¹ Azan atrekpo do ŋkɔn na Titɔn, Yesu yi Betani le ofi ke na Laza ke e fɔn sɔn ɛmɛ kuku ye mɛ le. ² Ye wasi onu ɖuɖu ni, Mati bo wasi nuɖuɖu nan ɛmɛ ye nɔn, Laza can bo le ɔkplɔ wu kpo Yesu. ³ Iwɛ, Mali sɔ celu go ke na hwɛ nywɛ ɖe bo vɛ oho, bo kɔn do Yesu we ɔfɔ yee bo sɔn oɖa yitɔn bo do tutu ɔfɔ ye ni. Celu ɔ we hwihwɛn bo gɔ oxwe ɔ gbe. ⁴ Jidasi Isikaliɔtu, ke nyi ɛmɛ ɖokpo le onukplanvi itɔn ye mɛ , emɛ ke na blɛ Yesu ɖu lɔ bio: ⁵ «ŋni jɔ mi ɔn sa celu klɔ oho gan fɔɖe kanwe oko a bo sɔ oho ɔ sɔ nan aya nɔn ye?» ⁶ E lɔ xo xi nɔn ɖo e nɔ wle bi nan aya nɔn ye, vɔ fianfinɔ wɛ e nyi: iwɛ nɔ kpɔ oho ji a bo nɔ sɔ oho ke ye do ɖakavi ɔ me ye. ⁷ Yesu lɔ bio:« Joe do xui. E wasi e ke do bowe oco gbe nɔ wɛ. ⁸ Aya nɔn ye, ye le mia kɔn tɛgbɛ, vɔ blɔ, kɔn nɔ mia kɔn nɔ tɛgbɛ.» ⁹ Siɛ-ɔ, jwifutɔye susu ye se bio Yesu mɔn le blɛ ye bo va; ɔn nyi bio Yesu wutu hwɛn dɔn, vɔ a do va kpɔn Laza ke Yesu fɔn sɔn ɛmɛ kuku ye mɛ. ¹¹ ɔvɔsantɔ ɖaxo ye ɔ ye sɔ gbeta a do kpewu a hu Laza; ¹⁰ do i wutu ɔ Jwifutɔ susu lɛ le ye kɔn bo va nyi se do Yesu ji. ¹² Ke ŋkɔn ɖe ɔ, ɛmɛ susu ye va ɔgɔ ɖu tyɔn. Ke ye se bio Yesu mɔn gbɔn nɔn Jeluzalɛmu nɔn, ¹³ Ye sɔ deman ye, bo tɔn bo va kpe Yesu kpo Axwa sisiɛnxu kpo: «Hozana! dona nɔn wɛ nyi ɛmɛke na gbɔn nɔn xwetɔ we yikɔmɛ, Izlayɛli we xɔlu.» ¹⁴ Yesu kpɔn osɔvi ɖokpo bo xinɔn onyi do eji; ɖike ye wlin ɖenyi ɖo ha: ¹⁵ «Ko mɔn vo nuti siyɔn we nyɔnnusi vi; kpɔn, xolutɔ we o gbɔnɔn, bo xinɔn nyi ɖo osɔvi ji.» ¹⁶ Iwe nukplanviye ɔ ɔn nyɔ nuxi ye ti le titɔ eji, vɔ gankeme ye va kafu Yesu, ye flin lɔ bio onu ki ye ɔ ye mɔn wlan ɖe nyi san do ewu. ¹⁷ Siɛ ɔ, ɛmɛ susu ke le Yesu kɔn le gankemɛ na e yɔ Laza le yɔdomɛ bo do fɔɛn sɔn ɛmɛ kuku ye mɛ, ye ɖe kunnu nan ɛmɛ bu ye. ¹⁸ Iwɛ dɔn ɛmɛ susu ye tɔn bo va kpe, ɖo ye se bio e mon wasi josido. ¹⁹ Falizitɔ ye ye lɔ le yeɖe me nɔn bio:«Mi kpɔn mi ɔn kpewu na wa nuti; mikpɔn, ɛmɛye tɔ xixodoe.» ²⁰ Siɛ-ɔ Glɛkitɔ ɖe ye le ɛmɛ ke ye ba va sɛn le ɔgɔ ɖutyɔn ye mɛ. ²¹ ɛmɛ xin ɔ ye nyi Filipu ke le Bɛsada le Galile kɔn bo kise nɔn bio:«Hwanje, mi jro nan kpɔn Yesu.» ²² Filipu bo nyi Andle kɔn bo lɔ ni; Andle bo kplɔ Filipu ye bo yi Yesu kɔn bo ve lɔ ni. ²³ Yesu ɖo ewu na ye lɔ bio:«Ogan xo nan ye a do kɔ gbɛtɔ we viɔ yi ji.» ²⁴ Le oxojɔxo mɛ, le oxojɔxo mɛ ɔ, ko lɔɛ na mi nɔn, na oxo kun ɔn ɖiɛ yixogɔ bo yɔn ɔ, e mɔn nɔn gbɛ nyi oxo ɖokpo ɔ nɔn, vɔ nan e yɔn , e nɔn sɛ okun susu. ²⁵ ɛmɛke nyi wan na ɛgbɛ yitɔn e na bui; vɔ ɛmɛke gbɛ wan na ɛgbɛ yitɔn le ɛgbɛ ke mɛ e na ɖoe na ɛgbɛ manvɔ. ²⁶ Nan na mɛɖe sɛn blɔ ni xodo; nan fike nan ko le ɔ, blɛ ke we bowe odansɔvi ye nan nɔ. Na mɛɖe sɛn blɔ, otɔ nan do gigo