¹ Siɛ hi ɔ, okan cica yoyo ɔ can ɖo osɛn ɖeye dodan sisɛn wiwasi kpo sisɛn ŋkundanji tɔn wu. ² ɖo ye jla xɔ ɖe do. Ofi-i tantyɛn ke zogui hɛnti-i , ɔ kpɔn kpodo Kpɔnnɔn ke ye sɔ na Mawu le. ³ T€nxo ɔwegɔ ke ye nɔn yɔ bio kinkwɛn taŋu le godo na ɔvɔgboxɔ-ɔ. ⁴ Blɛwɛ celu we agba sika tɔn kpodo okancica we ɖaka kena sika le goto na le. Le okancica we ɖaka-ɔ mɛ ɔn, ozɛn sikatɔn ke mɛ mana le, le e mɛ, ok^potin Alɔntɔn kena jɛ le e me kpodo ɛkpɛn we tɛ kpoye ke ji na okancica we osɛn le. ⁵ Gigo we ɛwɛn dotɔ onu cɔtɔ le ota na okancica we ɖaka la bo sɔ axwe yetɔn vlu cɔn tɛnxo ke ye nɔn kɔn ɔvɔ sinsan we ɛhun do, a do sɔ nyinyla ye sɔ kɛ ɛmɛ vɔ siɛ hwɛn ko na ɖe onu bi we gɔnmɛ. ⁶ Ke ye to onu bitu we godo vɔ-ɔ, ɔvɔsantɔ nɔn ɖyɛ tɛnxo tantyɛn na ɔvɔ xɔ-ɔ a do wa yewe dan. ⁷ Vɔ ɔvɔsantɔ ɖaxo-ɔ ɖokpo gee jan wɛ oxo ɔwe gɔ zɔnɖokpo le oxwe mɛ, e nɔn hɛn kanlin ye we ɛhun ado san ɔvɔ do yitete ta kpodo otɔ we nyinyla ye ta. ⁸ Gbigbɔ kinkwɛn gbɔn blɛ bo do ɖe xlɛ lɔ bio na ɔvɔ xɔ tantyɛn gbɛ le ɔ, omɔn a do ɖyɛ tɛnxo kinkwɛn taŋu ɔn le hunhun nɔn. ⁹ Onu xiye nyi Josido le egbe we hwenu. Onu ke ye nɔn na Mawu kpo ɔvɔ ke ye nɔ na mɛke na sɛn Mawu nɔn ɖo emɔn ha we ayixa na sɔgbe bi-i. ¹⁰ Ye nɔn dɔŋ do ɖuɖu ye, nunuye kpo ɛwu sisra ŋmiɔn ŋmiɔn ye wu. Osɛn gbaza mɛntɔn ye ji wɛ ye nɔn zɔn ɖo gun do va jɛ osɛn yoyo we ɖiɖo e nyi. ¹¹ Kliso va leɖi ɔvɔsantɔ ɖaxo na na onu nywɛ ye ɖo e gbɔn ɔvɔ xɔ kinkwɛn ke na gbɛtɔ ɔn wasi ke nyi kinkwɛn do va. ¹² ɔnyi ogbɔ ye kpo lɛngbɔ ye we ɛhun mɛ hwɛn e gbɔn bo do ɖyɛ tɛnxo xi mɛ. Vɔ dogbɔn yitete wɛ ɛhun ji wɛ egbɔn bo do ɖyɛ tɛnxo kinkwɛn ɔn mɛ na ɔxɔ tutu na miye. ¹³ ɖo na enyi bio ye nɔ kɔn gbɔsuye kpodo onyi suye we ɛhun kpodo nyibusi kena ye fyɔ we ofin ɖo ɛmɛ ke ɖu osu ye ji ɔ, a bo do sra ɛwu na ye, na ye a do trɔ jɛ kpɔkpɔ kpo Mawu ɔ. ¹⁴ Kliso we dan ɔn mɔn na