¹ Siɛ hin, mian jo onu tantyɛn ɛwɛn Kliso tɔn do, a mɔn sɛn le xɔ semɛ. Jimɛ titrɔ le nuku ye wu kpodo xɔse le Mawu mɛ we ɔfɔsɔ ye sɔ ɖote. ² A lo ɔfɔ nu kpinkplan do mɛnyɛn nyɔn tɔn do te, ɔlɔ ɖo na mɛ ye, kpodo ɛmɛfɔn sɔn ku ye kpodo kojo ɖiɖo mavɔ-mavɔ. ³ Mi na wa nu emɔn tɔye na Mawu yi gbe. ⁴ Ɖo ɛwɛ na mɛke ɖo kando eji kena kpɔn kiklɛn san ye, ke na ɖu nunina jiŋkunsi tɔn ye, ke na nyi gbigbɔ ɖedovo we ɛmɛye, ⁵ Ke na yi Mawu we oxo nywɛn kpodo hɔnhlɔn xwe kan we ko kena gbɔn nɔn, Vɔ ⁶ ke na jɛ nyɛn, evɛ wu na ye do danye do jimɛ titrɔ mɛ. Eke ɖo ye ke na yeɖeye Mawu we vi tete, kpodo unnyan le togun mɛ. ^{7 8} ɖo unkundan kenɔn oju ke nɔn ja do eji kpodo ke nɔn na aman nywɛn wu mɛke nɔn lɛgbɛ ye, nɔn yi do na ke sɔn Mawu de. Vɔ na e na nukaja ye kpodo ogbe ye, onjɛ bo mɔn vɛwu na nudo vivɔnu zo mɛ wɛ e nɔn yi. ⁹ Vɔ ke mi lɔ xo do e mɔn ha nɔn, hadue tɛye mi, ekpaca do mi ɖo nunywɛn ke kan mi ye kpodo ke kan hwlɛn gan ye. ¹⁰ ɖo Mawu ɔn nywɛn ɛmɛ nyɛn yran na do wɔn mian we dan ye kpodo wan nyi-nyi ke mi ɖe xlɛ na iwe Mawu we unkɔn, kpodo mi sɔdan na xɔsetɔye bo gbɛnkan do ewu gbɛ wasi nɔn. ¹¹ Mi bo jro nɔn bio mɛɖokpo mɛɖokpo ni wasi do e mɔn gun do yi vivɔ niu, ɖo na mian do ɖo ganjɛ wu ɖaxo kandoji tɔn. ¹² Mi ɔn kan nɔn na mian lɛ ɖiɖɔnɔn. Vɔ, na mian do nyin kpɔndo ɛmɛtɔ na mɛke nɔn yi ogbe ɖiɖo we ɛfɛnu do xɔse wutu kpodo hunkuku ye. ¹³ Ɖo gankemɛ Mawu ɖo gbe na Ablaxamu, Mawutanu, ɖo ɔn kpewu na tanu le mɛke hwɛnxwui we unkɔnmɛ. ¹⁴ Mawu lɔ bio:«Ko na do nawe jan wɛ, kpodo ko mɔn na wasi ona jivi susu.» ¹⁵ Kpodo e xin kpo, Ablaxamu bo yi nuke we xo Mawu lɔ ni le gbeɖiɖo mɛ. Ke na e mɔn te kpɔn Mawu kpodo hun kuku kpo we godo. ¹⁶ Ɖo gbɛtɔye nɔn tanu nɔn le mɛke ywɛnxwi ye we unkɔmɛ. Le vivɔnu na mɛɖokpo mɛɖokpo we xo ye, ye lɔ wɛ nyi ganjɛ wu ye we xoke ye lɔ yetɔn. ¹⁷ Gankemɛ Mawu sɔ gbeta bio a mɔn ɖe emɛ na cinɔɖutɔ gbeɖiɖo Mawu tɔn gan ji, iwe nukpinkpɔn mɛke ɔn kpo na ɖɔli. Mawu sɔ e xin bo xɔɖo nyin kpo iwe wan nyi na nɔn. ¹⁸ Mawu wasi na, kpo onu ɔwe ke na evɛwu na Mawu na do kanjo ɔ mimɛ ke na si ahwan, ke ɖo hɔnhlɔn ɖaxo na do hɛn ke ye sɔ do unkɔn na mi. ¹⁹ Mi ɖo kandoji leɖi hwlɛngan kandoji kpodo siisyɛn hu mian we okla ye tɔn, kandoji godo. ²⁰ Yesu ɖiɛ tɛnxo xin mɛ leɖi mɛtantyɛn na mi, ke lɛ ɔvɔsantɔ ɖaxo tɛgbɛtɛgbɛ ke na Mɛcisedɛki we ogbe ɖiɖe lɔ ɖoha.