¹ I wɛ dɔn mi ɖo nan sɔ susu si ɖo nuke mi se nɔn ye ji mi ko nan ɖo trɔ le e kɔn ² Ɖo nan ɛwɛn ɛwɛndotɔ do ɔ yitete ɔ bo doe wu tonnumanse kpo didale ji bo hin oto dindɔn ke jɛ kpo ɔ do va. ³ Nanɖe mi na jodo ɖɔ nan mi hɔn so yɔ onu hwlɛngan ɖaxo ke? Xwetɔ tantin wɛ lo hwlɛngan ke we hɔ bodo u ɔ min ke se ye bo va tɛ ɛɖɛ eji nan mi. ⁴ Gbɔn ɖexlɛ ye min, onu kpaca ɛmin kpo hɔnhlɔn we dan dan vuvue ye min , Mawu can ɖe kunnu bodoe u agba gbɔn onu ninan gbigbɔ dovo nɔn ɖike e jue ɖoha. ⁵ Ɖo ɔn hɔn yi ɛwɛn dotɔ ye hwɛn Mawu sɔ ɛgbɛ ke o gbɔnnɔn nan ke we oxo mi lɔ nɔn. ⁶ Le iwe godo ɔ, mɛɖe le fiɖe bo ɖe kunnu bo lɔ:«Nu ni gbɛtɔ yin nan odo flin nɔn? a lo gbɛtɔwe vi nan o do wle obiɔ ni nɔn? ⁷ Viɖe we ɛwɛditɔye do hugan gbɛtɔ ke oɖo, o do gigo ni bo mɔn suɛ su. ⁸ O sɔ nubi bo sɔ ɖɔ ɔfɔ gɔ ni.» Ɖo iwɛ Mawu sɔ nubi ɖo iwe ɛcɛ gɔ. Ɔn jo nuti do ke hɔn le iwe ɛcɛ gɔ. Co ganke ɔ, mi hɔn ka kpɔn bio ye mɔn sɔ nubi sɔ ɖo i we ɛcɛ gɔ. ⁹ Vɔ mi kpɔn mɛke ye sɔ ɖo ota nan ɛwɛdotɔye nan ogan xixo viɖe, Yesu ke, ɖo iwe vivɛ sise kpo iwe oku ɔ, ye cɔn xɔlu we gba ni bo sɔ susu ni. Iwɛ dɔn, sɔ gbɔn Mawu we ɛfɛnu mɛ, e ɖo oku kpɔn nan gbɛtɔ ɖokpo ɖokpo, ¹⁰ E le yɔn yɔn mɛ nan Mawu, do mi bi le ni bo gbɔn e ji, a do hin ovi susu va gigomɛ. E le yɔnyɔn mɛ ni a do sɔ va mi mɛ mɛke kplɔye we hwlɛgan gbɔn iwe vivɛsise mɛ. ¹¹ Ɖo mɛke oɖonɔn kpo mɛke ye d ɔ yee jɔ sɔn oti ɖokpo. Iwɛ dɔn mi ɔn kpewu nan kpɔn ŋkpɛn nan ye yɔ mi bio nɔnvi le xɔse mɛ, ¹² E lɔ:«Ko na jra iwe yin kɔ nan nɔn viyee le xɔse mɛ, ko nan ji kpikpa han nanwe le dodo mɛ nan mɛke bo ye.» ¹³ Mɔn sɔ kpe ɔ:«Ko nan sɔ bowe kandeji sɔ ɖo e mɛ.» Bmɔn trɔ va e jiɔ:«Kpɔn, bo hin yi ke kpo vikpɛ yee ke Mawu nan ɔ.» ¹⁴ Iwɛdɔn , ɖike vikpɛ Mawu tɔn ye o man lanti kpɔ ɛhun ɔ, Yesu can man hlinye kpo ye an do nan so gbɔn oku min, e yi ji ke we gɔnmɛ yin legba. ¹⁵ E mɔn wɛ e wasi nanɖo wlin ye min ke e sɔ wasi kannu mɔn ɖo oku u. ¹⁶ Ɖo kande ji ɔ, ɔn hɔn yin ɛwɛndotɔyee hin e gɔ alɔ nan nɔn iwe godo ɔ, Ablaxamu we jiji mɛ ye we e va gɔ ɔlɔ nan. ¹⁷ Gbɔxwe nuke nan tɔn sɔn emɛ ɔ, e le vivɛɖe ni nan do trɔ ɖi nɔn viɔ ye ha gbɔn walɔ bi mɛ nan ɖo trɔzun ɔvɔsantɔ ye we oga ke le gbeji kpo ɔdɔnu ɖunu kpɔn nan ɛmɛ Mawutɔn le onu Mawu tɔn yee mɛ sɔ kpe ɔ nan do ɖetɛ ovwɛn we sisɔkɛ otogun ɔ tɔn. ¹⁸ Ɖo Yesu tete ɔ o se vivɛ bo ɖo kpɔn, e kpewu nan do gɔ ɔlɔ nan mɛke ye o dokpɔn nɔn yee.