¹ Nɔnvi yee, na ye gbo ɛmɛ ɖe do e bo we onuvwɛn nɔn, mi mɛ ke le gbigbɔ mɛ ye ɔ, mi fɔn-ɛn le dɔme fifa mɛ. Mi nɔ ŋuzɔn do miaɖewu, ,a ye ɔn na do tɛn mi kpɔn. ² Mi hɛn agban kpo mi nɔn nyɔn ye, e mɔn ha, mi wasi do Kliso we osɛn ji xɛn xin. ³ ɖo na ɛmɛ bu-i bio he mɔ nyi onuɖe vɔ e ka nyi onu ɔ hɔnɖe, e blɛ iɖe. ⁴ ɛmɛ ɖokpo ɖokpo ni glo odan itɔn ye kpɔn , e mɔ na e mɔ do nyɔn onu ke wu na kɔ iɖe yi ji ɖo ɛmɛ ɖe wu. ⁵ ɖo ɛmɛ ɖokpo ɖokpo na hɛn agba itete tɔn. ⁶ ɛmɛ ke ye kplan Mawu we oxo wu nɔ, e ɖo na ma onu nywe ke le esi kpo ɛmɛ ke na kplin nɔ. ⁷ Mi ka mɔ blɛ miaɖe ɖu, ye ɔn nɔ ko Mawu. Onu ke na ɛmɛ xwa iwɛ e nɔ ɖe. ⁸ ɖo na ɛmɛɖe xwa onu na agbaza itɔn, e na ɖe cicrɔn. Vɔ ɛmɛ ɖe kpokpoe ke na wa onu na gbigbɔ e na ɖe ɛgbɛ mavɔ sɔn gbigbɔ mɛ. ⁹ Mi ni ka mɔ gbɔjɔ le onu nywɛ wiwa mɛ, ɖo oganxixo na va va mi na ɖe mi ɔn gbɛ jodoo. ¹⁰ Iwɛ dɔn na mi ɖo o mɔ nu kpinkpɔn, mian wa onu nywɛ na emɛ bi, vivɛɖe mian wa onu nywɛ na ɛmɛ le yise me ye. ¹¹ Mi kpɔn wema ɖaxo ke ko wla na mi kpo ɔlɔ tɛye kpo. ¹² ɛmɛ ke na jro bio hiye mɔ na jɛŋu na gbɛtɔye, ye zin mia ji nɔ na mia do gbo ada onu ke le vivɛɖe na ye jan wɛ yi bio, ye ko mɔ do ɖe ofun na ye nɔ do Kliso we tisoga wu nɔ. ¹³ ɖo ɛmɛ ke na gbo ada xin ye ɔ, ye ɔn nɔ wa do osin ɔ , ye jro bio miye a gbo ada , ye mɔ do mlan bio hiye me mɔ dɔn na mi ye mɔn ɖo gbo ada. ¹⁴ Blɔ, onu ɖokpo ke kona ɖo mlan jan wɛ nyi, xwetɔ miatɔn Yesu Kliso we tisoga. Do oku itɔn tisoga ji wu, ɛgbɛ mɛ we onu ye nyi kuku na-a, bo can bo nyi onu kuku na ɛgbɛ-ɔ. ¹⁵ ɖo, ada gbigbo ɔn le vivɛɖe gbun na ada ma gbo do le vivɛɖe, vɔ atrɔ zun onu yoyo we le vivɛɖe. ¹⁶ Na ɛmɛ ke nɔ do osɛn ɔ ji, na fifa kpo doŋuɖunu kpɔ na ɛmɛ Mawutɔn ni nɔ ye ji kpo Izrayɛli Mawutɔn ji. ¹⁷ Bɛ sɔn syɛ, ɛmɛ ti ni ko mɔ do vivɛsise na-a, ɖo blɔ abikpa ke na le gbaza tɛye wu ye, ɖe xlɛ bio ko mɔ nyi Yesu tɔn. ¹⁸ Na ɛfɛ nu Yesu Kliso mia we xwetɔ tɔn ni nɔ kpo nɔvi xɔsetɔye. Ami.