¹ Kliso hwlɛ mi gan na mia we jroko ko. ² Ko lɔ na mi nɔ, blɔ Pɔlu, na mi gbo ada ɔ, Kliso ɔn ɖo ale ɖe le ɛmɛ gbɔn walɔ ɖe mɛ. ³ Mɔn yi de ji ɖokpo ɔ, ko ɖe kunnu na unsunglo ke gbo ada nɔn yee e mɔn le dandan mɛ bio ye mɔn na zɔn do osɛn bi ji. ⁴ Min tɛyi le Kliso wu(din), mimɛ bi ke kpɔn hwlɛngan gbɔn osɛn ɔn mɛ. Mi ɔn mɔn le ɛgbɛ gbɔn ɛfɛ nu ɔ mɛ. ⁵ Sɔ gbɔn do gbigbɔ ji gbɔn xɔse, mi tre kpɔn jijuɛ yinyin we kande ji nɔn. ⁶ Le Yesu Kliso me, ada gbo tɔ lo, alo ada man gbotɔ lɔ ɔn nyi nuti. Vɔ xɔse ɖoɖio ke nɔn wa odan gbɔn wan nyi-nyi mɛ ɔ. ⁷ Hue ɖu nyɔn wɛ mio donɔn. Min ɖomi te nan mian do se tonu nan oxojɔxo ɔ? ⁸ Ojro na mia do wasi nuhlɔn sɔn mɛke yɔ mi ɔn. ⁹ ɖo kɔ tinkin viɖe nɔn fɔn a man bi cite. ¹⁰ Le xwetɔ mɛ ɔ ko do kan de ji bio mi mɔn ɔn susu bu. Mɛke o caka minɔn, ɖike e ledo ɔ , nan xin tete we ɛhwɛ dido. ¹¹ Nɔnviye, nan ko lɔ oxo do adanji nɔn , unni jɔ mi do do vivɛ sise nan nɔn? Le e xin mɛ ɔ ye ɖetɛ ofɔ klin tisoga tɔ tɛ. ¹² Ko jro bio mian ke ye o dɔn mi do onu yin ylan min nɔn ye ɔ nan yee tete a tɔn le mia mɛ. ¹³ ɖo, nɔnviyee, Mawu yɔ mi nan vivo(jroko ko). ɖokpo le emin, mi ka sɔ vivo ke sɔ wasi mɔn nu kpinkpɔn a do nɔn egbɛ le gbazamɛ. Vɔ sɔ gbɔ do wan nyi-nyi mɛ ɔ mi gɔ ɔlɔ mianɖe. ¹⁴ Sɔ gbɔndo gbeta ɖokpo mɛ wɛ osɛn bi nyi cicɛ le, le e ke mɛ:«O nan nyi wan nan nɔn vu we ɖi yi te te ha.» ¹⁵ Vɔ nan mi o hu a ɖu mian ɖe nɔn trin mian ɖe nɔn, mi cɔ miaɖe nan mi ɔn nɔ na do gun mianɖe. ¹⁶ Ko lɔ nɔn, mi zɔn zɔn lin le gbigbɔ mɛ, mi ko nan do wasi gbaza we jro. ¹⁷ ɖo gbaza we jro ye ɔ gbɔn vo nan gbigbɔ we jro kpo gbibgɔ we jro ɔ can mɔn gbɔn vo nan gbaza we ojro. ɖo yee kpan ta ye ɖe yee. Oho ta ɔ yin bio mi ka wasi nike mi jro nan wasi. ¹⁸ Vɔ nan gbibgɔ o kplɔ mi nɔn mi ɔn mɔn le osɛn ɔ gɔ. ¹⁹ Siɛ-ɔ, gbaza we oga lilɔ we susu, gbe ji man nɔn ɔfɔ do gbe, ²⁰ Yɛhusi sin, aze siɛn, onu man sɔ yɔ onu, onu didɔn, ɛwuhwan, olan diɔn , okɛn dido, kinklan, ohun sisen yee, ²¹ ojlo, ahan nu mu, onu ɖu hu nu kpo onu ke ɖi yee. Ko sia mi nɔ, ɖike ko sia miɖo mɛke nɔn zan wa lɔ xiye nɔn ɔn kpewu nan ɖu cinɔn Mawuwe xɔluɖuxwe. ²² Vɔ gbigbɔ we onu ninan wɛ nyi, wan nyi-nyi, jijuɛ, fifa, ohun kuku, onu nywɛ wiwa, wiwla xɔse; ²³ ɛmɛ hinhin blɛ o, ɛmɛ ɖe ji ɖuɖu. Osɛn ti ɔn le ke kpan ta onu xiye. ²⁴ Mɛke nyi Yesu Kliso tɔn yee ɔ ye kan do tisoga ji gbazawe jro yee kpo ojro nyiylan yee. ²⁵ Na mi ɔn nɔn ɛgbɛ le gbigbɔ me ɔ mi mɔn ɖo mɔn nan zɔn zɔn lin le gbibgɔ mɛ agba. ²⁶ Mi kan nyi onuvovo wasitɔ a do do huɛvo le mi nɔn niɔn wu alo a bo biaŋ do miaɖe wu.