¹ Le nuxinye we godo ɔ , Yesu yi ɛxu we godo le Galile ke ye mɔn nɔn yɔ bio Tibeliadu we ɛxu. ² ɛmɛ susu xodo Yesu ɖo ye kpɔn ŋdandonnu ke e wasi nɔn ye. ³ Yesu yi oto we ɔlɔ ji kpo nukplanvi yitɔn ye. ⁴ (Vivayi we oxwe jufuye tɔn. ⁵ Gankemɛ, Yesu ko ko kpɔn ɛmɛ susu ke o gbɔnnɔ e kɔnnɔ e lɔ nan Filipu:«Fie mi nan yi a do xɔ kpɔnnɔ a do nan nuɖuɖu wu mɛ ki ye?» ⁶ ( Vɔ Yesu lɔ emɔn na Filipu a do doe kpɔn ɖo yitete nyɔn nuke e na wa). ⁷ Filipu yi ogbe :«caki ofo ɔwe can ɔn kpe su nan a do xɔ kpɔnnɔn ke nan kpe ye.» ⁸ Onukplanvi, Andle Simɔn Piyɛ nɔnviɔ, lɔ nan Yesu: ⁹ «Unsunglovi okpo le buɛ bo ɖo kpɔnnɔn atun kpo ohwe ɔwe vɔ unni e na wa nan mɛn ke yee?» ¹⁰ Yesu lɔ:«Mi sɔ togun sɔ xinnɔyi»(Le blɛ ɔ aman susu le). E mɔn gbɛtɔ unsuglo ye xinnɔnyi bo ɖewu ye yi dɔkpo atun. ¹¹ Yesu sɔ kpɔnnɔn kikan ye, e man nan mɛnke xinnɔnyi. E mɔnke wɛ e man ohwe do ɖike ye djro do. ¹² Gankemɛ go mi gɔ oto gun ɔ e lɔ na nukplanvi etɔn yee(«Mi bɛ kpɔnnɔn kinkan ke drɔn Ganxinme tii ko na do bu.» ¹³ Ke ye bɛ e bo gɔ Jaxui weve, kpɔnnɔn kinfan atun, ke ye ɖo vɔ. ¹⁴ Gankemɛ otogun kpɔn ɖexlɛ ke e wasi ɔ , ye lɔ:«Mɛ ke ɔ xojɔxo mɛ ɔ oxolɔɖɔnyitɔ wɛ ke ɖo va nan va ɛgbɛmin.» ¹⁵ Ke Yesu kpɔn bio ye mɔn nan va wle he kpo hɔnhlɔn a mɔn sɔ he do wasi xɔlu, e mɔn to lɛle ye mɛ yi ɖoɖio, bo yi oto ɔ ji. ¹⁶ Ke huedo va, iwe onukplanviye yi ɛxuto. ¹⁷ Ye ɖyɛ tɔji ɖokpo mɛn, bo gbo €xu do yi Kapernaum( vuvlu do le gankemɛ Yesu ko va ye kɔn) ¹⁸ Jɛhɔn ɖaxo cite ɛxu bo xo nɔ. ¹⁹ Ke ye wasi onu nan yi mɛta oko atun do yi ogban we godo; ye kpɔn Yesu o zɔnzɔblin gbɔn ɛxu ji nɔn bo gbɔn nɔn tɔjihun kɔnnɔn yee bo vo. ²⁰ Co ganke ɔ, e lɔ na ye:«Bowɛ! mi ka vo.» ²¹ Ye kan nan ve kuɛ do tɔji hunmin, zɔnɖokpo ɔ tɔjihun ɔn bo jɛ unkundan ke ji ye yi nɔn mɛn. ²² Azan ke xodoe, ɛmɛn susu ke ci otɔ godo kpɔn bio tɔji hun ɖe ɔn mɔn le zɛ gbɔndo ɖokpo ke nukplanviɛtɔ yee so, Yesu ko mɔn zɔn kpo yee. ²³ ( Ganke otɔji hun ɖiɛ va Tiberia e ko din le fike ye ɖu kpɔnnɔn le ke Yesu xo ɛɖɛ vɔ). ²⁴ Gankmɛ ye kpɔn bio Yesu kpo iwe onukplanviye mɔn ɔn le blɛ ɔ, ye ɖiɛ tɔjihun mɛn bo yi Kapernaum do kan Yesu nɔn. ²⁵ Ke ye ve kpɔn le ɛxu we gogo ɔ, ye lɔ ni nɔ:«Xwetɔ, gan