¹ Le nuhlin ye we godo ɔ , Yesu zɛ ɛhin yi Galile , ɖo ɔn kan nan yi Jude ɖo jufuye ki nɔn nan hui. ² Siɛ ɔ , o hue jufuye kpɔ vosan kpo kpɔ. ³ Kunde u ɔ, nɔnviɔ yee lɔ ni:«Lɛ le tɛnxo ke a bo sɔn yin Jude, nan iwe nukplanvi yee can a do kpɔn odan ke owa nɔn. ⁴ Mɛnti ɔn wa nutile bibɛmɛ nan yi tete kan nan sɔ iɖe sɔ hle agban gba. Nan owa si nu hlin yee nɔn, sɔ ɖiwe sɔ xlɛ ɛgbɛ ɔ.» ⁵ Gun do jɛ nɔnviɔ yee ji ɔn xɔse do eji. ⁶ Yesu lɔ nan yee:«Bo we ogan ɔn ka xo hɔnɖe, vɔ mian tɔ ke le ogbe si so gan sia dan min. ⁷ ɛgbɛ ɔn le kjpe u nan gbɛ owan vo e nan gbɛ owan nan ɖo ko ɖe kunnu ɖwu nɔn bio iwe odan yee mɔn wlan. ⁸ Mi yee, ni yi ogbe , blɔ ɔn yi nɔn do bowe ganmin ɔn ka va cicɛ hɔnɖe.» ⁹ Ke e lɔ oxo xinyee nan yee vɔ e co Galile. ¹⁰ Vɔ ke nɔnviɔ yee sɔn vɔ, i can va yi oxwe ɔ we tɛnxo, ɔn yin agban gba vɔ bi be mɛ wu. ¹¹ Jufuye o kin nɔn le oxo ɔ we tɛnxo bo lɔ nɔn:«Fie e le?» ¹² Kun do onu dindɔn ɖaxo nɔn togun ɔn mɛ. Mɛɖe ye o lɔ nɔn :«O-o, e bu otogun yee nɔn.» ¹³ Vɔ mɛn ti ɔn le Yesu we oxo nɔn agba hun gba ɖi ye ovo Jufuye yee nɔn. ¹⁴ Le oxwe ɔ we dodo min , Yesu ɖiɛ Mawu we bota onu kpinkplan ¹⁵ e kpa ca jufuye, bo ɔ:«Nan ɖe unsunglo klɔ yɔn nudo? ɔn yi su kulu kpɔn mɔn» ¹⁶ Yesu yi gbe nan yee bo lɔ:«Bo we onu kpinkplan ɔn yibn tɛye, vɔ mɛke ɖo dodan tɔn wɛ. ¹⁷ Nan minɖe jro nan wasi i ye, jro, a nan yɔn nu kpinkplan ke, nan e sɔn Mawu kɔn, a lo ko lɔ nɔndo botet wu. ¹⁸ Mɛke ko lɔ oxo ɖo iɖe wu nɔn o kan itete we gigo nɔn, vɔ min ke kan gigo mɛke ɖo dodan tɔn nɔn mɛ hlɔnyi ɛmɛ nukua nɔn oɖiuɖe le imɛ. ¹⁹ Moyizi ɔn sɔ osin nan mi. Co ganke mɛti le mian mɛ ɔn hin osin ɔ wu. Uni jɔ mi ɔ kan nɔn nan hu?» ²⁰ Oto giun ɔ yi gbe ni bo lɔ:«O ɖo gbigbɔ manwe. Min kanwe nɔn nan hu?» ²¹ Yesu yi ge bo lɔ na ye nɔn:«Ko wa odan ɖokpo e bo kpaca mi mɛ bi . ²² Moyizi so aɖu gbigbɔ na mi( ɔn sɔn Moyizi ke ɔ wu vɔ dagbo yee kɔn) Sabatu we azan gbe mi nɔn gbo ada na unsunglo. ²³ Nan yee gbo ada nan unsunglo le sabatu we azan gbe ɖo yɔn na n da le Moyizi we osin ji, unni jɔ mi ɔ do aɖi do nɔn bio ko mɔn gɔ ɔdɔn nan ɛmɛ le Sabatu we azangbe? ²⁴ Mi ka kpɔn ɛmin a do ɖo kojo vɔ miɖo kojo do jijoji» ²⁵ Jeluzalɛmu tɔ ɖiyee lɔ:«Mɛke yee kunnɔ nan hu win hin? ²⁶ Mikpɔn , e lɔ xox nɔn agba un gba, yee ko lɔ oxo ɖe ni. E nan kpe wu va e mɛ nan oto kplɔtɔ yee nann do win bio e mɔn yin Kliso xonugbo? ²⁷ Vɔ mi ɔn yɔn fike mɛke sɔn. Vɔ gankemɛ Kliso nan va, mɛti ɔn ŋɔn fike e sɔn nɔn.» ²⁸ E mɔn Yesu do axwa le Mawu hue, bo kplan onu nɔn bo lɔ nɔn ;«Mi min bi mi kpɔn bo yɔn fike ko san. Botete we jro min hwɛn ko le, vɔ mɛ ke sɔ dodan yi tete, mi ko ŋɔn. ²⁹ Ko ŋɔn ɖo ko sɔn imɛn e bo ɖo dodan.» ³⁰ Yee ku na wle, vɔ mɛ ti ɔn ɖo ɔlɔ ewu do iwe ogan ɔn xo hɔnɖe( ɔn ka va hɔnɖe) ³¹ Vɔ ɛmɛ susu le yee mɛ ke xɔse do eji bo lɔ:«Gankemɛ Kliso nan va , e na wasi undandonu hu ke , mɛ ke o wasi nɔn?» ³² Falizitɔ ye o se ke otogun su o hlun nɔn do Yesu ta, mɛke nan vosan wasitɔ yee ɖodan kpo Falizitɔ ye sɔ soja ɖodan nan yee a wle Yesu. ³³ Yesu lɔ :«Ganxixo viɖe wɛ ko mɔn nan do nɔ kpo mi, nan hodue ɔ ko nan sɔn tyi mɛke ɖo dodan kɔn. ³⁴ Mi nan kan vɔ mi ɔn kpɔn nɔn fi, ke ko yi nɔn, mi ɔn kpewu nan va? ³⁵ Jufuye o lɔ le yeɖe mɛ nɔn: Fie unsuglo ke oyi nɔn, ke miye ɔn kpewu na kpɔn? E nan yi mɛke ko man grɛkuye mɛ a do ve kplan onuye? ³⁶ Oxo xiye va lɔ nɔn gbɔn oxo lilɔ xin ye mɛ:"Mi nan kan vo mi ɔn va kpɔn nɔ, fi ke ko yi nɔn, ni ɔn kpewu na va"» ³⁷ Le vivɔnu nan ohue we azan Yesu nɔn te bo do axwa , bo lɔ nɔn:« Nan kɔ mi ɔn ci min ɖe ɔ ni va kɔn ye a bo va nu ɛsin. ³⁸ Mɛ ke xɔse do jiye , ɖike winwlan yee o lɔ ɖo nɔn, gbɔn ejiɔ otɔ yee nan sa ɛsin ɛgbiɔ egbɔ.» ³⁹ Vɔ e lɔ oxo xin sɔn gbigbɔ ɖe dovo wu nɔn ke min ke xɔse ni yee ɔ na yi yɔn ka nan gbigbɔ ɔnɖe do Yesu wu ke yi gigo hɔnɖe. ⁴⁰ Mɛ ɖeye le oto gun ɔn min, gankemɛ ye se oxo hlin ye nɔn, e lɔ nɔn:«Xojɔxo min ɔ ke we ni Kliso.» ⁴¹ Vɔ min ɖe yee mɔn lɔ nɔn:«Galile we tɔ min wɛ Kliso nan sɔn?» ⁴² Winwlan ye hɔn lɔ bio Kliso mɔn nan sɔn Davidi we kunkan min, le fike Davidi le ogle ta Betelɛmu.» ⁴³ ɖo Yesu wu ɔ mi nan ɖiɛye min. ⁴⁴ Minɖe yee lee ye min kan nan wle, vɔ mɛti ɔn ɖo olo e wu. ⁴⁵ Siɛ ɔ, sɔja yee trɔ va vɔsan wasi we ga yee kpo Falizitɔ ye kɔn he ye lɔ nan yee nɔn:«Unni jɔ mi ɔn hin va?» ⁴⁶ Sɔja yee yi ogbe :«Le san mɛti ɔn lo oho ɖi e mɔn ha.» ⁴⁷ Falizitɔ ye lɔ nan yee nɔn:«Ye e blɛ miyee can ɖu?» ⁴⁸ Mɛ ɖe le oga a lo Falizitɔ ye mɛke xɔse do eji? ⁴⁹ Vɔ otogun ke ɔn yɔn osin onudo wɛ yin yee tɔ.» ⁵⁰ (Falizitɔ ɖokpo le ke nɔn va kpɔn Yesu) Nikodɛmu lɔ nan yee: ⁵¹ «Mian we osin nɔn do ɛhwɛ nɔn do ɛhwɛ na ɛmɛ ke nan yɔn ɖo oto yi a do Yɔn nuke e wa? ⁵² Yee yi ogbe ni bo lɔ ni nɔn:» I can Galile tɔ wɛ o yin? Nan o bo nan kpɔn bio oxolɔɖenyitɔ yee ti mɔn hɔn sɔn Galile.» ⁵³ Siɛ ɔ mɛɖokpo mɛɖokpo trɔ sɔn yi xwe.