¹ Ko lɔ bio ke na cinɔn ɖutɔ gbɛ nyi ovi, ɔn tɔn vo na kan numɔn. Ke na otɛ nyi xwetɔ na dɔkun bi, ² Vɔ e nyi odansɔvi na ɛmɛ xin tɔ kpodo dokun kiji kpɔntɔ ye gun do jɛ ganke mɛ na Mawu otɔ lɔ do. ³ Mi ye can, gankemɛ na mi le ovi, mi le ɛgbɛ mɛ we onu ye we ɔgɔ. ⁴ Vɔ gankemɛ na ogan ke ye sɔ va, Mawu sɔ ovi ɔ bo sɔ ɖodan, ke nyɔnnusi Mali ji, ke yi le osin we ɔgɔ. ⁵ Mawu wasi emɔn na do xwlɛn mɛ kena le osin gɔ ye, na mian do nyi emɛhihin gbɔn oviɔ ji. ⁶ ɖo ovi wɛ mi nyin, Mawu na sɔ gbigbɔ oviɔ tɔn do mian we ji me, Mawu na sɔ gbigbɔ oviɔ tɔn do mian we ji mɛ, gbigbɔ ke nɔn do axwa:«Aba-Otɔ». ⁷ Ke e nyin emɔn , mi ɔn nyin kan numɔn vɔ mi nyi ovi, na mi nyi ovi, mi nyi cinɔnɖutɔ gbɔn Mawu mɛ. ⁸ Vɔ do unkɔn, na mi ɔn nyɔn Mawu, ɖo mi na mi an do nyi kan numɔn na mɛke ɔn nyi Mawu vitwoe ye. ⁹ Vɔ siɛ ke na mi nyɔn Mawu, alo ke na Mawu nyɔn mi siɛ, e ni jɔ na mi mɔn na do trɔ kɔ si nyin mɛke lɔn ɖe hɔnhlɔn ye kpodo mɛke hɔn ɖo walɔ nyɛ ye kɔn! mi mɔn kan nɔn a mɔn trɔ nyin kan numɔn nɔn? ¹⁰ Mi kpɔn azan, osun, ganmɛ kpo oxwe ye. ¹¹ Ko vo na mi nɔn bio bowe dan kpo mi ni ka zun vɔ. ¹² Ko biɔ mi nɔ, nɔvi le xɔse mɛ ye bio mi mɔn leɖi ke ko le ha, ɖo ko leɖi mi ye can ha. Mi ɔn wa nuti do, ¹³ mi nywɛ bio gbekegbe ko lɔ ɛwɛn nywɛ na mi, do gbɔjɔɛ-gbɔjoɛ gbaza tɔn wu wɛ dɔn. ¹⁴ Xojɔxo ke na bo we zan lilio e nyin didokpɔn na mi, mi ɔn gbɛ mi ko mɔn xɔ daflin, vɔ votitɔn, mi yiwu leɖi ewɛdotɔ Mawutɔn, leɖi Kliso Yesu itete ha. ¹⁵ Fie mian we dona le siɛ? ɖo kpewu na ɖe kunnu na mi bio, ejɛ, na mi na ɖe mian we unkunsi ye amɔn sɔ na. ¹⁶ Siɛ ko lɛ mian we kintɔ ɖo ko lɔ xojɔxo na mi nɔn alo? ¹⁷ Mɛɖe ye le ke ɔn wa nu na mi nɔn a do kpɔn ye tɔn. Vɔ ɔn nyi na mian we o nywɛ. Ye jro na klan mi le wiye na mian do kpewu xo doye. ¹⁸ E nyɔn hwin na ɖo hunkuku na ɛhwɛ nywɛ ye, ɔn hɔn nyi gankemɛ na ko le kpo mi hwin. ¹⁹ Vikpɛtɛye mi, ko gbɛ se vivɛ na mi nɔn gun Kliso a do yi tɛnxo le mian mɛ! ²⁰ Ko jro na nɔn kpo mi le ble sie amɔn ɖɔli agbe tɛye, ɖo gi jɔ do mian wu. ²¹ Mi lɔ na , mɛmɛke jro na wa do sɛnji mi ɔn se xo ke na osɛn lɔ nɔn? ²² ɖo ye wlan bio Ablaxamu mɔn ɖo ovi unsunglo ɔwe, meɖe ke na nyɔnnusi kan numɔn nɔn ji. ²³ E nyi e mɔn ganke, mɛke na nyɔnusi kannu mɔn ji e nyi le gbazamɛ, vɔ mɛke nyɔnnusi vivonɔn ji e nyi le ogbe ɖiɖio Mawutɔn mɛ. ²⁴ Onu emɔn tɔn ye kpewu na nyin titimɛ kpo do olokpo. ɖo nyɔnnusi ɔwe kiye leɖi ozo ɖuɖu, mɛɖokpo sɔn oto Sinayi e bo ji ovi kannu mɔn ye, Aga wɛ. ²⁵ Siɛ Aga wɛ nyin oto sinayi le Arabi ke nyi Jeluzalɛmu sie tɔn, do e le kannu mɔn gbe ji kpo vikpe itɔn ye kpo. ²⁶ Vɔ Jeluzalemu ke le jixwe vo, mian nɔ wɛ. ²⁷ ɖo ye wlan bio:«ja wa, nyɔnnusi ovi majitɔ, yi ke na ɔn ɖo vi; do jijwɛ we axwa, i ke na ɔn se vive ovijijitɔn. ɖo nyɔnnusi ke ye jo do we vikpɛ ye su hu nyɔnnusi ke ɖo osu ɖokpo.» ²⁸ Siɛ, mi ye nɔvi le xɔse mɛ, le ɖi Jaki ha, mi nyin ovi ogbe ɖido ye. ²⁹ Le ganxinmɛ, mɛke ye ji le gbaza mɛ, na yran do mɛke na ye ji do gbigbɔmɛ. E mɔn , e mɔn wɛ e le egbe. ³⁰ Xo ni Mawu xo wiwlan o lɔ nɔ? «Nyan nyɔnnusi Kannu mɔn kpodo iwe vikpɛye. ɖo nyɔnnusi kannumɔn we vikpɛye ɔn na ɖu cinɔn ɖokpɔ kpo nyɔnnusi ke vo we vikpɛye.» ³¹ E mɔn, nɔvi le xɔse mɛ ye, mi ɔn nyi nyɔnnusi kannu mɔn nɔn we vikpɛ ye, vɔ nyɔnnusi ke ɖo vivo we vikpɛye.