¹ Ye bo va ɛxu-wɔto le kansin Gerasenien. ² Gan ke mɛ na Yesu tɔn le tɔjiohun mɛ ɔ, unsuglo ɖokpo kena gbigbɔ makɔn le emɛ sin ekɔn le ocogun ye . ³ Unsuglo xin nɔnɔ ocogun ye we dodomɛ. Mɛti ko kpewun nɔ ɖu le eji cɛni can. ⁴ Ye ble zonnɛmu-zonnɛmu kpo cɛni ye bo sɔ ogan ye do bla ɔfɔ ye ni. E nɔ gbo cɛni ye a bo wɛn-ɛn mɛ ti hɔnhlɔn bo nɔ dokpo ɖu le e ji. ⁵ Oklo kpo ozanmɛ, e nɔ le ocɔgun ye mɛ kpo oto ye ji E daxwa bo ĵɛfɔku kpo ɛkpɛn ɖiɖa ye. ⁶ Kena e kpɔn Yesu le dindi-ɔn nu e bɛwedun sin ekɔn bo jɛ klita le unkɔn ni. ⁷ E daxwa ɖaxoɖe:« Eni ko wa na we, Yesu, Mawu we vyɔ ke le jiŋkunsi ko ɖe kuku na we sɔ gbɔn Mawu we unkɔn mɛ, bio nyi mɔ ka mɔ fluɖewu.» ⁸ Ɖo e lɔ nɔ bio:« Tɔn le unsuglo ke mɛ, gbigbɔ makɔnkɔn. ⁹ Yesu bo kinse nɔ bio:« Na ɖe yi we unkɔ nɔ nyi?» E bo ɖe wu:« Bo we unkɔ nɔ nyi gotolan, ɖo mi su.» ¹⁰ Ye bo fankwenɔ bu na yɔn mɔ na do sɔ ye sɔ sin kan sin mɛ. ¹¹ Zɔn ɖo kpo ɔ, oha kpo ɖaxo oɖu ogbe le ɔklo na kpokpwe nɔ. ¹² E ɖe kuku na Yesu bio:« Sɔ mi dodan oha ke ye mɛ, jomi do na mia ɖiɛ ye mɛ. ¹³ Yesu ɖe omɔ na gbigbɔ mankɔn mankɔn: ye bo lɛ le unsuglo ɔ mɛ, gbigbɔ mankɔn mankɔn bo ɖiɛ ye mɛ Ye bo hwlɛndo bo si ɛxu oha akpo ɔwe ha bo ku otɔ ku. ¹⁴ Ye mɛ ke nɔ kpɔn oha hye ji ɔ ye bo sɔn nyi toxo ɔ mɛ nɔ kpo oto ke lɛ do yue a ve lɔ nu ke na jɔ va yi ɛmɛ susu bo sɔn nɔ a ve kpɔn onu ke jɔ. ¹⁵ Ye va Yesu kɔn, ye bo kpɔn unsuglo ke mɛ gbigbɔ mankɔn mankɔn le va yi sɔ gbɔn gbigbɔ xin nɔnyi, bo donu le tinxo onywin mɛ, vivo bo hu ye. ¹⁶ Mɛ ke na kpɔn onu ke jɔ do unsuglo xin ji ke gbigbɔ manwe ɖyɛ lɔ na mɛ ke va ye nu ke mɔ jɔ heji va yi kpo oha ye mɛ. ¹⁷ Ye ɖe kuku na Yesu bio hi ye mɔ na lɛ le kansi ke mɛ. ¹⁸ Ɖi ke Yesu ɖyɛ tɔji hun mɛ ɔ, unsuglo ke mɛ gbigbɔ ɖyɛ va yi, bo ɖe kuku na Yesu nɔ bio he mɔ na xouwe. ¹⁹ Vɔ Yesu hɔn ɖe mɔ ni, vɔ Yesu lɔ ni bio:« Va sin xuwe kpo togun a bo lɔ nu ke na Mawu wasi na we kpo domɛ nywin ke wasi do dan we.» ²⁰ Blɛ mɛ e bɛ nu le bo lɔ onu ɖaxo-ɖaxo kena Yesu wasi ni e bo kpaca do mɛ ɖe kpo mɛ ɖekpo. ²¹ Kena Yesu so otɔ yi agi bu mɛ kpo tɔjihun togun ɖaxoɖe bo trɔ ɖwe bo le tegaga le ɛxu to. ²² Ɛmɛ ji kpɔn tɔ ɖokpo tohɔnnutɔn kenɔ nyi Jayuris, va