¹ Hwanje ɖokpo ɖe le, ke we unkɔ nɔ nyi Lazaro ke jɔdɔn bo sɔn Betani kansimɛ bo nyi Mali kpo Mati noviɔ. ² Lazaro wɛ nyi Mali nɔviɔ, kenqa sɔ ami do klɔfɔna xwetɔ, bo sɔ oɖa yitɔnye do tutu ɔfɔ nii. ³ Nɔvi nyɔnnusi ɔwe do ɛwɛn dodan Yesu bio:«xwetɔ va kpɔn mɛke o nyi wan na Jɛ ɔdɔn. ⁴ Yesu , se xoxiye, bo lɔ bio:«ɔdɔn xin ɔn hin oku va ni nɔ. Vɔ ganke na gigo Mawu tɔn a do ze sɔ gbɔn Mawu we vi mɛ.» ⁵ Yesu nyi wan na Mati nɔviɔ Mali kpo Lazaro. ⁶ Gankemɛ na Yesu se bio Lazaro mɔ jɔdɔn e ɖu nyihɔn ɔwe le fike e le. ⁷ Le exin godo, e lɔ na nukplanviye bio ye mɔ trɔyi Juda tomɛ» ⁸ Nukplanviye lɔ ni bio:«Rabi gankemɛ na Jufutɔye va da ohwan wu we nɔ, o bo mɔ trɔ lɛkɔ?» ⁹ Yesu ɖewu bio:«Ganxixo weve kinklɛntɔn le azanɖokpo mɛ? Na mɛɖe zɔn zɔnni le unkɔn ɖiɖemɛ ɔnɖe ɔfɔ nyinylanɔ, ɖo e kpɔn kinklɛn ɛgbɛ ɔ tɔn nɔ.» ¹⁰ Ganximɛ na e zɔnzɔnni zanmɛ e na gbafɔ oɖ kinklɛn ɔn le emɛ. ¹¹ Ke e lɔ xoxiye bi-ie bo mɔ sɔ bio:« Mia nɔvyɔ Lazaro dɔ xlɔn, ma yi mɛ fɔn we.» ¹² Dansɔviye bo lɔ ni bio:«xwetɔ nɛ nyi e dɔxlɔn, e na fɔn-e.» ¹³ Yesu olɔxo do Lazaro we oku wu nɔ e mɔ xa vo ye bo bu nɔ bio ɔxlɔn gbɔjɛ tɔn. ¹⁴ Yesu bo lɔ xojɔxo na ye bio:«Lazaro mɔ ku.» ¹⁵ Ojijɔ do mia wu bio ko mɔ le blɛ na mi mɔ do ɖo ka,deji. Syɛ mi zɔn.» ¹⁶ Toma ke nɔ nyi didimu, nukplanvi gbokpoe ye wɛ lɔ emɔ xa: Mi ye can mia sɔn gbagba, na mi ye can mia do ku kpo Yesu.» ¹⁷ Kena Yesu va, ye nywɛn bio Lazaro mɔ wasi yihɔn ɛnɛ vayi le ocogumɛ. ¹⁸ Betani le Jeluzalɛmu xa-a, le kpɛntin fɔtɔn ha. ¹⁹ Jufutɔye susu bo va Mati kpo Mali a do fakɔnaye sɔ gbɔn ye nɔvyɔ we nuke jɔ. ²⁰ Gankemɛ na Mati se bio Yesu mɔ gbɔn nɔ, e bo nyi nɛ kpe-e, vɔ Mali bo le nyixinnɔ. ²¹ Mati bo lɔ na Yesu bio:«xwetɔ , na odo le bwɛ wɛ, nɔ nɔviye ɔn kunɔ mɔ. ²³ Gun va do syɛ ko nywɛn nuɖe siaɖe ko na biɔ Mawu e na va e mɛ.» ²² Yesu bo ɖewu ni bio:«Nɔvuwe na trɔ va ɛgbɛ.» ²⁴ Mati bo lɔ ni bio:«Ko nyɔ bio e mɔ na trɔva ɛgbɛ le fɔnsɔn ku we zan kpotu-i gɔ gbe. ²⁵ Yesu bo ɖewu ni bio:« bo wɛ nyi fɔn sɔn ku kpo egbɛ, mɛ kena kando jiye na nɔ ɛgbɛ na eku can. ²⁶ Kpo mɛ ɖekpokpoe kena ɛgbɛ le bo kando jiye yɔn kunɔ gbeɖe-e«Okan do eji?» ²⁷ Mati bo ɖewu bio:«ɛ-ɛ xwetɔ ko kandeji bio yi mɛ mɔ nyi kriso, Mawu we vi kena va ɛgbɛ ɔ mɛ. ²⁸ Ke Mati lɔ e mɔxa, e bo trɔ bo yɔ Mali kena nyi nɔviɔ do axa bo lɔ ni bio:«Oga le bu-ɛ bo yɔwenɔ.» ²⁹ Ke e se emɔxa, e bo trɔ kɔ bo sin yi kɔn. ³⁰ Yesu ɔn ka ɖyɛ oxo-ɔ mɛ ɖo e gbɛ le lɛnxo ke mɛ na Mati ve kpedo. ³¹ Kena Jufutɔye le yi kɔn le xwegbe bo fakɔninɔ ye kpɔn Mali cite bo tɔn kpo wedun kpo ye bo xodo-e kpo susu kpo bio e mɔ vɛ vi avi le yɔdo kɔn. ³² Kena Mali sin tɛnxo ke mɛna Yesu le, e bo kpɔn ɛn e bo cɔn