¹ Gankemɛ Yesu se bio Falizitɔ ye mɔn wasi nyɔnlɔ nan nukplanvi susu hu Jaan. ² (Vɔ Yesu tete Wɛ wasi nyinylɔ vɔ iwe nukplanviye.) ³ Yesu lɛle Jude bo trɔ yi Galile. ⁴ E le vivɛ ɖe nangbɔn Samalia do yi. ⁵ Eva toxo Samali tɔn mɛ ke ye nɔn yɔn Syca, e ko din le Jacɔbu we unkundan ke e nan oviɔ Jozɛfu. ⁶ Togun Jakɔbu tɔn le blɛ. ɔgbɔ kpe Yesu e bo bi xinnɔnyi le tɔgun to. Enan xo gan atrekpo nɔn. ⁷ Nyɔnnusi Samalitɔ va nan dun ɛsin, Yesu lɔ ni:«Nan ɛsin wu man nu.» ⁸ ɖo iwe nukplanviye sɔn nyi toxo mɛ nan ve xɔ onu ɖuɖu. ⁹ Nyɔnnusi Samalitɔ lɔ ni:«Unni jɔ o biɔ onu wu nɔ nan nu, yike nyi Jufutɔ blɔ bo nyi Samalitɔ? ɖo Jufutɔye nɔn cakpo Samalitɔ? ¹⁰ Yesu lɔ ni nan:«Nan o yɔn Mawu we onu ninan o bo yɔn mɛke lɔ nan we nɔn" nan ma nu ɔ" yi tete nan biɔ e bo nan nan we ɛgbɛ we ɛsin.» ¹¹ Nyɔnnusi lɔ ni:«Xwetɔ, tɔgun ɔn tito mi ko ɖo tɔka. Fie mi nan kpɔn ɛgbɛ we ɛsin le? ¹² Mihun hu miantɔ Jakɔbu wɛ ke nan tɔgun ke nan tɔgun ke wu mi ke ye te nu, oviɔ ye kpo ye we olan yee?» ¹³ Yesu nyi ogbe ni bo lɔ:«Mɛke nu ɛsin ke ɔ kɔmiɔn ɔn ci, ¹⁴ Vɔ mɛ ɖekpokpoe ke nan nu ɛsin ke kɔ nan ni ɔ, kɔmiɔn ɔn mɔn nan ci kpɔn. Vɔ; ɛsin ke ko na ni ɔ nan trɔ zun ɛsin gun ɖe le ɛmɛ bo trɔnnɔn gun doyi ɛgbɛ man vɔ.» ¹⁵ Nyɔnnusi ɔ lɔ ni:«Xwetɔ, nan ɛsin xin wu, nan kɔmɛ ɔn mɔn nan do ci u ko ko mɔn na va buɛ ava dun ɛsin.» ¹⁶ Yesu lɔ ni:«Osuwe va buɛ.» ¹⁷ Nyɔnnusi ɔ lɔ ni:«Kɔn ɖo osu.» Yesu yi gbe bo lɔ ni:«O lɔ nywɛɖe" ɔn ɖo osu" ¹⁸ ɖo o ɖo osun atun va yi mɛ ke nyi su we siɔ ɔn nyi suwe. Oxo ke o lɔ xojɔxo wɛ.» ¹⁹ Nyɔnnusi ɔ lɔ ni:« Xwetɔ, ko kpɔn bio oxolɔɖenyitɔ we o nyi. ²⁰ Oto xin jiwɛ mian tɔ ye sin Mawu le vɔ o bo lɔ nɔ bio Jeluzalɛmu mɛ mi mɔn nan we ve sin le.» ²¹ Yesu lɔ ni:«Nyɔnnusi xɔse nan bio ogan na xo ke mi ɔn mɔn sin otɔ le oto xin a lo Jeluzalɛmu nɔn. ²² Mi sin nuke mi ɔn nyɔ nɔ. Mi ye mi yɔn nuke mi sin nɔ ɖo hwlɛngan sɔn Jufuye kɔn. ²³ Co ganco ɔ, ogan na xo e bo xo, gankemɛ Mawu sɛ tɔ adodoe ye nan sin otɔ le gbgbɔ kpo xojɔxo mɛ, ɖo emɛ e mɔn ha tɔn ye wɛ otɔ kannɔn a do nyi ye sintɔ. ²⁴ Gbigbɔ ɔ wɛ Mawu nyi, mɛke nan sin ɔ ye ɔ ɖo nan sin le gbigbɔ kpo xojɔxo mɛ. ²⁵ Nyɔnnusi lɔ ni:« Kɔn nyɔ bio ɛmɛ hwlɛngan tɔ mɔ nan va(Mɛke ye yɔ bio Kliso). ²⁶ Gankemɛ e nan va e nan ti nu klɛ ye mɛ nan mi.» Yesu lɔ ni:«Iwɛ ko yin, bo ke lɔ oxo nan we nɔn.» ²⁷ Ganxin mɛ ɔ, nukplanvi etɔn ye gbɔn. Le blɛ , ekpaca wuye bio e mɔn lɔ oxo kpo nyoɔnnusi ɔ nɔ? Vɔ ye mɛ ti ɔn lɔ:«Unni o kan