ni mɛn mi va buɛ?» ²⁶ Yesu yi ogbe nan ye bo lɔ nɔ:«Le oxojɔxo mɛ ɔ mi ɔ kan nɔn, ɔn nyi bio mikpɔn onu kpaca ɛmiu hin vɔ mi ɖu kpɔnnɔn gomi bo gɔ mi. ²⁷ Mi dɔ odan wiwa onuɖuɖʊ ke nan hu mi ɔ, vɔ mi wa odan nan onuɖuɖu ke nan fɔn mi nan ɛgbɛ manvɔ ke ovi gbɛtɔ nan nan mi, do Mawu otɔ o do josido e wu.» ²⁸ Ye yi ogbe bo lɔ ni nɔn:« ŋni mi nan wa a do wa Mawu we dan?» ²⁹ Yesu yi ogbe nan yee:«Mi kpɔn odan Mawu tɔn: mi nan xɔse do mɛnke e sɔ dodan ji.» ³⁰ Siɛ ɔ yee mɔn lɔ ni nɔn:«Undandonu ni o nan wasi nan mian kpɔn a do xɔse do jiwe? ŋni o nan wa?» ³¹ Mian tɔye ɖu manan le zogbeji, ɖike e le wiwlan do:"E nan jinnukunsi we kpɔnnɔn wu ye nan ye a ɖu." ³² Yesu yi gbenan yee:«Le oxojɔxo mɛn, Mɔnse hwɛn na kpɔnnɔ jihwe tɔn vɔ didɛye wɛ nɔ kpɔnnɔn junnukunsi tɔn tete ɔ. ³³ Do kpɔn nɔn Mawutɔɔ we nyi ke nɔn jɛte sɔn jihwe a bo hɛn ɛgbɛ va nan ɛgbɛ ɔ.» ³⁴ Siɛ ɔ ye lɔ ni nɔ:«Xwetɔ, nan mi kpɔnnɔn xin tɛgbɛ.» ³⁵ Yesu yi ogbe na ye:«Bo wɛ nyi ɛgbɛ we kponnɔ, mɛnke nan va kɔn ye ɔ xovɛ ɔn nan ci kpɔn, mɛnke na ɖo xɔse do ji ye ɔ kɔmin ɔn nan ci kpɔn. ³⁶ Gasia gamɛ ko kpɔtɔ lɔ nan mi nɔ:«Mi kpɔn vɔ mi ɔn xɔse. ³⁷ mɛn ke didɛye nan ye ɔ, nan va kɔn ye ko ko kpo nan yan min ke va kɔn ye yee. ³⁸ ɖo ko sɔn Jinnukunsi, a do wasi bowe jlo hwɛn vɔ mɛnke ɖo dodan we jlo. ³⁹ Mi kpɔn min ke ɖo dodan we jlo nan kɔn nan do bu mɛnti le mɛn ke e sɔ na mi, vɔ man do va fɔn ye le azan kpotuigɔ gbe. ⁴⁰ ɖo ojlo hwɛn we nyi otɔ tɔn mɛnɖe sia ɖe ke kpɔn ovi bo ɖo xɔse do e ji nan kpɔn ɛgbɛ manvɔ ko bo nan fouɛn le azan kpotuigɔ gbe.» ⁴¹ Mɛn ɖaho jufuyee tɔn o hlun ɖewu nɔn bio emɔn lo:«Ko nyi kpɔnnɔn ke jɛte sɔn jihwe.» Yee lɔ nɔn; ⁴² «I hwɛn nyi Yesu, oxo kpatɔ Jozɛfu we viɔ ke mi nyɔn otɔ kpo onɔ? Nan ɖe e lɔn bio:"Bowe jɛte sɔn jihwe?"» ⁴³ Yesu ɖewu nan yee bo lɔ nɔn:«Mi gɔ hlun hlun le mian ɖe min. ⁴⁴ Mɛnti ɔn kpewu nan va kɔn ye na ɔn nyi otɔ ke ɖo dodan ɔn dɔɛn nan do foɛn le azan kpotuigɔ gbe. ⁴⁵ E le wiwlan gbɔn oxo lɔɖonyitɔ ye ji"Mawu nan kplan onu wu ye". ⁴⁶ Mɛntin ɔn kpɔn otɔ, adavo mɛn ke sɔn Mawu kɔn, Mɛn xlɔn wɛ kpɔn otɔ. ⁴⁷ Le oxojɔxo mɛn ɔ mɛnke xɔse do egbɛ nan vo. ⁴⁸ Bo we yin ɛgbɛ we kpɔnnɔn. ⁴⁹ Mian tɔ yee ɖu manan le