¹ Xo ke mi lɔ nɔ we tinmɛ xɛn: mi ɖo ɔvɔsantɔ ɖaxo ɖe ke xinɔnyi le aɖu si-i mɛ na xɔluɖuɖu kpo Mawutɔn. ² E nyi odansɔvi le tɛxo kinkwɛn ke gbɛtɔ ɔn wasi vɔ ke Mawu wasi ɔ mɛ. ³ ɖo ye ɖo ɔvɔsantɔ ɖaxo ye na ye a do na onu kpo ɔvɔsan ye. Yiwɛ dɔn e le vivɛɖe bio ye na do ɔvɔsanu. ⁴ Na kliso do le ŋkundan ji wɛ ɔ, ɔnyi ɔvɔsantɔ, nɔn mɛnke nɔn san ɔvɔ dogbɔn osɛn ɔn ji ye le. ⁵ Nye nɔn ɖe onu kinkwɛn ye we linwan sɔn xlɛ. Le ɖi-i ke na Mawu tɔgbe wu Moyizi le gankemɛ e va tu oxɔ kinkwɛn nɔn lɔ bio:«Kpɔn» «Wasinu ye le ɖi_i ke ye xlɛ we do ha le oto ɔ ji.» ⁶ ɖo siɛ-ɔ, Kliso nyi dando asi ki kɔ ɖo e nyi oxo nyi ɖo ɛmɛ nutɔ le ocancica yoyo ɖo akpagbe yoyo ɔ ji. ⁷ ɖo na nuɖe ɔn do hwe le cancica tantyɛn wu wɛ ɔ, ke mɛnti-i ɔn mɔn kan cancica ɔwe gɔ-ɔ nɔn. ⁸ Yiwɛdɔn, gankemɛ Mawu kpɔn ɛhwɛ huhu otɔ tɔn ɔ, e lɔ bio«Azan ye na va va , yiwɛ ko na wasi ocancica kpo Izrayɛli kpodo Jwidasi we oxwe. ⁹ ɔn mɔn nyi ocancica ke ko wasi kpo yee dagbo-o ye nɔn le gankemɛ ko do ɖe yetɔn le Egiputu ha, ɖo nyɔn do vivɛnu le ocancica ximɛ kpo. Ko ko mɔn gbaŋ do yewu nɔn,» Xwetɔ wɛ lɔ ɔ e mɔn ha nɔn. ¹⁰ « ɖo ocancica ke ko va wasi kpo Izrayɛli we togun le azan xiye ji xɛn,» «Ko na sɔ osɛn tɛye-e sɔ do ye we ayixa mɛ, ko wlan ye do ye we oji mɛ. Ko na nyi yewe Mawu ye bo na nyi bowe togun. ¹¹ Ye mɛ bitun na nyɔn, sɔn vikpɛvi ji gun do yi mɛnhyɔn do ye ɔn mɔn lɔ na yeɖe nɔn lɔ bio" Nyɔn xwe tɔ-ɔ" ¹² ɖo ko na kpɔn dɔŋɖunu na ye le ye we mankɔn-mankɔn mɛ, ko bo na wɔn yewe nyinyla ye. ¹³ Ke Mawu «Yoyo» nɔn ɔ, e sɔ cancica yoyo ɔ sɔ wasi xixo ɔ. Yiwɛ ke nyi xixo ɔ nɔn trɔn zu bubu.