nɔn alo unni jɔ o lɔ oxo kpoe nɔ?» ²⁸ Nyɔnnusi ɔ jo iwe tɔka kpo ɛsin ɔ do , bo sɔn nyi oto ɔ mɛ bo ve lɔ nan ɛmɛye; ²⁹ Mi va kpɔn dahwe ɖe ke lɔ nu ke ko wan yee nan. ɔn kpewu nan yin Kliso, ɔn kpewu nan yin?» ³⁰ Ye lɛ le oto ɔ mɛ bo va Yesu kɔn. ³¹ Ganxixo xin mlɛ ɔ, nukplanviye tɔn yee odo eya eya ni nɔn, bo lɔ nɔn«Xwetɔ ɖu nu.» ³² Vɔ e bo lɔ nan ye;«Ko ɖo nu ke ko nan ɖu ke minye ɔn yiɔn. ³³ Nukplanvi e tɔn yee olo le ye ɖe mɛ nɔn:Mɛn ti ɔn hin nu ɖuɖu va ni mɔn?» ³⁴ Yesu lɔ nan ye:«Bo we onu ɖuɖu ɔ wɛ nyi a wasi mɛ ke ɖo dodan we ojro a bo kpa iwe dan. ³⁵ Mika lɔ:"E drɔn suzan ɛnɛ na onu ɖiɖe?" Vɔ blɔ ko lɔ nan mi nɔ:Mi ɖe okɔ a bo kpɔn ogbe ɔ, ɖo yee le ogbe si sɔ nan yee na do ɖe onu yee! ³⁶ Mɛke ɖe onu kun na yi oxɔtu bo bɔ sisin na ɛgbɛ manvɔ nɔn nan mɛ ke xla nɔ kpɔ min oɖe nɔn a do kpɔn jijuɛ kpɔ kpɔ. ³⁷ ɖo blɛ wɛ olo ɔ le:"Mɛ ɖokpo oxla nɔ min ɖiɔ bo ɖe nɔn" ³⁸ Ko sɔ mi ɖodan nan mian ve ɖe nuke mi ɔn xa. Min bu yee wa odan mi yee bo ve ɖiɛ ye we dan mɛ.» ³⁹ Samalitɔ susu otɔ sica hin min xɔse do Yesu ji gbɔn oxo ke nyonnusi ɖe kunnu nan:«E lɔ nu bi ke ko wa?» ⁴⁰ Ganke mɛ Samalitu toyɛ va e kɔn, yee biɔ ni mɔn nɔn hie kɔn e bo nɔn blɛ nan azan ɔwe. ⁴¹ ɛmɛ susu xɔse do iwe oxo wu. ⁴² Ye lɔ nyɔnnusi ɔ:« ɔn nyi oxo ke o lɔ nan mi wu ɖoɖio hwɛn mi xɔse ɖo dɔ mi ye tet se bo nywɛ bio mɛke mɔn jii hwlɛngantɔ ɛgbɛ ɔ tɔn tete.» ⁴³ Nyihɔn ɔwe we godo ɔ, e lɛ le blɛ bo sɔn yi Galile. ⁴⁴ ɖo Yesu tete o lɔ bio oxolɔɖnyitɔ mɔn nɔn jɛŋ na iwe otɔ. ⁴⁵ Ke e va Galile ɔ, yee yi, yee o kpɔn nu ke e wa le oxwe we ganmɛ le Jeluzalɛmu ɖo ye can yi oxwe gbe. ⁴⁶ Yesu mɔn trɔ va Kannan gbɔ Galile, fike e sɔ ɛsin sɔ trɔ vɛn le. Oga xɔlutɔn le Kapɛnawumu ke oviɔ unsunglo o jɔ dɔnnɔn. ⁴⁷ Gankemɛ e se bio Yesu mɔn lɛle Jude do va yi nɔn Galile, e yi Yesu kɔn bo fan kue yiwe a lɔ mɔn gɔ ɔdɔn nan oviɔ ke va ku nɔn ɔ. ⁴⁸ Yesu lɔ ni:«Nan mi ɔn kpɔn oxlɛ ye a lo onu kpaca ɛmɛ, mi ɔn xɔse nɔ.» ⁴⁹ Ahwanga lɔ ni:«Xwetɔ, va keŋgbɔxwe viyeb a ku.» ⁵⁰ Yesu lɔ ni:«Va sɔn vuwe le ɛgbɛ.» Ahwan ga xɔse nan oxo ke Yesu lɔ ni ɔ, e bo sɔn. ⁵¹ Ke e jɛte nɔn odansɔtɔ e tɔn ye lɔ ni bio iwe vi mɔn le ɛgbɛ. ⁵² E bo kan ye se bio han ni mɛ e kpɔn iɖemɛ. Ye bo yi o gbe ni bo lɔ bio suwɛ gan acowe wɛ vivo lɛle eji. ⁵³ E wuutu otɔ kpwɛn bio ganxin mɛ mɛ Yesu mɔn lɔ ni bio:«Ovi tɔwe le ɛgbɛ.» Yitete ɔ kpo i xwe kando eji. ⁵⁴ E xin wɛ nyi undandonu ɔwe gɔ ke Yesu wasi ke e lɛ le Jude bo nyi Galile nɔn.