zogbeji yee bo ku. ⁵⁰ Buɛ wɛ kpɔnnɔn ke jɛte le jinnukusi ɔn le, nan mɛn ɖe ɖu kpɔnnɔn kɛ ɔ ɔn mɔn ku mɔn. ⁵¹ Ko yin kpɔn nɔn ɛgbiɔ ɛgbiɔ ke jɛte sɔn jinnukusi. Nan min ɖu kpɔnnɔn ke ɔ e nan nɔn ɛgbe gun do yi. Kpɔnnɔn egbɛ ɛgbɛ min tɔ.» ⁵² Aɖi mɔn wle jufu we nɔn le we de min yee bo ta onudidɔn bo le nɔn:«Nan de gbɛtɔ ke nan nan iwe olankpo u mi mia, ɖu do?» ⁵³ Le blɛ ɔ Yesu lɔ nan yee nɔn:«Le oxojɔxo mɛn ɔ ada vo nan mi ɔn ɖu olan kpo gbɛtɔ we oviɔ mi ko nu iwe ɛhun, mi hɔn ɖo ɛgbɛ le mianɖe mɛn nɔn. ⁵⁴ ɛmin ɖesiaɖe ke na ɖu bo we lankpo a bo nu bo we ɛhun nan ɖo ɛgbɛ manvɔ, ko bo na fuin le azan kpotui ɔ gbe. ⁵⁵ ɖo bo we o la,kpo wɛ nyi onu ɖuɖu adodue, bowe ɛhun wɛ nyi onu nunu adodoe. ⁵⁶ Min ke oɖu bowe olankpo nɔ bo nu bowe ɛhun nɔn nan nɔn blɔ min bo can mɔn nɔn i min. ⁵⁷ Di ke otɔ ɛgbio ɛgbio oɖ dodan, ɖsi ke ko le ɛgbɛ do otɔ u ɔ, e mɔn ke wɛ min ke o ɖu nɔn nan nɔn ɛgbɛ ɖo bo can u. ⁵⁸ Buɛ kpɔnnɔn ke jɛtɛ san jihunkunsi, ɔn yin ke mian tɔye ɖu bo ku. Mia ke ɖu kpɔn nɔn ke ɔ nan nɔn ɛgbɛ gun do yi. ⁵⁹ Yesu o lo oho klɛye le jufu ye we okpletyɔn, gznke min e kplan nu le Kapernaum nɔn. ⁶⁰ Do eta onukplanvi etɔn susu ke ye se onu ɔ, o lɔ nɔn:«onu kpikplan ɔ ɛvɛ, min nan kpewu igbe?» ⁶¹ Yesu nywɛn bio he we onukplanvi yee mɔn hlɔn nɔn de onusu hu nɔn, e lo nan ye:«e hlɔn ɖo ɔfɔ ku u mi wɛ?» ⁶² Nan mi kpɔn ɛgbɛtɔ we ovi ohɛn fike e sɔn san hɔ? ⁶³ Gbigbɔ we nɔn nan ɛgbɛ. Lankpo hɔn nɔn ɖu ale ɖe. Oho ke ko lo na mi ye yin gbigbɔ kpo ɛgbɛ. ⁶⁴ Co ganke, min ɖe ye le mian mɛn ke hɔn yise.» ɖo Yesu nywɛn bɛ sɔn titwɛji min ke hɔn xɔse do e ji nɔn ye kpo mɛn ke nan va blɛ ye. ⁶⁵ E bo lɔ;«Nu xin wɛ dɔ ko do lɔ nan, mi bio mɛnti mɔn kpewu nan va kɔn ye nan otɔ mɔn yi ogbe.» ⁶⁶ E xlɔn gogo ɔ nukplanviye e tɔn susu ye sɔn ye ko mɔn zɔn kpoe. ⁶⁷ Yesu lɔ na ye min weve ye «Miye can nan sɔn?» ⁶⁸ Simɔn Piyɛ yi ogbe ni«xwetɔ, min kɔn min kɔn mi na yi? O ɖo oho ɛgbɛ manvɔ-manvɔ tɔn? ⁶⁹ Mi bo xɔse , mi bo mɔn yise bio imɔn yin ɖeɖovo Mawu tɔn.» ⁷⁰ Yesu o lɔ na ye nɔn:«Bo hwin can mi mɛn weve ɛ ye, mɛn ɖokpo le mian mɛn gbigbɔ nyinyla?» ⁷¹ E lɔ Juda wɛ oxo ke nyi ovi nan Simɔn Isikalɔtu iwe le emin weve ye min va blɛ Yesu.