¹ « Bo wɛ nyi viwun onywin Mawu otɔ tɛye bo nyi viwun dotɔ. ² Mawu otɔ tɛye nɔ ɖe awa ke na tɔn sisɛn amɔn slɛ wu na awa ke mɔn nɔn na sisɛn, na ado kpewu na sisɛn susu. ³ Mi mɛ gbɔxwe do oxo ko lɔ na mi . ⁴ Mi nɔn blɔ mɛ bo can ko bo le mian mɛ. Leɖi ke na viwun we awa hon kpona na sisɛn itete bo nyin na ɔn le viwun mɛ, mi ɔn kpo na na sisɛn na mi ton le blɔ mɛ. ⁵ Bo wɛ nyi viwun, mi bo nyi awa itɔn. Mɛke na le blɔ mɛ blɔ bo le emɛ, nɔn na sinsɛn susu. ɖo san blɔ mi ɔn kpo na wa nuti. ⁶ Na mɛɖe ɔn le blɔ mɛ; ye na gbɛ wan ni leɖɩ ke awa viwun tɔn nɔn xudo; ɛmɛ ye nɔn bɛ awa ye amɔn do ye zo ye mɔn bi. ⁷ Na mi le blɔ mɛ bo we xó bo le mian mɛ, nuke na mikan nɔn mi biɔ mi na yi. ⁸ Le e xin mɛ wɛ Mawu otɔ tɛye nɔn yi gigo le, mi na sisɛn susu amɔn nyin bowe nukplanvi. ⁹ Leɖi ke na Mawu otɔ nyin wan na, bo can ko nyin wan na mi; mi nɔn bowe wan nyin nyin mɛ. ¹⁰ N ami hin bo we sin ye wu, mi na nɔn bo we wan nyin nyin mɛ leɖi ke na ko hin Mawu otɔ tɛye we osin ye wu ɖo bo le iwe wan nyin nyin mɛ ɖo. ¹¹ Ko na nu emɔn tɔn wu mi na bowe jijɔɛ ado le mian mɛ na mian we jijɔɛ ado gɔ. ¹² Kpɔn bowe sin, mi nyin wan na mian ɖe leɖi ke na ko nyin na mi ɖo ha. ¹³ Wan nyin nyin ɖaxó wɛ nyin a sɔ ɛgbɛ itɔn sɔ sanvɔ do tana iwe hadwoe ye. ¹⁴ Mi na nyin bowe hadwoe na mi wa do xó ke ko lɔ na mi ji. ¹⁵ Kɔn mɔn va yɔ mi nɔn bio odan sɔvi, ɖo odansɔvi hon nyɔn nuke na iwe xwetɔ wa nɔn. Ko yɔ mi bio bowe hadwoe, ɖo ko wasi na mi nyɔn nuke ko se le Mawu otɔ si. ¹⁶ Mi ye hwin can, bo wɛ can mi bo ɖo tɛnxo na mi na mian do kpewu na sisɛn, na mian we sinsɛn a nɔn tite-ungbe. E ke wɛ nyin bio nuke mi na biɔ Mawu otɔ do bo we unkɔ mɛ, Mawu otɔ na na mi. ¹⁷ Ko trɔ lɔ xo kiye na mi nɔn na mian do kpewu nyin wan na mian ɖe. ¹⁸ N aɛgbɛ gbɛ wan na mi? Mi nywin bio ye mɔn gbɛ wan na bo can gbɔxwe mɔ do gbɛ wan na hin ye. ¹⁹ Na mi do le ɛgbɛ mɛ, ɛgbɛ na nyin wan na mi leɖi tɛye ha; vɔ ke na mi ɔn le ɛgbɛ mɛ ko bo can mi le ɛgbɛ we godo, iwɛ dɔn na ɛgbɛ do gbɛ wan mi nɔn. ²⁰ Mi flin xo kena ko lɔ na na mi:« odansɔvi ɔn kpo na hugan wu iwe xwetɔ.» Na ye kan ku na, ye na kan mi ye can; na ye hin bowe xo ye wu, ye na mian can wu. ²¹ Ye na kan ku na mi do blɔ wutu ɖo nyɔn mɛke sɔn ɖodan. ²² Na kɔn do va lɔ xo na ye, nyɔn mɔn va wa nuvwin nɔn. Vɔ siɛ ye ɔn mɔn ɖo ɛhwɛ sɔ kɛ na ye we nuvwin ye. ²³ Mɛke gbɛ wan na , e gbɛ wan na Mawu otɔ tɛye. ²⁴ Na kɔn do wasi le ye mɛ odan ke na mɛti ɔn wa kpon, nuvwin ɔn va le nɔn; vɔ siɛ, ye mɛ bi kpon bo gbɛ wan na bo mɔn gbɛ na Mawu otɔ tɛye. ²⁵ Nuke ejɔ nɔn na Mawu xó ado nyin wiwa leɖi ke na ye wlan do le ye we sin ye mɛ:« ye gbɛ wan na do unɖe ma ɖi nu wu.» ²⁶ Gan ke mɛ na ɔkɔn fana mɛtɔ na va, ( mɛke na ko na sɔ dodan mi le Mawu otɔ mɛ enyin nɔn bio gbigbɔ xojɔxó tɔn ke sɔn Mawu otɔ kɔn). E na ɖekunu na. ²⁷ Miye can nɔn ɖekunu na ɖo mi le kpo bɛsɔn bibɛmɛ gun.