¹ Mian we oji ni ka mɔn xoɖe. Mi kando Mawu ji, amɔn kando ji ye. ² Le didɛye we xwegbe oxɔ susule, na ɔn dole, ko na lɔ na mi, ɖo ko na jra tɛnxo ɖe nyi nz mi. ³ Na ko sɔn i jra tɛnxo do na mi, ko na trɔva amɔn va yi mi bo tete, na fike ko le mi ye can na nɔn blɛ. ⁴ Mi nyon omɔn ke ko va sɔ nɔn.» ⁵ Toma bo lɔ na Yesu bio:«Xwetɔ mi hon nyɔn fike oyi nɔn, naɖe mi na wa ado nyɔn omɔn?» ⁶ Yesu bo lɔ ni bio:« bowɛ nyɔn omɔn. Xojɔxó, kpodo ɛgbɛ, bowɛ onan kpɔn gbɔxwe a do yi Mawu otɔ kɔn. ⁷ Na mi nyɔn , mi na nyɔn Mawu otɔ tɛye, bɛ sɔn siɛ mi nywin mi bo mɔn kpwɔin.» ⁸ Filipu lɔ na Yesu bio:«Xwetɔ xwlɛ Mawu otɔ wu mi, e bo na kpemi.» ⁹ Yesu lɔ ni bio:« Kɔn le kpomi gun na azanɖe mi ko nyɔn honle, Filipu? mɛke kpɔn Mawu Otɔ, naɖe o na lɔ bio,«xlɛ Mawu otɔ mi siɛ? ¹⁰ Mi hon kan doji bio ko mɔn le Mawu otɔ mɛ, Mawu otɔ bo le blɔ mɛ? Oxó ke na ko na mi nɔn ɔn nyin botete we ɛcɛ kpikpa, ovo titɔn, Mawu ke na le blɔ mɛ wɛ wa iwe dan nɔn. ¹¹ Mi kan doji ye , ko le Mawu otɔ mɛ, otɔ bo le blɔ mɛ, alo mikan doji ye ɖo botete we dan ye wu. ¹² Xojɔxó, xojɔxó, ko lɔ na mi nɔn:«mɛke na kan do ji ye na wa odan Mawutɔn ye ke ko wasi,» e mɔn na wasi hu e mɔn ɖo ko sin Mawu otɔ kɔn nɔn. ¹³ Nuke mi na biɔ do bo we unkɔ mɛ, ko na wasi na otɔ ado yi gigo le ovi ɔ mɛ. ¹⁴ Na mi biɔ nuɖe kpo kpwoe do bowe unkɔ mɛ ko na wesi. ¹⁵ Na mi nyin wan na, mi na hin bowe osin ye wu. ¹⁶ Ko na biɔ Mawu otɔ, e bo na na ɔkɔn fatɔ bu u mi na ado nɔn kpo mi gun do yi. ¹⁷ Gbigbɔ xojɔxó tɔn. ɛgbɛ hon kpo na yi ɖo nyɔn hon kpwin nɔn ye ko mɔn nywin, ɖo e nɔn kpɔ kpo mi a mɔn nɔn mian mɛ. ¹⁸ Kɔn va ji mi ye ɖoɖio do nɔn, ko na trɔ va na mi. ¹⁹ Ganmɛ viɖe wɛ drɔn ɛgbɛ hon mɔn va kpɔn nɔn, vɔ mi bo kpon nɔn. ɖɔ kole ɛgbɛ, miye can mi le ɛgbɛ. ²⁰ Gbexingbe mi na nywin bio ko mɔn le Mawu otɔ mɛ, mi ye bo le blɔ mɛ, blɔ bo le mian mɛ. ²¹ Mɛke ɖo bo we osin ye bo hin e wu ye, mɛxlɔn tete, kpodo mɛke nyin wan na Mawu otɔ tɛye na nyin owan ni, ko na nyin wan ni amɔn ɖe ɖiye xlɛ le mɛ.» ²² Jwida( vɔ ɔn nyin Isikarɔtu hwɛn) Yesu bio;« xwetɔ, e ni jɔ na onɔn do ɖe ɖiwe xlɛ mi o ko ɖe ɖiwe xlɛ wu ɛgbɛ?» ^{23 24} Yesu gboɖe wu ni bio:« na mɛɖe nyin wan na, ena hin bo we xo wu. Mawu otɔ tɛye na nyin wan ni kpodo mi na nyin itɔn amɔn nɔn kpɔ kpwoe. Mɛke hon nyin wan na eko nɔn hin bowe xo bo we xo ye wu. oxo ke senɔn hon nyin tɛye vɔ Mawu otɔ ke ɖo dodan tɔn wɛ. ²⁵ Ko lɔ xo ki ye na mi, gan ke mɛ na ko gbɛ le kpo mi. ²⁶ ɔkɔn fa na ɛmɛtɔ(gbigbɔ ɖedovo, ke Mawu otɔ na sɔ dodan do bowe unkɔn mɛ) na kplan nubi wu mi amɔn flin nubi ke ko lɔ na mi. ²⁷ Ko jo fifa do na mi, ko na mi bo we fifa. Kon ɔn na le ɖi kena ɛgbɛ nɔn ɖo ha. Mian we oji ni ka mɔn xó, mi ka mɔn vo. ²⁸ Mi se ke ko lɔ ɖo."Ko na sɔn a mɔn trɔ va na mi". Na mi nyin wan na, oji na jɔ bio ko yi Mawu otɔ de nɔn, ɖo Mawu otɔ ɖo honhlɔn wu. ²⁹ Siɛ ko lɔ na mi gbɔxwe onu emɔn tɔn jɔ na mian do kan doji ganke mɛ na onu emɔntɔn na jɔ. ³⁰ Kon mɔn va lɔ o nywin itɔn na mi nɔn ɖe, ɖo xwetɔ ɛgbɛ ke tɔn ogbon nɔn. ɔn ɖo honhlɔn do ji ye. ³¹ Vɔ na ɛgbɛ ado nywin bio ko mɔn nyin wan na Mawu otɔ, nuke Mawu otɔ lɔ na iwɛ ko nɔn wasi. Mian cite amɔn lɛ le bwoɛ.»