¹ Le keklenu fu, Mawu we ɔvɔsantɔ ɖaxo ye wasi bibɔ kpo otomɛ hyɔn ye, osɛn kplan-ɛmɛ tɔ ye kpodo ɛhɛɖɔtɔ ye bitu. Ye bla Yesu bo dɔn-ɛ sɔ na Pilati. ² Pilati bo kan Yesu se bio:« I wɛ nyi Jwifu ye we xɔlu?» Yesu ɖo-e wu ni bio« I wɛ o lɔxin» ³ Ɔvɔsantɔ ɖo r hu ni susu. ⁴ Pilati-ɔ bo mɔ kan oxo Yesu se ke bio:« Kpɔn ɛhwɛ susu ke ye do na we nɔ, ɔn ɖo oxo ɖe e wu nɔ wɛ?» ⁵ Vɔ Yesu ɔn ɖo oxo ti tete e wu ni, e bo kpaca do i tete-ɔ (do Pilati tete). ⁶ Vɔ na ye na ɖu titɔnvayi we oxwe nɔ, Pilati nɔ ɖe ogantɔ ɖokpo kena ye byɔ-ɛ tɔ-ɛn. ⁷ Vɔ dahwe ɖe ke ye nɔ yɔ bio Balabasi, bo le ogan kpa mɛ, kpodo ogu fɔntɔ ye, ɖo ye hu ɛmɛ le ogu fifɔn hwenu. ⁸ Ɛmɛ susu va yi Pilati kɔn, bo jɛ onu ke na e ɔn nɔ wasi na ye bi byɔ ji. ⁹ Pilati ɖo e wu na ye bio:« Mi jlo na ma jo Jwifu ye we xɔlu do na mi wɛ?» ¹⁰ Ɖo nywɛn bio ɛwuhwihwan mɛ mɔ dɔn na ɔvɔsantɔ ɖaxo ye mɔ do sɔ Yesu ɔ sɔ va na he. ¹¹ Ɔvɔsantɔ ɖaxo ye bo do ɛmɛ ye nɔ, na do ɖe ogan na Banabasi a bo jo Yesu do. ¹² Pilati mɔ ɖo ewu na ye ke bio:« E ni lɛ ko na wasi na ɛmɛ mi yɔ nɔ bio Jwifu ye we xɔlu ɔ?» ¹³ Ye bo do axwa ke bo lɔ bio:« kɛn do otinsogaji!» ¹⁴ Pilati lɔ na ye bio:« Onu nyinylan ni lɛ e wasi ya?» Ye mɔ do axwa do eji lɔ bio:« Kɛn-ɛ!» ¹⁵ A do jɛ ŋu na ye, Pilati ɖe ogan na Balabasi, yi we godo, e lɔ na sɔja ye xo Yesu kpo do lanba (sɔba), e bo sɔ-ɛ do ɔlɔ mɛ na sɔja ye, ye mɔ do kɛn do otinsogati ¹⁶ Sɔja ye kplɔ Yesu do yi otokplɔtɔ we oxwe gbe, bo yɔ sɔja gbokpwe ye bi bo sɔ bɔ. ¹⁷ Ye do awu ɖaxo ove ni-i, bo sɔ bo sɔ xɔlu we ogba ke na ye sɔ ɛŋuja do wasi, sɔ cɔn ota ni-i. ¹⁸ Ye jɛ asikpɛ xixo do ota ni ji, bo lɔ nɔ lɔ bio:« Mido ogbe na we, Jwiofu ye xɔlu!» ¹⁹ Ye sɔ otin ɖe bo do xo ota ni-i nɔ, bo tu otan do ewu nɔ, a bo jɛ klita le ɔkɔn mɛ ni nɔ, a bo do onu do ni-i nɔ. ²⁰ Kena ye ko-e vɔ, ye ɖe awu ove-ɔ le okɔ ni, bo mɔ sɔ onu dido itɔn ye bo sɔ ni,bo dɔn-ɛ sɔn nɔ a do ve kɛn. ²¹ Dahwe ɖe gbɔn sɔn gblegbe, ye mɔ yo-ɛ bio Simɔ bo nyi otɔ na Alɛsandra kpodo Hlufusi e bo nyi Silɛnu tɔ, e gbɔn blɛ va yi nɔ, ye bo zin e ji na do hɛn otinsoga gban Yesu tɔn. ²² I wɛ ye kplɔ Yesu do yi ofi ke ye nɔ yɔ bio Gɔlugɔta, i we gɔnmɛ nyi « Takungo we tɛnxo.» ²³ Ye na vɛn ke ye caka kpo do milu, vɔ Yesu bo gbɛ. ²⁴ Ye kɛn do otinsoga ji, bo wasi ovo ɖiɖe do ma onu dido itɔn, a do nyɔ akpa ke na ɛmɛ ɖokpo ɖokpo na yi. ²⁵ E xo ogan acɛnnɛ nɔ ye do kan Yesu. ²⁶ Onu winwlan ke na lɔ onu ke dɔn na ye do gbo oku hwɛ ni-i ɔ xɛn:« Jwifu ye we xɔlu» ²⁷ Ye kan jaguda ɔwe do axa ni, ɖokpo le aɖiusi lɔmɛ, ɖokpo bo le ɔmyɔn lɔmɛ. ²⁸ ( onu winwlan