¹ Iwɛdɔn, nɔvi kinkɔn ye, mi kpɔn gomɛ le oyɔ sɛxweto mɛ tɔn mɛ. Mi sɔ Yesu do yɔ onu, ɛmɛ didɔn kpo ɔvɔsantɔ ɖaxo mian we xosetɔn. ² E le gbeji na Mawu leɖi ke Moyizi can le gbeji ɖo ha le Mawu we oxwegbe. ³ ɖo Yesu-ɔ ye sɔ bubu ni sɔ Moyizi ɖo ɛmɛ ke gba oxwe ɖo bubu ni sɔ hu Moyizi ɖo ɛmɛ ke gba oxwe ɖo bubu sɔ hu oxwe ɔ, tete. ⁴ ɖo ɛmɛ wɛ gba oxwe ɖokpo-ɖkpo vɔ ɛmɛ ke wasi onu sia nu wɛ nyi Mawu. ⁵ Le akpa bu ji-ɔ, Moyizi nyi ɛmɛ le gbeji le Mawu we oxwegbe leɖi odansɔvi ha. E nyi kunu ɖiɖe na oxo ke ye na va lɔ ye le sɔɛ ye. ⁶ Vɔ Kliso wɛ nyi ovi ke ye sɔ ɖo Mawu we oxwe-ɔ nu. Mi nyi oxwe itɔn na ni nɔ te gliŋ do mian we kandeji kpo mian we jijɔɛ mɔn nu kpinkpɔn zɔn. ⁷ Iwɛdɔn, leɖi ke gbigbɔ kinkwɛn lɔ nɔ ɖo ha:«Egbe na mi se ogbe itɔn nɔ. ⁸ Mi ka mɔn siɛxu oji mian tɔn le oto sinsin mɛ le titinkpɔn we ganmɛ le zogbeji. ⁹ E ke nyi mian dagbo ye we ɛmɛ titinkpɔn kpo oto sisiɛn le zogbeji azan kanɖe, ye bo kpɔn bowe odan wiwa ye. ¹⁰ E mɔn ke, ko do aɖi do jijimɛ xin ye. Ko lɔ bio:"Ye nɔ bu nɔ le oji yetɔn ye mɛ, ye ko nyɔn omɔn tɛyee. ¹¹ E mɔn ha, ko tanu le bowe dɔmɛzo mɛ; ye ɔn kpewu na ɖiɛ bowe gbojɔɛ mɛ".» ¹² Mi kpɔn mia ɖe ji nɔviye, na ɛmɛ ti a ka mɔn ɔ ɖo oji sisiɛn xu le onu nyinyla mɛ, oji ke nɔ trɔ le Mawu ɛgbio-ɛgbio wu. ¹³ Vɔ-ɔ mi do hɔnhlɔn na mɛ na mi nɔniɔn ye le gbe sia geb, leɖi ke e na din ɖo ha can ni lɔ bio:«egbe» ɛmɛ ti ni ko mɔn ɖe omɔn na onuvwɛn. ¹⁴ ɖo mi o wasi ɖokpo kpo kliso, na mi nɔ ote gliŋ le mian we kandeji mɛ-ɔ, sɔn siɛ gbun do yi vivɔ nu. ¹⁵ Ye lɔ do e wu bio:«Na mi se ogbe itɔn nɔ egbe ɔ, mi ka mɔn siɛn oji miatɔn leɖi tonu masetɔye ha.» ¹⁶ ɛmɛ ni lɛ nyi ɛmɛ ke nɔ se Mawu we ogbe a bo cite do ewu? ɔn nyi ɛmɛ ke Moyizi ɖe tɔn Ejiputu ye wɛ? ¹⁷ ɛmɛ ni wu lɛ ye do aɖi do gbun na azan kanɖe? ɔn nyi ɛmɛ ke wa onu vwɛn ye kpo ɛmɛ ke ocɔ ye jɛ zogbejiye wɛ? ¹⁸ ɛmɛ ni we onuye na ta na ye ɔn ɖiɛ gbɔjɔɛ itɔn mɛ? na ɔn nyi ɛmɛ ke gbɛ ogbe ni ye? ¹⁹ Mi kpɔn bio ye ɔn kpewu na ɖiɛ gbɔjɔɛ itɔn mɛ ɖo onuji makando ye tɔn wu.