¹ Siɛ xɔse wɛ nyi ganjɛ wu ke nɔn na ye nɔn do ɖo nuke mi kan nɔn ye. Nuɖe wɛ e nyi na nuke mi ɔn kpɔn nɔn hɔnɖeye. ² ɖo, kpo xɔse kpo mian dagboye ɖe ye we xɔse ye xlɛ. ³ Kpo xɔse kpo mi nywɛn bio ɛgbɛ kpo ogbe ɖiɖe Mawutɔn wɛ edowasi ɛgbɛ, bio nuke mi kpɔn nɔn ye ti ɔn nyi wiwasi kpodo nuke mikpɔn nɔn ye. ⁴ Kpo xɔse kpo wɛ Abɛli do na nu wu Mawu ɔvɔsisan ke hugan hu Kayɛn tɔn. Iwɛdɔn na edo nywɛn ɛmɛ mi mɛ. Mawu bo kafwi do nunina kiye wu. Kpo xɔse kpo, Abɛli gbɛ lɔxo mɔn eku ganke. ⁵ Kpo xɔse wɛ Mawu kɔ Enɔku na ɔn mɔn do ku. «Nyɔn ɔn, kpwɛn, ɖo Mawu kwoɛ bɛ le ye mɛ.» Ɖo gbɔxwe na Mawu na do kwɔɛ, ye lɔ ɖewu bio mɔn wanu nɔn na do nyɔn kpɔn le Mawu we unmɛ. ⁶ San xɔse, eve u na o nado wannu na iwe nu ado jɔji alo ado jɔjini. Ɖo mɛke yi geb na Mawu ɖo na kandoji bio Mawu mɔn le kpodo emɔn nyi hlwɛngan tɔ na mɛke kin nɔn ye. ⁷ Kpo xɔse kpo mɛ wɛ Mawu tɔgbe wu Nɔnwe do nuke na mi ɔn kpɔn nɔn ji, kpo vivo gbigbɔ mɛ tɔn, wasi zɔnvi ɖaxo na do xwlɛn iwe xwedo gan. Ke ewa emin, ebo bo bo ɛhwɛ wu ɛgbɛ bo trɔ cinɔn ɖutɔ ɛhwɛ jijɔ tɔn ke nɔn va xɔsekpo. ⁸ Kpo xɔse kpo wɛ Ablaxamu, gankemɛ na Mawu yɔɛ, e bo se siyɛn iwe cinɔn tɛnxo mɛ. E sɔn nɔn vɔ ɔn nyɔn fike e nyi nɔn. ⁹ Kpo xɔse kpo wɛ edo nɔn unkundan ke Mawu lɔni le gbeɖomɛ le ɖi jonɔn ha. E bo nɔn dɔ ɔvɔxɔmɛ kpodo vikpɛ itɔn Izaki Jakɔbu, cinuɖutɔ gbeɖo ɖokpo ɔ tɔn. ¹⁰ Eke, ɖo enɔnte kpɔn xɔdogun toxo ɖokpo ke na iwe susuɖetɔ kpodo gbigba tɔ na nyɛn Mawu. ¹¹ Kpo xɔse kpo wɛ Ablaxamu yi ɛcɛ na do ɖo ovi, ke na sa la nyɛn aji kponɔn. Eva cicɛ mɛ eku daxwe ganke ɖo ye kpɔn nɔn bio mɛke mɔn ɖogbe na ye mɔn le gbe ji. ¹² Ɖo iwɛ dɔn na gbɛtɔ ke na kpɔ kuku, ji vi susu. Yesu leɖi sunhwevi ke le jinukunsi ye ha kpodo leɖi okɔ na le ɛhu bo ke mi ɔn kpewu na xwlɛ. ¹³ Mɛ xinye bi ku le xɔsemɛ, ye ko yi ogbe ke Mawuu do na ye. Voti tɔn, ke ekɔnye bo dogbe dodan ye le didiɔn nu, ye nywɛ bio hi ye nɔn nyi jonɔn kpodo vayi-vayi nɔn le unkundan ji. ¹⁴ Ɖo mɛke ɔn lɔ emɔn ye ɖe xwɛ bio hi ye mɔn kan tɛnxo ɖe na hiye tete nɔn. ¹⁵ Na, ye ɖo ɖo ojro ha do yi oto kemɛ ye lɛle, ye na kpɔn mɔn na do trɔ yi. ¹⁶ E mɔn, ye na kan oto nywɛn ke nyi jiŋkunsi. Kpo unkɔntɔ e hin, Mawu ɔn ɖo unyan na do nywɛn ye we Mawu ɖo ejro toxo na ye. ¹⁷ Kpo xɔse kpo wɛ Ablaxamu , ke eyi didokpɔn we godo, eji Iizaki ovi itɔn ɖokpo ke eɖo bo sɔ sanvɔ, ike na Mawu dogbe na. ¹⁸ Ablaxamu wɛ ye lɔ na:«Izaki wɛ na ji iwe dagboyɔvi ye.» ¹⁹ Ablaxamu kandoji bio Mawu mɔn kpewu na fɔn