¹ Gbɔxwe na vivayi we oxwe, ɖo Yesu ɔnywi bio hewe gan mɔn xó ke e na do lɛ le ɛgbɛ ke mɛ ado sin Mawu otɔ kɔn e bo nyin wa na xɔsetɔ. Ke na le ɛgbɛ mɛ ye e bo nyin wan na gun do yi vivɔnu. ² Legba bo sɔ ɛmɛ zizan we gbigbɔ bo sɔ do jimɛ na Jwida Isicarɔtu, Somɔn we vi, bio ni mɔn zan Yesu. ³ Yesu nywin bio Mawu etɔn mɔn sɔ Mawu otɔ de amɔn trɔ sin Mawu otɔ de. ⁴ E bo cite le ɔkplɔn kɔn le nuɖu kanu bo ɖe iwe otu.Bo sɔ gototutunu e bo xɔ san do animɛ. ⁵ Yesu bo ba ɛsin do tasamɛ ɖokpomɛ bo ta ɔfɔ kiklɔ na iwe nukplanvi ye amɔn tutui kpodo gototutunu ke eble do animɛ. ⁶ Yesu bo jɛ Simɔn Piyɛ. Piyɛ bo lɔ ni bio:«xwetɔ , ona klɔ bo we ɔfɔ ye wɛ?» ⁷ Yesu bo lɔ ni nɔn bio:« nike ka wanɔn, mi hon nywin siɛ, vɔ mi ona nywin zanɖe.» ⁸ Piyɛ bo lɔ ni bio« hon na klɔ bo we ɔfɔkpon.» Yesu bo gboɖewu bio:« na kon klɔ ɔfɔ nawe , hon ɖo xóti kponɔn.» ⁹ Simɔn Piyɛ bo lɔ ni:« xwetɔ ka mɔn klɔ ɔfɔ ɖoɖio na vɔbo we ɔlɔ kpodo ota kpo.» ¹⁰ Yesu bo gboɖewu ni bio:« mɛ ke na lɛ ɛsin ɔfɔ ɖoɖio wɛ e na klɔ vɔ e bo mɛ. Mi mɛ, vɔ mi mɛ bi hwin.» ¹¹ ( ɖo Yesu nyɔn mɛ kena zin; i wɛ dɔn na edo lɔ bio:« mi hon mɛ.») ¹² Ke Yesu klɔ ɔfɔ na ye. Yesu sɔ i we nuzizan bo xin nɔn nyin, bo lɔ na ye bio:« mi nyɔn nuke kowa na mi? ¹³ Mi nɔn bio"Xwetɔ" kpo do "Xwetɔ nukplan mɛ tɔ" mi lɔ xójɔxó ɖo ko nyin e mɔn. ¹⁴ Na blɔ Yesu xwetɔ nukplan mɛ tɔ kpodo xwetɔ ko klɔ mian we ɔfɔ. Mi ɖo na klɔ ɔfɔ na ɛmɛye. ¹⁵ Ko na mi kpon ɖewu na mia do wasi le ɖi ke ko wasi do na mi. ¹⁶ xójɔxó, xójɔxó. Ko lɔ na minɔn, odansɔvi hon hugan i we xwetɔ, mɛ ke ye xɔ ɖo dan can hon hugan wu mɛ ke xɔ ɖodan. ¹⁷ Na mi nyɔn nuxinye, mi yi dona mi gbɛ wadeji. ¹⁸ Kon lɔ mi mɛ bi we xónɔn, ɖo ko nyɔn mɛ ke ko sɔ ye( ko lɔ e mɔn na Mawu xó a do nyin wiwa si:« mɛ ke na ɖu bo we kponnɔn e fɔn iwe fɔdrinu kpa unkɔn tɔ.» ¹⁹ Ko lɔ xóke na mi nɔn siɛ gbɔxwe na ado nyin wiwasi, na e nyin wiwa. Na do kandoji bio ko nyin xwetɔ. ²⁰ Xójɔxó, xójɔxó, ko lɔ na mi nɔn, mɛ ke yiwu, e yi mɛke ko xɔ ɖodan, mɛke yiwu, e yi mɛke sɔ ɖodan. ²¹ Ke Yesu lɔ e mɔn, e caka le gbigbɔ mɛ, e bo ɖekunu bo lɔ bio:« xójɔxó, xójɔxó, ko lɔ na minɔn. Mɛɖokpo le mian mɛ na zan.» ²² Nukplan vi i tɔn ye bo ta yeɖe kpi kpon, bo kanse ye ɖeye nɔn bio mɛ we xó lɛ Yesu lɔ nɔn. ²³ Mɛɖokpo le nukplanvi ye mɛ, mɛ ke Yesu nyin wan na, etɛ do ɔkɔnu na Yesu le nuɖu kanu. ²⁴ Simɔn Piyɛ ɖe ɔlɔ na nukplanvi xin bo lɔ bio:« lɔ mɛke we xó Yesu olɔ nɔn na mi.» ²⁵ Nukplanvi bo tɛ do ɔkɔnnu na Yesu bo kinse nɔn bio:«xwetɔ mɛ lɛ?» ²⁶ Ke bɔ dewu, ye gboɖewu bio:« mɛ ke na ko na sɔ kpon nɔn ke do ɛsin mɛ na wɛ.» Ke e nyrɔn kpon nɔn odo ɛsin mɛ, e xɔ na Jwida, Simɔn Isikarɔtu we vi. ²⁷ Ke Jwida ɖu kpɔn nɔn livɔ, gbigbɔ vwin ɖiɛ Jwida mɛ. Yesu mɔn lɔ ni bio:« nu ke na ova wanɔn, we zɔnɖokpo.» ²⁸ Mɛ ke na ɖu nu kpoye nɔn nyɔn hon nyɔn nuke dɔn Yesu do lɔ emɔn ni nɔn. ²⁹ Mɛɖe ye ohwui nɔn bio, ke Jwida wɛ nɔn hin oho, Yesu mɔn lɔ ni bio:» ni mɔn xɔ nuke we hian hiye mɔn ɖo na oxwe wɛ ha.» mɛɖe ye bo bwui nɔn bio e mɔn na nuɖewu waman mɔn nɔn ye wɛ ha. ³⁰ Ke e yi kpɔnnɔn livɔ, Jwida tɔn zɔɖokpo. Zan mɛ wɛ. ³¹ Ke Jwida sɔn, Yesu lɔ bio:« Siɛ, gbɛtɔ we vi yi gwigo Mawu bo yi gwigo le mɛ. ³² Mawu na yle le itete mɛ, e bo na yle zɔɖokpo. ³³ Vikpɛye, ko le kpomi na azanɖe. Mi na kan, le ɖi ke ko lɔ ɖo na Jwifutɔ ɖo ha" fike ko yi nɔn, mi hon kpo na va" siɛ ko mɔn lɔ emɔn na mi can. ³⁴ Ko na na mi osin yoyo, mi ɖo na nyin wan na mian ɖe le ɖi ke ko nyin wanna mi do ha, mi ɖo na nyin wanna mianɖe. ³⁵ Le e mɛ, ɛmɛye na nywin bio mi mɔn nyin bo we nukplanvi, na mi ɖo wan nyin nyin na mianɖe.» ³⁶ Simɔn Piyɛ, bo lɔ ni bio:« xwetɔ, fie oyi nɔn? Yesu bo gboɖewu ni bio:« fike na ko yi nɔn, hon kpewu na xódo siɛ, vɔ ona va xódo.» ³⁷ Piyɛ bo lɔ ni bio:« xwetɔ, e ni jɔ na kon na do xódo we siɛ? Ko na sɔ bo we ɛgbɛ sɔ san vɔ ɖota we.» ³⁸ Yesu bo gboɖewu ni:« o na sɔ i we ɛgbɛ sɔ san vɔ na? xójɔxó, xójɔxó, ko lɔ na we nɔn, goklo hon na do atan gbɔxwe na ona gbio zɔntɔn.»