xixo ye yɔnbwɛ-ɔ do) (kpɔn lwiki ota ko unkun ɔwe xixlɛ mɛ ɔtɔn), xixlɛ mɛ ko atun unkun ɔtɔn, e mɔ ha wɛ e na va cicɛ me winwlan ke lɔ bio.) ²⁹ Ɛmɛ ke na va yi nɔ ye, bo kɔn ɔcɔn do ewu nɔ, bo hunhun ota nɔ, bo lɔ ni-i nɔ lɔ bio:« Ho-o na we! Lɔ ke lɔ nɔ lɔ bio he mɔ na gba Mawu we oxwe-ɔ, a bo trɔ gbe le onyi hinhɔn ɔtɔn gblamɛ, ³⁰ yi tete hwlɛn ɖiwe gan, a bo jɛ ote le otinsoga-ɔ ji!» ³¹ E mɔ ke wɛ vɔsantɔ ɖaxo ye kpo osɛn kplan ɛmɛ tɔ ɖaxo ye o ko-e nɔ bo lɔ na ye nɔ nyɔn ye nɔlɔ bio:« E hwlɛn ɛmɛ bu ye gan, e ɔn kpewu na hwlɛn iɖe gan wɛ? ³² Kliso ɔ, Izrayɛli we xɔlu ɔ, ni jɛ te sɔn otinsoga ɔ ji syɛ ɖo-o, na mia kpɔn, a bo kan do e ji!» Ɛmɛ ke na ye kan do axa ni-i ye can bo zun-i nɔ. ³³ Le gan weve mɛ, vuvlu do le nyixo ɔ ji bi gbun do yi gan ɔtɔn mɛ. ³⁴ Le gan tɔn mɛ ɔ, Yesu do axwa sin syɛn xu ɖe, bo lɔ bio:« Eloyi, Eloyi, lama sabatani» yi we gɔn mɛ wɛ nyi :« Mawu tɛ ye, Mawu tɛ e ni jɔ na o do jo do?» ³⁵ Ke na ɛmɛ ke le blɛ ye ɖe ye se axwa dido itɔn, ye lɔ bio:« Mi kpɔn e yɔ Eli nɔ.» ³⁶ Ɛmɛ dye le ye mɛ, bo do we dun, bo ve sɔ otu ɖe nylɔ do vɛn hwinhwan mɛ, bo sɔ ɖo otin nu, bo drɛn dodan Yesu, na nu, e bo lɔ bio:« Mi nɔ te, na mia kpɔn bio Eli ɔ na va ɖe tɛ le otinsoga ɔ ji ja!» ³⁷ Vɔ, Yesu do axwa sinsyɛnxu ɖe, bo myɔ onu . ³⁸ Iwe xɔmɛ gbno vɔ ke na le Mawu we oxwe gbe bo vu do ɔwe sɔn jihwe gbun do va yi odo. ³⁹ Kena sloja kanweko ga ke na le ŋkɔn ni-i ɔ kpɔn ke na e ku ɖo, e lɔ bio:« Dahwe ke, Mawu we vi wɛ e nyi san xojɔxo!» ⁴⁰ Nyɔnusi ye can le di dyɔn nu bo do kpɔn onu nɔ. Ɛmɛ ke na le ye mɛ we ɖe ye hɛn, Malya Madala tɔn, Salomɛ, kpo Malya ke nyi Jaki hwanjevi ɔ onɔ mɔ nɔ nyi Jose onɔ. ⁴¹ Nyɔnusi xin ye nɔ xodo Yesu le san, bo nɔ sɔ odan ni le ke na e do le Galile we kansin mɛ. Nyɔnusi susu bu ye can ke xo do-e do yi Jeluzalɛmu ye can bo le blɛ ⁴² Ke na hwedo do, e mɔ nyi jijlaɖo we azan gbe, iwe gɔnmɛ wɛ nyi Jwifu ye we gbɔjwɛ we azan drɔ gbe ⁴³ Jozɛfu, Alimate we to mɛ tɔ, ke na nyi ɛmɛ ŋkunsin le eji ɖe le ɛhwɛ ɖɔtɔ ɖaxo ye mɛ, ican e tre kpɔn Mawu we xɔluɖuɖu nɔ. E doji, bo yi Pilati kɔn, bo do ve biɔ Yesu we oco. ⁴⁴ Vɔ, e kpaca do Pilati bio Yesu mɔ ku. E bo yɔ sɔja kanweko ga do va, e bo kin se bio Yesu ku e din wɛ ja-a. ⁴⁵ Ke na sɔje kanweko ga ɖo-e wu ni vɔ, Pilati na ogbe Jozɛfu bio ni mɔ ve kɔ oco-ɔ. ⁴⁶ Jozɛfu ve xɔ ɔvɔ ɖe, bo ɖe ocɔ-ɔ jɛ te le otinsoga ji, bo butu-io do ɔvɔ mɛ, bo ɖi do yɔgun ke na ye ɖe do ɛkpɛn mɛ, bo bli ɛkpɛn ɖaxo ɖe do tu yɔgun -ɔ nu. ⁴⁷ Malya Madala tɔn kpodo Malya ke na nyi Joze onɔ, bo kpɔn ofi ke na ye sɔ Yesu we oco sɔ ɖo.