Izaki sɔn ku kpodo ke Mawu lɔ ɖo, Mawu we ji ni. ²⁰ Kpo xɔse kpo wɛ Izaki do ɛkpɛ na Jakɔbu kpodo Ezawi bo nyɔn nuke na va jɔ ye. ²¹ Kpo xɔse kpo wɛ Jakɔbu, gankemɛ na Jozɛfu we vikpɛ ye. Jakɔbu bo sɛn Mawu nɔn, kpo xɔse kpo. ²² Kpo xɔse kpo wɛ Jozɛfu. Ke oku itɔn kpɔ, lɔxona Izrayɛli we vikpɛye do ye we sisɔnle Egiputu we tomɛ bo lɔ na ye bio ye mɔn sɔ oxu kiye. ²³ Kpo xɔse kpo wɛ Moyizi, gankemɛ ye ji, ye sɔ hwla na suzan ɔtɔn iwe ɛmɛye ɖo ye kpo bio e mɔn nyɔn hwɛn. Nyɔn vo na xɔlu we gbe ɖiɖe ey. ²⁴ Kpo xɔse kpo wɛ Moyizi lɛ mɛnhiɔn bo gbɛ bio ye ni ka mɔn yɔ he bio Falawɔn oviɔ nyɔnusi we vi. ²⁵ Vɔ votitɔn e sɔ gbeta na do se vivɛ kpodo Mawu we togun hu a nɔn ojro nuvwɛn tɔn mɛ na ganxixo ɖe. ²⁶ Eyi gbe na unyan do xodo Klisoo leɖi dɔkun ɖaxo ke hugan we Egypu we dɔkun. Ɖo esɔ iwe unkunsi ye bo xɔ ɖo ojɔ unkɔn tɔn ye mɛ. ²⁷ Kpo xɔse kpo wɛ Moyizi lɛ le Egyputu. Ɔn vo na aɖi xɔlu tɔn nɔn, vɔ e bo se iwe vivɛ dokpɔn mɛke na le vuvlumɛ nɔn. ²⁸ Kpo xɔse kpo wɛ odo kpɔn vivayi we oxwe kpodo ɔxɔ tutu Yesu we ɛhun tɔn na ɛmɛ tantyɛn hutɔ ɔn na tɔ lɔ Izrayɛli we vikpɛ ke ye ji do unkɔn ye. ²⁹ Kpo xɔse kpo wɛ ye do gbɔn ɛxu ve mɛ leɖi unkundan xuxu ha. Ke na Egyputu tɔ ye do te na do huye, ye mɛbi wɛ ku. ³⁰ Kpo xɔse kpo wɛ ado Jeliko tɔn ye mun, ke na ye lɛdo ye na azan acowe livɔ. ³¹ Kpo xɔsekpo mɛke we Rahabu oga lɔtɔ ɔn do ku kpo mɛke na dale sɛn ji nɔn, ɖo e nyi nuhwihwla ye do bibɛ mɛ. ³² Xo ni ko mɔn na lɔ? ɖo gankemɛ na xwedo na ko na do lɔ Jedewɔn, Baraki, Samusɔn, Jɛfute, Davidi, Samiɛli kpodo xɔlɔɖenyitɔ ye tɔn. ³³ Ke na, kpo xɔse kpo ɖu le xɔluɖuɖu xwe ye ji, bo wa mimɛ nɔn bo yi ogbe ɖiɖo ye. Ye nɔn tunu na okpɔye. ³⁴ Amɔn ci ozo we hɔnhlɔn, amɔn sina akpamɛ hwi ɖiɖa, bo gɔ dɔn na ɔdɔnnɔ ye nɔn, bo nyi ɛmɛ ke na ɖun ahwan kpodo amɔn nyan ahwan funtɔ jonɔn ye. ³⁵ Nyɔnnsui fɔn sɔn ku. Ye gbi ɖi mɛɖe ko kan nɔn nan kpɔn hwlɛngan, ado fɔn sɔn ku. ³⁶ Mɛɖe ye nyin kiko bo mɔn ɖu ha, mɛɖe ye nyin bibla ye mɔn tuye do gankpamɛ. ³⁷ Ye tɔ hwan wu ye, bo man do ɔwe, e sɔ akpamɛ hwui do gbkɔ na ye. Ye man do bowɛ kpodo blɛ, bo do olanye we gbaza gbɔvi alo onywɛn ye tɔn, bo vo le nubi mɛ, ye wle ye bo do aya na ye. ³⁸ ( Ye mɛke na ɛgbɛ ɔn nyɔn na ye) man do zogbeji kpodo oto ye ji, le onuɖu tɛnxo ye mɛ kpodo omɔ ke na ɖiɛ ɛgbɛmɛ. / ³⁹ Ke na mɛ kiye nyin ɛme na Mawu do ye we xɔse wutu, nyɔn yi ogbe ke Mawu ɖo na ye. ⁴⁰ Vɔ ke na Mawu ɖo nunywɛ ɖe na mi, na nyɔn na do tɔn xwlɛn gan gbe san miye.