¹ Iwe godo ɔ, Jufuye we oxwe le, Yesu bo nyi Jeluzalɛmu. ² E le Jeluzalɛmu le lɛngbɔ we ohɔn xa, ɛsin gun ke ye nɔ yɔ le Eble tɔye we ogbe mɛ bio Bɛtɛza e bo ɖo mɔn nu atun. ³ ɔdɔnnɔn susu le unvanɔnyeee, ɛtɛkun nɔn ye, xinnɔnyi le omɔn yee nu bo tre kpɔn ɛsin we hwinhwan nɔn. ⁴ ɖo, ɛwin dotɔ xwetɔ tɔn nɔn jɛte le ganɖe ye min a bo hlu ɛsin. Mɛɖe kpokpoe ke nan ɖiɛ ɛsin ɔ mɛ tantyɛn nɔn kpɔn ɔdɔn gigɔ. ⁵ Unsuglo ɖokpo le blɛ, ke ɔn le zan sɔn oxwee gbantun unku ɔtɔn. ⁶ Ke Yesu kpɔn ɛn le onyi xixi nɔn e do jwesi bio e mɔn le blɛ e mɔn din, E lɔ ni:«Ojlo nan kpɔn ɔdɔn gigɔ?» ⁷ Unsuglo ɔdɔnnɔ yi gbe:«Xwetɔ, kɔn ɖo mɛke nan kɔ do ɛsin guu mɛ gankemɛ ɛsin hluu, nan ko jlo, mɛ bu o nɔn jɛ emɛn do unkɔn nan.» ⁸ Yessu lɔ ni:«Cite, sɔ odjin tɔwe, a bo zɔn zɔn ni.» ⁹ Zɔnɖɔkpo unsunglo kpɔn ɔ ɔdɔn gigɔ, e sɔ odjin e tɔn bo ta zɔnni zizɔn. Saba we zangbe wɛ. ¹⁰ Jufuye lɔ na mɛke kpɔn ɔdɔn gigɔ:«Saba we azan wɛ ɔn ɖo ɛcɛ ke nan hin odjin tɔwe.» ¹¹ E yi gbe bo lɔ:«Mɛke gɔ ɔdɔn na lɔ nan bio,"Sɔ odjin tɔwe a bo zɔnzɔn ni.» ¹² Ye kinse nɔn:«Mɛ nyi unsunglo ke lɔ nan we bio:«Sɔ odjin tɔwe a bo zɔn zɔnni"?» ¹³ Vɔ mi ke kpɔn ɔdɔn gigɔ ɔn yɔn le ɛmɛye mɛ do ɛmɛ ye su hunnu. ¹⁴ E xin we godo ɔ, Yesu kpɔn le Mawu we oxwe bo lɔ ni nɔ:«Kpɔn, o kpɔn ɔdɔn gigɔ! ka wa onu vouin ɖe nan ke hugan e xin ɔn nan do va nanwe. ¹⁵ ɔdɔnnɔ ve lɔ nan Jufuye bio Yesu mɛ mɔ gɔ ɔdɔn na he. ¹⁶ ɖo e xin ta Jufuye ta hannu dido na Yesu ɖo e wasi nuxinye le Sabatu we azangbe. ¹⁷ Yesu o lɔ nan ye nɔn:«Didɛye owa odan le siɛ can bocan wasi nɔn.» ¹⁸ Kun do ewu Jufuye nɔn Kin ɖeji nɔ a do hui ɖo, ɔn yin Sabatu we osɛn ke e gba ɖoɖio hwɛn vɔ e nɔn yɔ Mawu bio yitete we otɔ a bo iɖe sɔ jlɛ do Mawu wu. ¹⁹ Yesu ɖewu na ye:«Le oxojɔxo mɛ ovi ɔn kpe nuti na wa itete adavo nu ke e kpɔn otɔ o wa nɔn, do nuke otɔ wa nɔn, ovi can nan wasi. ²⁰ ɖo otɔ nyi wan na ovi e bo nɔn xl€ nuke e wa nɔ wui, E mɔn nan xle hu e mɔn kpaca mi. ²¹ ɖike otɔ nɔn fɔn ɛmɛ ye sɔn oku ɔ a bo nan ye ɛgbɛ, e mɔn wɛ ovi nan nan ɛgbɛ mɛ ke jlue, ²² ɖo otɔ ɔn nɔ oɖ kojo nan mɛɖe vɔ e sɔ ɛhwɛ dido nan oviɔ. ²³ Ganximɛ mɛ ɔ na mi mɛ bi a sɔ gigo nan ovi ɖike ovi nɔn sɔn nan otɔ ɖɔ mɛke ɔn kpa gigo nan ovi, ɔn kpa gigo na otɔ ke ɖoe dodan. ²⁴ Le