kɔnnyi do ɔfɔjini bo lɔ ni bio:«xwetɔ, na o do le bu-ɛ wɛ, nɔviye ɔn va kunɔ mɔn.» ³³ Kena Yesu kpɔn evi-avi nɔ, bo kpɔn Jufutɔye can ke sin Mati kɔn bo ta avi vivi. ɔgbɔ kpeye le gbigbɔmɛ ye bo caka. ³⁴ E bo lɔ bio:«Fiye mi swe sɔ ɖo?» ye bo lɔ bio:«xwetɔ va abo kpɔn.» ³⁵ Yesu bo vi avi. ³⁶ Jufutɔye bo lɔ bio:« Mi kpɔn ke enyi wan na Lazaro ɖo o:» ³⁷ Vɔ mɛɖeye le yemɛ bo lɔ bio:«Unsuglo xin kena hun unkunsi ye na unsunglo ŋvanɔ yɔn kpo na wasi gun-un e ko na ku-u? ^{38 39} Ganximɛ , kena Yesu caka le yiɖemɛ , e bo sin yɔdo kɔn. Ogun ɖaxo ɖe kpo ɛkpɛn wɛ ye sɔtu-e nu. Yesu mɔ lɔ bio:«Miɖe ɛkpɛ-ɔ!» Mati Lazaro nɔviɔ mɛkuku ɔ bo lɔ na Yesu bio:« xwetɔ le gankemɛ syɛ, oco-ɔ o na gun, ɖɔ ekun syɛ, nyihɔn ɛnɛ xɛn. ⁴⁰ E bo lɔ ni bio:« ɔn lɔ na bio na bo mɔ kandeji bo mɔ na kpɔn Mawu we gigo-o?» ⁴¹ Ganximɛ ye bo ɖe ɛkpɛn. Yesu kɔ unmɛ yi ji bo lɔ bio:«Didɛye , ko dɛkpɛ na we bio o ɖoto wu. ⁴² Ko nywɛn bio yi mɔ nɔ ɖoto wu tɛgbbɛ, vɔ sɔ gbɔn do togun ke trɔdo kiye wɛ dɔn ko do lɔ e mɔ xa nɔ. Na ye a do kandeji bi yi mɛ mɔ ɖo dodan.» ⁴³ Ke lɔ xoxiye vɔ, e bo do axwa ɖaxo« Lazaro, tɔn!» ⁴⁴ Mɛkuku-ɔ bo tɔn; ɔlɔ yitɔnye kpo ɔfɔ yitɔnye bo le bibla kpo ɖetinkan yiwe unmɛ bo le kpo ɖɛtinkan Yesu bo lɔ bio:« Mi tun onu e le wu a bo jwedo na sɔn!» ⁴⁵ Jufutɔye ke nɔ va Mali kɔn bo kpɔn nu kena Yesu wasi. Ye bo ɖo kandeji. ⁴⁶ Vɔ mɛɖeye trɔkɔ sin Falizutɔye kɔn bo lɔ nu kena Yesu wa na ye nɔ. ⁴⁷ Ganximɛ vɔ santɔ ɖaxoye kpodo Falizutɔye bo ɖo okpli bo lɔ bio:« Naɖe mi na weɖo, unsuglo xin o wasi undandonu susu nɔ. ⁴⁸ Na mi Jwedo e mɔxa, mɛ bitu na kandeji, hlɔmatɔye na va a yi mia we tɛnxoye kpo oto miatɔn.» ⁴⁹ Le ganximɛ unsuglo ɖokpo leye mɛ ke ye nɔ yɔ bio Kayifu, ke nyi vɔsantɔ le oxweximɛ lɔ na ye bio:«Mi ɔn yɔn nuɖe tete. ⁵⁰ Mi ɔn lɔ nɔ bio: e mɔ siɛxu hu hiye, na unsuglo ɖokpo a ku do ta na oto bi-i na oto bi a do nyi cincrɔnmɛ.» ⁵¹ Vɔ ɔn lɔ xoxinye le yiɖemɛ nɔ, vɔ ɖikena e nyi vɔ santɔ le oxwexi mɛ. E lɔ ɖenyi nɔ bio Yesu mɔ do na kun do oto ɔta. ⁵² Vɔ ɔn nyi oto-ɔ ɖoɖio hwɛn vɔ na Mawu we vikpɛye ke ma ye a do kpo nɔ kpɔkpɔ. ⁵³ Sɔn gbexigbe ye bo ta kena ye na wasi gun a do hun Yesu. ⁵⁴ Yesu hɔn mɔ nɔ gbɔn gbaŋgbagbe ba Jufutɔye vɔ enɔ trɔ kɔ le oto ke le zogbeji xa le otomimavi ke ye nɔ yɔ bio Efrayimu. E mɔ nɔ blɛ kpo nukplanvi yitɔnye. ⁵⁵ Titɔn we oxwe Jufutɔye tɔn o gbɔn nɔ, mɛsusu osin Jeluzalɛùu le fi bitu le oto-ɔ mɛ le titɔn we ɛsililɛmɛ. ⁵⁶ E kan Yesu bo byɔ sɔn ɖokpo ɖokpo si ɖi kena ye nɔ sinsin-u le cɔcixɔmɛ:« Naɖe mi bu-wi nɔ ɖi-o? KO na va oxweyɔ mɛ?» ⁵⁷ Vɔ santɔye kpodo Falizitɔye na ogbe bio na mɛɖe mɔ yɔn fikena Yesu mɔ le, ye ɖo na nywɛn nuke e wanɔ gbɔ we na mɔ yi.