¹ Mi yin Mawu vlɛtɔ, ɖi vikpɛ e tɔn yee wan yin wan nɔn. ² Mi zɔn zɔnlin le wanyin mɛ ɖike Kliso can nyi owan nan mi ɖo ha gun bo sɔ iɖe nan mi. E yin ovɔ san kpo vɔsan wasi nu, a ɖo yin celu adodue nan Mawu. ³ Oga lilɔ we susu, onu man kɔn man kɔn alo oga lilɔ( yɔn ɖo nan kpọn le mian mɛ ɖike e yin wa lɔ nan xɔse tɔye. ⁴ Mika kpɔn da hunviɔ e mɛ oxo ke nɔ ɖi ɛɖɛ, ɛgbe dida ke nɔn ɖe ɛmɛ drɔn ke hɔn sɔgbe . Iwe godo ɔ onu yi ɔn wiwa. ⁵ ɖo mɛnti hwin nyi mɛɖe ye ke ɔn sɔgbe ogbe lilo we akpaji ɔn min alo ogwin tɛtɔ ni nan ɖe e mɛ yɛhun e sintɔ, hɔnɖo cinnɔn ɖe le xɔluɖuxwe Kliso kpo Mawu tɔn mɛ. ⁶ Mɛti ni ka mɔn blɛ miɖu sɔ gbɔn oxo vlo mɛ. Sɔ gbɔn nu xinye mɛ wɛ Mawu we aɖi nɔn vu jɛ vikpɛye ji ke ɔn nɔn se tonu yee ji. ⁷ Mi ka tɛ kpɔ u ye. ⁸ ɖo san ɔ vuvlu we mi nyi vɔ siɛ ɔ mi nyi kinklɛn le xwetɔ mɛ. Siɛ ɔ mi zɔn zɔn lin ɖi kinklɛn we vi kpɛ yee. ⁹ ɖo alo kinklɛn tɔwe yin onu nu bi wiwa, jijwɛ nyi nyi, oxojɔxo. ¹⁰ Mikan nɔn ke nan jɛ ohwun nan xwetɔ. ¹¹ Mi ka ɖɔ olo le odan ke ɔn nɔn nan sisin ɖe vuvlumɛ tɔ vo ni jra yee. ¹² ɖo nuke yee nɔn wa le bibɛmɛ nyi nukpin we nu a do de xlɛ. ¹³ Nubi ke kinklɛn jɛ agban gba. ¹⁴ ɖo nu bike ye ɖe xlɛ yin onu kinkɔn. I wɛ dɔn ye do lɔ:«Fɔn , i ke o dɔ ɔxlɔn nɔn sɔ kpe cite le emɛ kuku ye mɛ, Kliso bo nan klin do ji we.» ¹⁵ Mi cɔ miaɖe nan ke mi le ɛgbɛ ɖo, ni ka nyi ɖi lulunɔn ye ha, vɔ ɖi onu yɔn tɔ ye ha. ¹⁶ Miwle ganxixo ɔ ɖo azanye nylan. ¹⁷ Mi ka nyi lulunɔn vɔ mi yɔn ojro xwetɔ e tɔ tɔn. ¹⁸ Mi ka nu vɛn mu ke nɔ hɛn ɛmɛ doyi cicrɔn mɛ vɔ mi gɔ kpo gbigbɔ ɖedovo. ¹⁹ Mi nɔ kpɔ kpɔ gbɔn Davidi we ohan, bɔdewu gbigbɔ mɛ we ohanye, mi ji han a bo kpa xwetɔ sɔn jimɛ. ²⁰ Ganbi mɛ mi sɔ gigo na Mawu le onu bi mɛ gbɔn mian we xwetɔ Yesu Kliso we nyikɔ mɛ. ²¹ Mi sɔ mia ɖe na Kliso. ²² Nyɔnnusi , mi sɔ mia ɖe hue na mia suɛ ye, ɖi xwetɔ ha. ²³ ɖo osu we nyi oga nan nyɔnnusi, ɖike Kliso can nyi oga nan cɔci. I wɛ nyi hwlɛngantɔ nan lan kpo ɔ. ²⁴ ɖike ha cɔci sɔ iɖe hue nan Kliso ɔ, nyɔnnusi ye can nan ye suɛ yee le nubi mɛ. ²⁵ Osu yee, mi nyi wan nan mian siɔ ye ɖike Kliso nyi owan cɔci do, bo sɔ iɖe sɔ nan do e ta. ²⁶ E wasi a do klin do iwe. E kɔn ɛhu do e klɔ kpo ɛsin gbɔn oxo ɔ mɛ. ²⁷ E we si a do kpɔn sɔ xlɛ iɖe cɔci gigo tɔn ke nuti ɔn tɛdoe wu, e ɔn ɖo ɛti alo nuɖe ke ɖi vɔ ke nyi ɖedovo bɔdewu onu nyinyla ti. ^{28 29 30} E mɔn ha ke , osuye ɔ ɖo nan nyi wan nan ye siɔ ye ɖiye we olan kpo ha. Mɛke nyi wan na osi ɔ nyi wan na itete. Mɛnti ɔn gbɛ owan nan iwe gbaza kpɔn, vɔ e nɔn nan onu ɖuɖu wi a bo nyi owan ni, ɖike Kliso can nyi wan nan cɔci a gba. ɖo mi ye wɛ nyi iwe olan kpo we onu ye. ³¹ « ɛhuɛ jijɔ hin ji ɔ, unsunglo lɛ le otɔ kpo onɔn kɔn a bo bɔɖo osiɔ wu so kpe ɔ ye mɛ ɔwe mɔn trɔ zun gbaza ɖokpo» ³² Onu wiwlan ɖaxo ɖokpo wɛ, vɔ ko lɔ nɔ do Kliso wu kpo cɔci wu. ³³ Coganke ɖokpo ɖokpo mian tɔn ɖo nan nyi wan nan yiwe osiɔ agba ɖi yitete ɔ ha nyɔnnusi ɖo nan sɔ susu nan osu ɔ.