ni. ²⁷ Okla tɛye e caka le siɛ: Na ɖe ko nan lɔ? «Otɔ, hlɔn gan le aya ɖuɖu we ogan xixo ke mɛ? vɔ ogan xixo ke wɛ dɔn na ko do va. ²⁸ Otɔ do yikɔ tɔwe yi ji.» Ogbe ɖi le jinnukunsi bo lɔ bio:«Ko doe yi ji, ko mɔn na mɔn va doe yi ji ke.» ²⁹ Sɔ yi eji ɔ, ɛmɛ susu ke le axa ni bo se ogbe ɖiɖi ɔ ye lɔ bio ɛvioso we ɖegbe. Mɛɖe ye bo lɔ bio:« Mawu we ɛwɛndotɔ ɖe lɔ oxo ni.» ³⁰ Yesu ɖo ewu bio:«Ogbe ke ɔ ɔn va do blɔ wutu, vɔ do miye wutu. ³¹ Siɛ-ɔ kojoɖiɖo ɛgbɛke tɔn wɛ: siɛ-ɔ, Ye na yan ɛgbɛ ke we xɔlu we ovi. ³² Iwɛ blɔ ɔ, na ye kɔ blɔ tɛ le ŋkudanji, ko nan kplɔ ɛme xɛɖeɖe va kɔn ye.» ³³ E lɔ oxo emɔn xa tɔn nɔn a do lɔ ke e ba ku ɖo nɔn. ³⁴ Otogun ɔ bo ɖewu ni bi:«Mi se le osɛn ɔn mɛ lɔ bio Kliso e nan nɔn ɛgbɛ mavɔ-mavɔ. Na ɖe lɛ lɔ o nan lɔ bio:"Gbɛtɔ we viɔ ye na kɔɛ le nyixoji ɖo?" Mɛ lɛ nyi gbɛtɔ we ovi xlɔn? ³⁵ Iwɛ Yesu lɔ nan ye bio:«Kinklɛn gbɛ le mia mɛ vɔ ɔn va din nɔ. Mi zɔn le gankemɛ nan kinklɛn ɔn le nan vuvlu ɔn mɔn do cɔn mi nɔ. Mɛke na zɔn le vuvlu mɛ nɔ ɔn nɔ nyɔn ofi ke e nyi nɔn. ³⁶ Kena mi ɖo kinklɛn ɔ, mi zɔn le kando kinklɛn ɔn ji na mia do nyi kinklɛn we vikpɛye.» Yesu lɔ oxo xinye bo yi eji, bo ve bɛ le dindyɔn nu le ye wu. ³⁷ Yesu wasi josido susu le ye kɔn ganke yɔn kando eji ³⁸ na oxo ke xolɔɖenyitɔ Ezayi lɔ a do jɔ, ɖike e lɔɛ ɖo san ha:«Xwetɔ, mɛ lɛ kando mia we oxo ji? Mɛ lɛ ye ɖe Xwetɔ we ɔlɔ sɔ xlɛ?» ³⁹ Do ɛhwɛ jijɔ xin wu ɔ, ye ɔn kpewu na kando eji ɖo Ezayi mɔn lɔ ke bio: ⁴⁰ «E va ŋkunsi na ye, bo tri oji yetɔn; vɔ ye na kpɔn kpodo ye we ŋkunsi a bo nyi kpo oji yetɔn, ye bo na trɔ gbɔn, ko mɔn gɔ ɔdɔ na ye.» ⁴¹ Ezayi lɔ oxo xinye ɖo e kpɔn goto kinkɔn Yesu tɔn bo lɔ oxo sɔn iwu. ⁴² Ganke ɔ, Oga sus ye can yi se do Yesu ji; vɔ kun do Falizitɔ ye wu ɔ, Yɔn kafu wi nɔn kpo susu kpo bio ye ni ka mɔn ya ye te le Cɔcixɔ mɛ. ⁴³ Ye nyi iwan na ohan jiji ke sɔn gbɛtɔ ye kɔn hu ke sɔn Mawu kɔn. ⁴⁴ Yesu do axwa bo lɔ bio:«Mɛke na kando jiye, ɔn kando do bo ɖoɖio ji vɔ do mɛke na dɔn dodan, ⁴⁵ yiwɛ mɛke na kpɔn kpɔn mɛke na sɔn dodan. ⁴⁶ Ko va ɖi kinklɛn le ɛgbɛ ɔ mɛ ha na dekpokpoe ke na kando jiye ni ka mɔn nɔ vuvlu mɛ. ⁴⁷ Na mɛɖe se bowe oxo ye nɔn vɔ e ko nɔ hɛn yewu ɔ, kɔn ɖo kojo wi nɔ, ɖo ko va , ɔn nyi a do ɖo kojo na ɛgbɛ ɔ hwɛn, vɔ a do hwlin gan. ⁴⁸ Mɛke na gbɛ owan na e ko nɔn hɛn oxo tɛye wu ɖo kojoɖo tɔ: oxo ke ko lɔ wɛ na do ɛhwɛ ni le azan kpotui gɔ gbe. ⁴⁹ ɖo kɔn lɔ oxo le botete we ojlo mɛ. Le akpa bu ji ɔ, Didɛye ke na dɔn dodan, wɛ na ogbe wu do oxo ke ko na lɔ kpo oxo ke kɔn ɖo na lɔ wu. ⁵⁰ Ko nywɛ bio yiwe osɛn mɔn nyi ɛgbɛ manvɔ; yiwɛdɔn oxo ke ko lɔ nɔ, ko nɔ lɔɛ ɖi ke na didɛye lɔɛ na do ha, e mon ha ko nɔn lɔɛ do.