kena e kpɔn Yesu e bo jɛ ɔfɔ ji na Yesu . ²³ E bo ɖe kuku ni mɔ kpo dɔɖunu kpo bio:« Nyɔsivi tɛ ye va ku nɔ! ko ɖe kuku va a bo drɛn ɔlɔ tɔwe yena do le nywɛ do ɛgbɛ. ²⁴ Yesu bo sɔnn kpo-e, otogun ɖaxo bo xodo ye bo ya wu, trɔto do ye. ²⁵ Vɔ nyɔnusi ɖokpo ɖe le kena ɛhun o gbwin e wu nɔ gun oxwe weve. ²⁶ E se vivɛ susu le dotoxwe. E bo zan oho ke e ɖo ye bi-i, yi we ninɔ mɛ hɔn ɖoli vɔ e mɔ trɔ jɛ e ji nɔ. ²⁷ Nyɔnusi ɔ nɔ se Yesu we otan. Yi wɛ dɔn e bo zɔnzɔn ni gbɔn godo na Yesu na ganke mɛ na e sin togun mɛ nɔbo kpo awu yi tɔn. ²⁸ Ɖo nyɔnusi lɔ bio:« Na ko gbɛ kpo awu Yesu tɔn ɔdon tɛ ye bo na gɔ.» ²⁹ Ke e kpo awu-ɔ, ɛhun bo ɖote, e bo do josi nuɖe le lanmɛ yi tɔn. Ɔdon bo gɔni-i ³⁰ Zɔnɖo kpo-wɔ, Yesu bo do josi bio nuɖen mɔ tɔn le he mɛ e bo trɔ sin ɛmɛ ye mɛ bo kanse nɔ bio:« Mɛ kpo awu tɛye?» ³¹ Ye we nukplanvi ye bo lɔ bio:«Okpɔn otogun ke do yawu na we nɔ o bo lɔ bio mɛ lɛ kpo-e ja?» ³² Vɔ Yesu ɖekɔ kpɔn adamɛ yi tɔn do kpɔn mɛ kena wasi e mɔ xa. ³³ Nyɔnusi nyɔ nu ke na jɛ de e ji va yi, bo sin Yesu kɔn kpo vivo kpo bo vo nɔ. E bo jɛ ŋkundanmɛ le unkɔn na Yesu bo lɔ xojɔ xo ni. ³⁴ Yesu bo lɔ ni bio:« Viye, xɔse tɔ we wasi onywɛ na we. Yi le fifamɛ a bo kpɔn ɔdɔn gigɔ. ³⁵ Ganke mɛ na e lɔ xo nɔ, ɛmɛ ye sin otohɔn nu we ga we bo lɔ bio:« Nyɔnusivi tɔwe ku. Eni jɔ mi do han nu na xwetɔ nɔ.» ³⁶ Vɔ, gan ke mɛ na Yesu ɖoto oxo ke ye lɔ nɔ, Yesu lɔ na nyɔnu we ga « Ka mɔ vo, kan de ji kpo-un.» ³⁷ Ɔn ɖegbe na mɛ ti bio ye ni mɔ xodu-e, Pyɛ,Jaki kpo jaan, kena nyi Jaki nɔ vyɔ wɛ e na ogbe-u. ³⁸ Ye sin sina gɔgu we ga we xwe gbe. Yesu kpɔn ɛmɛ ye ke do hɔnhlɔn nɔ ye bo vi-ya vi nɔ, bo fankwe nɔ vivɛ ɖe. ³⁹ Kena Yesu ɖyɛ xwɔgbe, e bo lɔ na ye bio:« E ni wa micaka e mɔ xa, e ni wa na mi vi a vi nɔ? Ovi-yɔ yɔn kun vɔe dɔ ɔwlɔn nɔ.» ⁴⁰ Ye bo ta Yesu kiko. E bo nya ye mi sin gaji. E kplɔyi ke nyi vitɔ kpo do vinɔ kpo mɛ ke le ye kɔn ye, ye bo ɖyɛ fike na ovi-ɔ le. ⁴¹ Yesu bo hɛn ɔlɔ bo lɔni bio:« Nyɔnusivi; ko lɔ na we bio yi mɔ cite.» ⁴² Zɔndokpo;, ovi yɔ bo cite bo ta zɔn zin zɔn, e bo kpaca wu ye. ⁴³ E bo do sin na ye bio: ye mɔ ka mɔ lɔ na mɛɖe sɔ gbɔn nu ke-ye mɛ. E bo lɔ na ye bio ye na nuɖuɖu wi