oxojɔxo mɛ ɔ, mɛɖe kpokpoe ke se bo we oxo nɔn bo ɖo xɔse nan mɛke ɖo dodan do ɛgbɛ manvɔ ye ko mɔn nan do ɛhwɛ ni, vɔ e gbo oku mɛ do va ɛgbɛ. ²⁵ Le oxojɔxo mɛ ɔ, ko lɔ nan mi nɔn, gan xixo o gbɔn nɔn e bo va, ke mɛ kuku yee nan se oviɔ Mawutɔ we ogbe, mɛke nan se ye ɔ nan nɔ ɛgbɛ. ²⁶ ɖike otɔ ɖo ɛgbɛ le iɖe mɛ ɔ, e mɔn ha , e na oviɔ nan do ɖo ɛgbɛ le iɖe mɛ. ²⁷ Otɔ bo nan ɛcɛ kpikpa wu ovi nan do ɖo kojo do e nyi gbɛtɔ we vi. ²⁸ E xi ni ka kpaca mi ɖo ogan na xo ke na mɛ kuku ye nan se bowe ogbe a bo tɔn le yɔgun mɛ. ²⁹ Mɛke wa o nywɛ nan fɔn nan ɛgbɛ, mɛke wa nyinyla ye ɔ nan fɔn na kojo ɖiɖo. ³⁰ Nuti ɔn le ko na wa le bowe jlo mɛ. ɖi ke ko se ɖo ɔ, ko na ɖɔ ɛhwɛ bowe ɛhwɛ dido bo nɔn sɔ gbe, ɖo kɔn nɔn kan ojlo tɛye vɔ mɛke ɖo dodan we jlo. ³¹ Na kɔn na ɖe kunnu ɖo ɖiye wu nɔn, bowe kunnu ɖiɖe ɔn nyi xojɔxo nɔ. ³² Mɛbu le ke na ɖe kunnu ke e na ɖe nan sɔgbe( mɔn nyi xojɔxo) ³³ Mi sɔ dodan Jaan , e bo ɖe kunnu nan oxojɔxo. ³⁴ Ganke kunnnu ɖiɖe ke ko yi nɔn ɔn nyi gbɛtɔ tɔn. Ko lɔ eke nɔn nan mian do kpɔn hwlɛngan. ³⁵ Jaan nyi zogbin ɖeke kɔn bo kɔn nɔn, mi jlo na kpɔn jijwɛ le ganxin mɛ le iwe ozo nu. ³⁶ Kunnu ke ko ɖe nɔ e hugan wu Jaan tɔn, ɖo odan ke otɔ sɔ nan bio ko mɔn wasi ɔ, odan ke ko wa nɔn o ɖe kunnu nan nɔn bio otɔ mɔn ɖo dodan. ³⁷ Otɔ ke ɖo dodan tete ɖe kunnu nan mi ɔn ɖo to iwe ogbe gun do nyɔ iwe ninɔmɛ le gantimɛ. ³⁸ Iwe oxo ɔn le mian mɛ oɖ mi ɔn ɖo xɔse nan min ke E sɔ ɖodan mi. ³⁹ Mi nɔ gbeje wiwlan ye kpɔn nɔn ɖo mi bui nɔn bio le emɛ ɔ mi nan kpɔn ɛgbɛ manvɔ. Wiwlan xinye ke wɛ ɖe kunnu nan nɔn. ⁴⁰ Mi ɔn kpewu nan va kɔn ye a do kpɔn ɛgbɛ. ⁴¹ Kɔn nɔn nyi gigo tɛye le gbɛtɔ ye kɔn, ⁴² vɔ le mianɖe mɛ ɔ mi ɔn ɖo wan nyi-nyi nan Mawu, ko nywɛ. ⁴³ Ko va le didɛye we yikɔmɛ, mi ko nywɛ. Nan mɛɖe va le itete we yikɔmɛ ɔ mi na yi. ⁴⁴ Nanɖe mi nan xɔse ɖo, miyee ke nɔn yi kpikpa mɛnɖe kpokpoe tɔn nɔn vɔ mi ko nɔn kan kpikpa ke sɔn Mawu ɖoɖio kɔn? ⁴⁵ Mi ka bui nɔ bio ko mɔn nan do ɛhwɛ nan mi le otɔ we unkɔn. Mɛbu le ke nan do ɛhwɛ nan mi, Moyizi wɛ nyi mɛke wu mi sɔn mɔnnu kpikpɔn do. ⁴⁶ Nan mi xɔse do Moyizi jiɔ mi ɖo nan nan xɔse do jiye ɖo Moyizi wlan onu do wuye. ⁴⁷ Nan mi ɔn xɔse do iwe winwlan ye wu ɔ nanɖe lɛ mi nan xɔse nan bowe oxo yee?»