wa odan hun e mɔn ha? Yi ke na gbɔn gbigbɔ kinkwɛn ji bo sɔ yiɖe do san ɔvɔ na Mawu ɖi ɔvɔsa mimɛ kie wu na ɛfɛn ti ɔn le ewu, ke ɛhun yitɔn ɔn kpewu na sra ayixa miatɔnye a bo ɖe odan ke nɔn dɔn ɛmɛ doyi okuye na mi a do wa odan na Mawu ɛgbio ɛgbio ɔ wɛ? ¹⁵ Yiwɛdɔn e nyi oxonyido ɛmɛ nutɔ okancica yoyo ɔ tɔn. Na dogbɔn oku ji ɔ na tunkan na nu nyinyla watɔ ye. ¹⁶ ɖo fike wlan do enyi le ɔ, mɛnke wlan do nyi we do nyi we oku we ɖexlɛ ɖo na le. ¹⁷ ɖo wlan do e nyi nɔn ɖo kpinkpɛn mɛ le le gankemɛ na ɛmɛ ku vɔ onɔn kpinkpɛn mɛ ti-i le gankemɛ mɛnke gbe le ɛgbɛ ¹⁸ Nye ɖo cancica yoyo ɔ ɛhun tɔn man nɔn e mɛn. ¹⁹ ɖo gankemɛ Moyizi o na osɛn wu togu ɔn nɔn ɔ, e sɔ lɛngbɔ kpo nyibu ye we ɛhun kpo ɛsin, e bo sɔ ogbɔfu ove cɛcɛcɛ ɖe kpo izɔpu, bo hu na wema ɔ kpo otogu ɔn. ²⁰ E bo lɔ bio :«Nuke wɛ nyi ocancica we ɛhun ke we osɛn Mawu do na mi.» ²¹ E mɔn ha ke ɔ e mɔn hu ɛhu na ɔvɔ xɔ kpo nuke na ye nɔ do wasi sinsɛn ye. ²² Le osɛn ɔn nu ɔ, ɛhun ɔn wɛ nɔn ba sra ɛwu na nubi. Na ɛhun ɔn kɔn do onyi, ɛhwɛ sɔ kɛ ɔn le. ²³ Na e nyi bio, yɛsu fifɔ xi wɛ ye nɔn wasi a do sra ɛwu na onu ke le sɛxwe ye we oyɛye, ke e le vivɛɖe bio ke le sɛxwe tete ye ɔ, ɔvɔsisa adodwe wɛ ye na doSRA ɛwu na ye. ²⁴ Le oxojɔxo mɛ ɔ , e ɔn nyi tɛnxo kinkwɛn ke gbɛtɔ we ɔlɔ wasi, e bo nyi ke le sɛxwe we oyɛ kpoŋ mɛ hwɛn Kliso ɖyɛ, vɔ sɛxwe tete wɛ e ɖyɛ a do le ŋkɔn na Mawu do miye wu. ²⁵ ɔn nɔn ɖyɛ blɛ a do san ɔvɔ susu ɖo yiwe tamɛ ɖi-i kena ɔvɔsantɔ nɔn wasi do ha. ²⁶ Nɛn e do nyi e mɔn ha wɛ ɔ, e na ɖu aya sɔn ɛgbɛ ɔ we bibɛ e ji gu. Vɔ e sɔ yiɖe sɔ naa a do gukun na onu nyinyla. ²⁷ ɖike e nyi wiwla lɔ bio oku zɔnɖo kpo gee wɛ ɛgbɛtɔ na ku e xii we godo ɔ ɛhwɛ ɖiɖo mɔn va. ²⁸ E mɔn ha ke, ke Yesu sɔ yiɖe sɔ na do mɛsusu we tamɛ ɔn, e na ze zɔn ɔwe gɔ a do kpewu yi na mɛnke tre kpɔnɛn nɔn ye ɔnyi, onunyinyla a do ɖe ɖrɔn hwɛn.