¹ Le oxwe wenɛ we godo ɔ, bo kpo Balabasi mɔn trɔ yi Jeluzalɛmu, mi bo kplɔ Titu. ² Ko trɔ yi do Mawu wɛ ɖe xlɛ wu bio ko mɔn nyi. Ko tyin e mɛ nan yee Mawu xo ke ko lɔ le Maxɔsetɔ ye mɛ. Vɔ mɛke unkunsi le eji bo nɔn kplɔ emɛye we ko nɔn lɔ nan le hwihwla tɛnxo. Ko jro nan ɖo kande ji bio ko mɔn ɔn do wedun nɔn, a lo a bo do wedun ɖo jɛhɔn mɛ. ³ Ganke, titɔ ke nyi grɛkutɔ ke bowe dɔɖe wutɔ, yɔn so zin e ji nan do gbo a da, ⁴ Kundo, mia we vivo ke mi ɖo le Yesu Kliso mɛ ɔ, Ye sɔ ɖodan ke mi ɔn nywɛ nɔnvi gugu ye. Ye jro nan sɔ mi sɔ wasi kannu mɔn nan osin ɔ. ⁵ Nan ye ɔn nan ɖo tro ota nan oxo jɔ xo Mawu xɔ ɔ tɔn nan mi ɔ, mi le ɔn jogan xixo tido nan yee. ⁶ Kɔn kpɔn nuti le mɛke yee yɔ nɔ bio oga yee. Nuke ye nyi hɔn do asi xixɔ ti nan . Mawu hɔn nɔn jo mɛ ti do. ⁷ Ye nywɛ bio ye mɔn yɔ na mando lɔ Mawu xo nan ada man gbo tɔyee ɖike ye yɔ Pita nan mɛke gbo ada yee. ⁸ Mawu ɖokpo ke wa odan kpo Pita le Mawu we dan mɛ nɔ na mɛke gbo ada yee, o wa odan kpo bo can nɔn nan maxɔsetɔ yee. ⁹ Gankemɛ ye nyɔn ɛfɛnu ke Mawu nan, Jaaku , Pita kpo Jaan yee nan o lɔ aɖusi wu mi, bo kpo Barnabasi, ke nyi ɖe xlɛ o gbe yiyi tɔ nan mian mɔ do ɖɔ unkɔn nyi-nyi dodan maxɔsetɔ ye, e lɛ le yee mɔn yi mɛke gbo adayee kɔn, ¹⁰ Yee biɔ mi bio mi mɔn flin wa man mɔn nɔn yee kee nyi onutaji nan( onu vivɛ nan) ¹¹ Ganke mɛ Cefasu va Antiɔcu, ko kpe kpue agbaŋ gba do iwe ɛhuɛ hɔ jo. ¹² Gbɔxwe ɛmɛ didɔn Jaaku tɔn yee nan va, Pita o ɖunu kpo man xɔse tɔ yee nɔn, vɔ gankemɛ yee va, Pita gɔ onu ɖuɖu kpo bo tɛ yi le yewu ɖo e vo na mɛ ke gbo ada xin ye nɔn. ¹³ Can ɔ nɔnvi gbokpoe Jufutɔ yee bɔ do ɛyɛmɛnu Cefasu tɔn u, gun bo tɔn Barnabasi do emɛ. ¹⁴ Vɔ ganke mɛ ko va nywɛ bio yee hɔn mɔn zɔn ɖo oxojɔxo Mawuwe oxo ɔ ji nɔn, ko lɔ nan Cefasu le yee mɛ bi we unkɔn:«Na ike nyi Jufu o zɔn zɔli ɖi maxɔse tɔ ye a do ɖo ni nɔn mɛ Jufu ye tɔn?» ¹⁵ Mi me ke nyi Jufuye vi jiji yee ɔ e kɔ nyi maxɔsetɔ ovuɛn watɔ, ¹⁶ Min nywɛ bio gbɔn osin we odan wiwa min ɔ mɛnti mɔn hɔn yin ɛmin jijɔ vɔ gbɔn Yesu kliso we ose ɔ mɛ. Gbɔn Yesu Kliso ji wɛ mi do va xɔse mɛ, nan mian do kpɔn hwlɛngan gbɔn xɔse Kliso tɔn me e kɔ nyi osɛn we odanwiwa. ɖo mɛnti hɔn le nan kpɔn jijuɛ nyi-nyi gbɔn osɛn we odan wiwa mɛ. ¹⁷ Vɔ gankemɛ mi kan Mawu nɔ na sɔ mi wasi ɛmɛ jijuɛ le Kliso mi yee tete va trɔ zu onu vun ɛn watɔ, Kliso va trɔ zun odansɔvi nan onu vui? Gbeɖe kpɔn! ¹⁸ ɖo nan kɔ gbɛ hin wa lɔ osɛn ɔ tɔn nɔn, wa lɔ ke ko trɔ ko mɔn sɔ ɖiye mɔn sɔ wasi osin gbatɔ. ¹⁹ Sɔ gbɔn do osɛn ɔn wu ɔ ko kun nan osɛn. Nan man do nɔn ɛgbɛ nan Mawu. ²⁰ Yee kan do tisoga ji kpo Kliso. Bo hin mɔn le ɛgbɛ, vɔ Kliso wɛ le ɛgbɛ le blɔ mɛ, siɔ ɛgbe ke ko zan nɔn le gbazame nɔ ɔ, ko le ɛgbɛ le xɔse mɛ gbɔn ovi Mawutɔn mɛ, ke nyi wan na bo sɔ iɖe nan do ota tɛye mɛ. ²¹ Kɔn jo Mawu we ɛfɛ nudo, ɖo mikpɔn nan jijuɛ nyi nyi le ɔ gbɔn osen ɔ mɛ le ble ɔ nu vovo we nyi Klios we oku.