¹ Galatitɔ numa nyɔn tɔ ye, Mɛ lɛ flu mi ɖewu ɔ? ɔnyi miye tete we ŋmɛn hwɛn ye ɖe Yesu we kikan ɖo atisoga xlɛ mi le? ² Ko jlo na nyɔn nuke sɔn mia kɔɔ. Mi nyi gbigbɔ kinkɛn do gbɔn wa lɔ mia tɔn ye ji we a lo mi yi do gbɔnkan do eji ke mi ɖo do oxo ke mise wu? ³ Onu manyɔntɔ we mi, nyi e mɔn ha? Mi be dan le gbigbɔ mɛ a do va kpa le gba zamɛ wɛ? ⁴ Nuke mi kpɔn ye ɔ vovo we ye nyi? Ye ɔn nyi vovo mɔn! ⁵ Ke mi nyi Mawu ji se do wɛ dɔn e do sɔ gbigbɔ na mi, bo do wa onu kpaca ye le mia mɛ nɔn, a lo ke mi se oxo nyitɔn bo yi e ji se we dɔn-ɔn, ⁶ Mawu we oxo lɔ bio« Ye ɖe Ablaxamu xwe jijwɛ nyi-nyi do gbɔn yiwe xɔse ɖiɖoji.» ⁷ Mi ɖo na se igɔnmɛ lɔ bio meke na ɖo xɔse nyi Ablaxamu we ovi ɔ. ⁸ ɖo winwlan ɖo lɔ bio, Mawu mɔn na sɔ Maxɔsenɔn sɔ wasi ɛme jijɔ do gbɔn xɔse yetɔn ji ɖo e nyi lilɔ na Ablaxamu le san lɔ bio«ŋkundanji bwɛ ye wɛ jijimɛ viye na yi-i yayla nɔn sɔn gbɔn jiwe.» ⁹ Ablaxamu nyi yayla nɔn do gbɔn kando eji yitɔn ji e mɔn xa ke menke ɖo kando eji ye can nyi yayla ɖi yiha. ¹⁰ Mɛke nɔn doto wu osɛn ɔ ye nyi nudonɔn ɖo e nyi winwlan lɔ bio:«Nlan do na meke na ɔn nɔn sɔ osen do odanwiwa mɛ bi.» ¹¹ Yi mɛ kɔn lɔ bio mɛnti ɔn na nyi ɛmɛ jijɔ le Mawu we ŋmɛ do gbɔn osɛnji ɖo « ɛmɛ jijɔ na nɔn ɛgbɛ do gbɔn xɔse wu.» ¹² Osɛn ɔn sɔn xɔse wu, vɔ«Mɛke ɖo to bo zɔn do eji ɔ na nɔn ɛgbɛ.» ¹³ Kliso nyi mi le nudo mɛ dogbɔn nudo nɔn ke yitete wasi wu, ɖo e nyi winwlan lɔ bio« Mɛɖe kpokpoe ke nye kan do atisoga ji nyi nudonɔn» ¹⁴ Yiwe dogbɔn Yesu Kliso jiɔ yayla na nyi Maxɔse tɔn ye tɔn , na ma ɖo nyi gbigbɔ kinken dogbɔn xɔse ɔ ji. ¹⁵ Nɔn viye mi-i, ko lɔ xo nɔn ɖi-i gbɛtɔ ha. Mɛti ɔn kpewu na bu Mawu we akpagbe a lo sɔ ŋti sɔ kpe ni-i. ¹⁶ Siɛ ɔ Ablaxamu kpo yiwe jiji mɛ viye we Mawu do akpagbe na. Ye lɔ bio" jijimɛvi ye" le ɖi-i ke jijimɛ vi susu nɔn wasi ɖo ha vɔ na " lɔ jiji mɛvi" Ke ɖe xlɛ lɔ bio mɛɖo kpo jan we nɔn nyi-i. Mɛnxi we nyi Yesu Kliso. ¹⁷ Xo ke ko lɔ nɔn we nyi bio, Mawu wasi ocancica kpo Ablaxamu kpo yiwe jijimɛ vi, yiwɛ e ɖo ɖkpɛn eji bio ɔfɔ we ogban va yi keŋ gbɔxwe osɛn va. ¹⁸ Na e nyi bio Mawu we akpagbe dido sɔn osɛn ɔn men wɛ ɔ, ke ɔn mɔn nyi akpagbe. Vɔ onu wɛ onyi na Mawu sɔ do akpa gbe na Ablaxamu. ¹⁹ Siɛ ɔ, ŋni-i jɔ na osɛn ɔn ɖo le? E va na ɛmɛ ye na do nyɔn onu nyinyla wɛ gudo ba jɛ gankemɛ akpagbe we jijimɛ na va-a. Mɔn sɔ nu ɔ, Mawu dɔla ye wɛ sɔ osɛn na ( oxo nyi do ɛme nutɔ ɖokpo) ²⁰ Na nye lɔ oxo nyi do ɛmɛ nu tɔ-ɔ e hun gan wu mɛ ɖokpo, vɔ Mawu ɔ ɖokpo wɛ e nyi. ²¹ Osɛn ɔn cite do Mawu we akpagbe dido wu wɛ? Oo! Na e nyi bio hɔnhlɔn do le osɛn ɔn sii na e na do na ɛgbɛ wɛ ɔ, e na nyi bio ɛmɛ na wasi do osɛn ji a do kpewu a nɔn jijwɛ. ²² Vɔ Mawu we oxo sɔ nubi-i hlwa le ɖi-i nuke hwla le nunyinyla gɔ ha. Na akpagbe dido ke bɔ do Yesu ji yiyise wu ɔ, na nyi mɛke kando eji tɔn. ²³ Vɔ, keŋgbɔxwe Kliso yiyi se na va ɔ, osɛn ɔn wle mi tu gun do va jɛ gankemɛ Kliso we xɔse o va. ²⁴ Yiwɛdɔn osɛn trɔ su mia we otogun do va jɛ gankemɛ Kliso na va, na mia do nyi ɛmɛ jijwɛ nye do gbɔn xɔse ɔ ji. ²⁵ Ke xɔse le blɛ siɛ hi ɔn, mi ɔn mɔn le ɛmɛkplɔtɔɖe we ɛcɛ kpikpa gɔ. ²⁶ ɖo mi nyi Mawu we vi do gbɔn xɔse ke mi ɖo ɖo Yesu Kliso ji. ²⁷ Mi mɛ keye do ɛsin ta na le Yesu mɛ ye ɔ, mi nyi Yesu do. ²⁸ Mi mɛ bitu mi nyi ɖokpo le Yesu me ɖo Jwifu ɔn mɔn le, glɛsi ɔn mɔn le, vivo we ɛmɛ ɔn mɔn le. ²⁹ Na mi nyi Kliso tɔn ɔ, mi nyi Ablaxamu we jijimɛ vi, cinɔn ɖutɔn le ɖike akpagbe ɔ bɛ do ha.