¹ Mɛcisedɛku xin wɛ, xɔlu Salɛmu tɔn, ɔvɔsantɔ Mawu jiŋkunsi tɔn ke na kpe Ablaxamu le titrɔmɛ bo yree, gbɔxwe na mɛke va gbo hlo na ogaye. ² Ablaxamu bo sɔ onu ɔwegɔ sɔ ni-i le nuke e wle yemɛ. Yiwe ŋkɔ«Mɛcisedɛku» ke we tinmɛ nyi«Osɛnga» bo mɔ nyi«Salɛmu we ga» wɛ nyi bio« fifa we ga» ³ E le san otɔ, san onɔ, san dagbo-dagboye, san titwɛji azanye tɔn, ɔn ɖo odo na ɛgbɛ. Vɔ e bo gbɛ nyi ɔvɔsantɔ nɔ tɛgbɛ ɖi Mawu we vi. ⁴ Si-yɛ, mi ɖo tɛnxo ni zɔnɛmu ŋsuglo xin nyi mɛxwi-ɔn. Mi a do gbɔ-wɔ Ablaxamu bo sɔ onu akpa ɔwegɔ na onu nywɛ ye kena e yi le gankemɛ ha ewa ahwan bo sɔ ni. ⁵ E mɔ xa jijimɛvi levi yi vɔsan, bo yi beta a do yi mado awoye le togunsi, iwe tinmɛ wɛ nyi ye nɔ vi-ɔ Izrayɛlutɔye, ganke ye can bo nyi Ablaxamu we jijimɛvi. ⁶ Vɔ Mɛcisedɛku ke ɔn nyi Levi we Jijimɛvi bo yi mado owo Ablaxamutɔn bo ylɛ na mɛke do ŋgbeni. ⁷ ɔn le osɛn ɔ mɛ bio ɛmɛ vitu-we na yla-a ɛmɛ hwlin ɔn. ⁸ Le blɛmɛ gbetɔ kukuye na yi, vɔ blɛ, mɛkena nyi ma do owo ɛmɛ ke le ɛgbɛ. ⁹ Lɔ do bu bio Levi nɔ yi mado owo ye mɔ mɔ tu na Ablaxamu can. ¹⁰ ɖo Levi gbɛ le dagbo-ɔ Ablaxamu kɔn le gankemɛ na Mɛcisedɛku do goe. ¹¹ Siɛ-ɔ, na e nyi jijraɖo do sɔ gbe gbɔn do Levi tɔye we ɔvɔ sisan mɛ wɛ-ɔ(ɖo iwe ɔgɔ wɛ otogun ɔ nɔn nyi osɛn ye le),e bo-o le dandan mɛ lɔ bio ɔvɔsantɔ bu ɖo na va le Mɛlicisedɛki we ɖiɖo nu, ɔn nyi e nyi Alɔn tɔn hwɛ? ¹² ɖo na ye ɖɔli vɔsisan we dan, ye ɖo na ɖɔli osɛn ɔ can. ¹³ Vɔ ɛmɛ ke wu ye lɔ onu xiye do-ɔ ye nyi ɔkɔta bu ye, ke na ɛgbɛtɔ ti-i ɔn ka wasi ɔvɔ sisan ɔvɔsantyɔn. ¹⁴ Siɛ, e le dandan mɛ bio mia we xwetɔ e tɔn sɔn Juda we ɔkɔta mɛ, ɔkɔta ke Moyizi ɔn lɔ oxo do ewu kpɔn sɔn ɔvɔ san tɔ ye wu. ¹⁵ Oxo ke mi lɔ nɔ mɛ e kɔn , na e nyi bio ɔvɔ san tɔ bu va bo ɖi Mɛcisedɛki. ¹⁶ Ɔvɔsantɔ yoyo xi ɔ ɔn nyi ɔvɔsantɔ ke va nyi ɔvɔsantɔ le ɛmɛ gbɛtɔ we ɖiɖonu ji, vɔ sɔn ɛgbɛ kena ɖo ɛcɛ ke ɔn nɔ gu gbeɖe. ¹⁷ Ɖo winwlan e ɖe kunnu ke:«O nyi ɔvɔsantɔ tɛgbɛ le Mɛlicisedɛki we ɖiɖonu.» ¹⁸ ɖo osɛn xixo-ɔ ye sɔ-ɛ sɔ ɖo ada ɖokpo ɖo e gbɔjɔ e ko nyi nuti. ¹⁹ Ɖo osɛn ɔ we onu wiwa ye ti ɔn sɔgbe, do gbɔnvo ɔ oji ɖiɖe onywɛ le na ke gbɔnnɔ ɖo miye ɔ mina tɛkpɔ Mawu. ²⁰ Oji ɖiɖe o nywɛ xi ɔ ɔn kpewu nan jɛ eji nan onu tita ɔn le. Gbɔnvo ni ɔ ɛmɛ ɖyɛ ye ɔ ye nyi ɔvɔsantɔ onu mata-mata. ²¹ Vɔ ke kan mɛke, Yesu ; e nan nyi ɔvɔsantɔ le onu tita ɛmɛke na lɔ ni lɔ bio:«Xwetɔ ta onu e ko nan gbɛ kpɔn:«O nyi ɔvɔsantɔ tɛgbɛ do yi.» ²² Do e wutu ɔYesu e va nyi ɛmɛ ɖaxo onywɛ okancica tɔn. ²³ Yiwɛdɔn oku nɔ xɛ mɔn na ɔvɔsantɔ ye na ye ɔn nɔ do san ɔvɔ tɛgbɛ doyi, iwɛdɔn ɔvɔsantɔ susu le san, ɖe xodo ɖe. ²⁴ Vɔ kena Yesu le ɛgbɛ tɛgbɛ, ɔvɔ sisan we dan itɔn ɔn nan ɖɔli kpɔn. ²⁵ Mɔndo yi do eji ɔ e le ogbesisɔ a do hwlɛn ɛmɛ ke nɔ tɛkpɔ Mawu ye gan gbɔn iɖe ji ɖo e le ɛgbɛ tɛgbɛ a do xo ɛɖɛ do ta ye nɔn. ²⁶ E nyɔn hwɛn na miye nan mia do ɖo ɔvɔsantɔ ɖaxo e mɔn xa tɔn. Nuvwɛn ɔn le ewu, ɔn do ɖiu, ekɔn, ye bo ɖe do vo na onu nyinyla watɔ ye e bo va nyi ɛmɛ ɖaxo hugan le jiŋkunsi. ²⁷ Do gbɔnvo nan ɔvɔsantɔ ɖaxo ye ɔ, e lɔ ɔn hian , a nɔ sanvɔ nɔn unkɔn ɖiɖe-unkɔn ɖiɖe, jɛŋkɔn, mɔn sɔ bɔ dewu na otogun ɔn. E san vɔ zɔnɖokpo ge ɖo ta ɛmɛye bi le iɖe sisɔ na mɛ. ²⁸ Taŋ ɔ osɛn ke na lɛ ɖi ɔvɔsantɔ ɖaxo ha na ɛgbɛtɔ ye ɔ ke na ɔn sɔgbe ɔ, vɔ onu tita we oxo ɔ ke na sɔn osɛn ɔ mɛ ɔ, e sɔ oviɔ sɔ ɖo, e bo sɔgbe gbun do yi manvɔ.