ ni a bo lɔ ni-i nɔ bio:« Lɔ oxo o nyi!» Sɔja ye bo kplɔ ɛ a do va yi ki-i. ⁶⁶ Ke Pyɛ gbɛ le ɔvɔsantɔ we oxwe gbe ɔ, odansɔvi nyɔnusi ɖokpo va e kɔn. ⁶⁷ Nyɔnusi ɔ kpɔn Pyɛ o xu ozo nɔ e bo kin se bio:« Yi can le Yesu Nazalɛti tɔn kɔn ma.» ⁶⁸ Vɔ Pyɛ gbɛ bo lɔ bio:« Kɔn yɔnoxo ke o lɔ nɔ.» E xi-i we gbodo ɔ, e tɔn le oxwe gbe (goklo bo do atan). ⁶⁹ Vɔ ke e mɔ tɔn ɔ, nyɔnusi ɔ mɔ kpwɛ bo lo na ɛmɛ ke le yi xa ye nɔ lɔ bio!:« Hwanje ke can nɔ xodo Yesu!» ⁷⁰ Vɔ Pyɛ mɔ lɔ oo. Le gan xixo ywɛ ɖe we godo ɔ, mɛ ke le blɛ ye lɔ ni-i bio:« Yi can o le Yesu we onukplanvi ye mɛ, ɖo Galile tɔ wɛ o nyi.» ⁷¹ Vɔ Pyɛ gbɛ gbun bo tya onu nɔ lɔ bio:« Kɔn nyɔ mɛ ke we oxo mi lɔ nɔ» ⁷² Yi we godo ɔgoklo bo do atan zɔn ɔwe gɔ-ɔ. Pyɛ bo fli oxo ke Yesu lɔ ni ye bio:« Kɛn gbɔ xwe goklo na do atan zɔn ɔwɛ gɔ-ɔ, o na gbi-o zɔn ɔtɔn.» E bo vi a vi.