¹ ɖo ɔvɔ san tɔ ɖokpo-ɖokpo, na can togun itɔn, abo xɔ ɖo nyi a bo wadan le ye we nyikɔ mɛ sɔ gbɔn do onu ke kan Mawu ye wu, na ye a do san ɔvɔ na xɔse kpo onuvwɛ ye. ² E na nyi onu ma sɔgbe le ɛmɛ ma nyɔn onu ye kɔn kpo ɛmɛ ke bu nɔ ye. Leɖi ke ye tet can gbɔjɔ ɖo ha. ³ Iwɛdɔn, e zin i can ji na do san ɔvɔ na iwe onuvwɛn jijɔ ye leɖi ke e wasi na onuvwɛn otogun ɔ tɔn ha. ⁴ ɛmɛ ti ɔn kpewu na sɔ bubu hin na itete, vɔ Mawu we leɖi ke e nyi na Alɔn ha. ⁵ E mɔn ke, Kliso tete ɔn sɔ bubu sɔ na iɖe bo do sɔ iɖe sɔ wasi ɔvɔ san tɔ ɖaxo, vɔ Mawu wɛ lɔɛ bio: «O nyi ovi tɛye, egbe ɔ, egbe ɔ ko nyi otɔ na we.» ⁶ Leɖi ke e lɔ akpabu ji ha:«yi wɛ nyi ɔvɔ san tɔ tɛgbɛ leɖi ke Mecisedɛki ha.» ⁷ Le gankemɛ e le gbaza mɛ ɔ, Kliso xo ɛɖɛ kpo ɛɖɛ we oxo kun ye, kpo axwa kpo, kpo avi na Mawu, ɛmɛ ke kpewu na hwlɛngan le okusi. Sɔgbɔn dɔnuɖuni kpɔn na ɛmɛ Mawu tɔn mɛ. E yi ogbe ni. ⁸ Ke e nyi ovi ni ganke, e kpɔn tonu sise sɔ gbɔn aya ɖuɖu itɔn mɛ. ⁹ E le gbeji bo va nyi ɛmɛ ke na hɛn hwlɛngan manvɔ-manvɔ do va na ɛmɛ ɖokpo-ɖokpo ke na ɖo oto wi-i. ¹⁰ Mawu sɔ-ɛ le leɖi ɔvɔ santɔ ɖaxo ha le Mɛlicisedɛki we ɖiɖo nu. ¹¹ Mi ɖo oxo susu na lɔ do Yesu wu, vɔ e nan siɛ xu na mi na do tin e mɛ ɖo mi ɔn nɔn ya wu mɔn onu jɛ onu mɛ. ¹² ɖo le ganxixo ke mɛ ɔn, mi mɛ ke o ɖo na nyi onukplantɔ ye ɔ, mi mɔn hian bio mɛɖe na kplan mi dodoe ɛwɛn Mawutɔn ye wu mi. ¹³ Mɛke gbɛ nɔn ɔnɔn nɔ ɔ, ɛgbɛ kpɔtɔ o nyi vikpɛvi nɔn le ŋkɔn na ɛhwɛ jijɔ we ɛwɛn ɔ. ¹⁴ Vɔ, ŋɖuɖu sisiɛn wu mɛhyɔn ye tɔn wɛ e nyi. ɖo mɛxi ye wɛ ɖo onu nyinyɔn do do ovo titɔn le o nywɛ kpo nyinyla mɛ.