¹ Blɔke nyi ogantɔ na xwetɔ, koo nyɔ mi nɔ bio, mi zan ɛgbɛ ke sɔgbe kpodo oyɔ ke mi yiɔ. ² Mi nɔ ɛgbɛ le ɛmɛɖe sɔhwe mɛ, a mɔ wasi dɔmefaa, a mɔ do ɔgbɔxo. Minɔ kuhun na mianɔniɔ ye le owan nyinyi mɛ. ³ Mi jɛ agbagba a mɔ sɔ fifa ke blami do mianɔ nɔ ye wu, adohɛn ɖokpo wiwasi ke gbigbɔ kinkwɛn na mi ɔ ɖo ote. ⁴ Agbaza ɖokpo gee wɛ le, gbigbɔ ɖokpo ge bo le emɔke miye can, omɔnu kinkpɔn ke ye yɔ mi na ɔ nyi ɖokpo gee. ⁵ Xwetɔ ɖokpo gee wɛ le, xɔse ɖokpo gee wɛ le Mawu we ɛsin lilɛ ɖokpo gee wɛ le, ⁶ Mawu ɖokpo gee wɛle bo nyi otɔ na ɛmɛye xeɖeɖe, bo kpa ɛcɛ na ɛmɛye xeɖeɖe, bo nɔ wa odan le ɛmɛ ye xeɖeɖe mɛ, bo le ɛmɛye xeɖeɖe mɛ. ⁷ Ɛmɛ ɖokpo-ɖokpo miatɔn yi onu nina ɛfɛnutɔn ɖike ojrɛ kliso we onuninatɔn. ⁸ Ɖike ye wlinɖo:«Ke eyi jihwe daan ekplɔ ogantɔye do sɔn, e na onu ɛgbɛtɔ ye.» ⁹ ŋuni lɛ ye lɔ bo do lɔ bio; Eyi jihwe daan? Ote hwɛn ejɛ gbɔɔn bo va odo le le nyixo wɛ? ¹⁰ Ɛmɛ ke jɛ ote ɔ ikewe yijihwe daan bo gbɔn jiŋukunsi wu, e hin ɔ, e mɔ gɔ ɛgbɛ ɔ mɛ seŋu. ¹¹ Itete ɔ wɛna onunia hamɛ,-hamɛ ye. E na na ɛmɛ ɖeye nyi ɛmɛ dindɔn ye. ɖeye nyi oxolɔɖenyitɔye, ɖeye ɛwɛnnywɛ jlatɔye,ɖeye, agunkplɔtɔye, ɖeye bo nyi onukplan ɛmɛtɔye. ¹² E wasi e mɔ, a mɔ jla xɔsetɔ ye ɖo onyi na odan ke ye na wa na agun ke nyi Kliso we agbaza ɔ a do yi ŋukɔn le xɔsemɛ. ¹³ Gbɔn miɛmɛ xeɖeɖe mɔ wasi ɖokpo le xɔse eme amɔ nyɔ Mawu we ovyɔ seŋu, amɔ hwɛn le xɔse mɛ a mɔ le ɖi kliso ɔ ha. Ni nɔ mɛ miatɔn mɔ sɔgbe kpodo itɔn sesese. ¹⁴ E le emɔ, na mi ɔn mɔ nyi vikpɛviye ha nɔ, onukpinkplan ɖekpekpe we jɛhɔn, ɔn mɔ ba dɔn mi do yi cicrɔn mɛ nɔ ɖi otɔ jihunke xosi nɔ ha ɛgbɛtɔye ɔn mɔ blɛ mi ɖunɔ kpodo aglanmɛ we oxoyetɔnye a mɔ dɔn mi sɔyi onu nyannyla mɛ nɔ. ¹⁵ Gbɔnvo ɔ, milɔ oxojɔxo ɔ;nɔ le owanyiyi mɛ, a mɔ hwɛn nɔle onuye xeɖeɖe mɛ le ɛmɛke nyi ota ɔ mɛ Kliso ɔ. ¹⁶ Iwɛ nɔn dɔn ɔlɔklan agbaza ɔ tɔn ke nyi xɔsetɔye ɖo okpɔ ninɔ mɛ ɖo gbɔn okanke ye nɔhɛn do ote na agbaza ɔ xeɖeɖe mɔ hwɛn, mɔ ɖo ŋkɔnyinyi le owan yiyi mɛ. ¹⁷ Onu ke ko lɔ na mi nɔ xɛn nyike, ko do okplangbe na mi nɔ le xwetɔ ɔ mɛ: mi ɔ mɔ ɖo na nɔ ɛgbɛ ɖi maxɔse tɔye, keye nɔ xodo susu ye tɔnke le toto. ¹⁸ Susu yetɔnye do vuvlu, a mɔ ɖe ye we ɛgbɛ te le Mawu we, ma nywɛ ye tɔn ke le yemɛ a mɔn ota sinsyɔn oji yetɔn tɔn wu. ¹⁹ ŋunya ti ɔn nɔ wa ye can, onuti ɔn nɔ ɖoye te le onuɖuɖyu wiwa, ayixa yetɔn ɔn mɔ le ɛgbɛ. ²⁰ Okplan ke mi yi do Kliso wu hɛn nyi e mɔ. ²¹ Le oxojɔxo mɛ, Yesu ɔ we oxo wɛ miɖo na se ye bo kplan onu mi do oxojɔxo ke le emɛ ɔ wu. ²² Miɖo na jo onu xixo ke mi nɔ wa sa ye do, ɛmɛ xixo ke sɔ iɖe sɔ gu, do ɛmɛ blɛɖu we ojloye wutu; ²³ Na mi na trɔ miaɖe ye zun yoyo le gbigbɔmɛ, a do jɔ omɔ na susu miatɔn. ²⁴ Misɔ ɛmɛ yoyo ɖike Mawu ɖo ha sɔ do, ɖike mi nyi wiwasi le oxojɔxo mɛ dogbɔn jijwɛ nyi nyi kpo kinkwɛn nyinyi mɛ. ²⁵ Ke ele emɔ ɔ, mi jo ojo kinkan do, a mɔ lɔ oxojɔxo na mia hatɔye. Ɖo mi nyi ɛmɛ ɖokpo ye na mia nɔnɔ ye. ²⁶ «Na mi do aɖi, mi ko wa onu nyanyla» Ohwe ni ko ku do aɖi dido miatɔn. ²⁷ Mi ko mɔ na omɔn wu lɛgba. ^{28 30} Ɛmɛ ke nɔn fin ɛfin, ni ko mɔn fin ɛfin; a mɔ wa ouɖe. E ɖo na wa odan kpodo yiwe ɔlɔye, a mɔ kpɔn ouke a na kpedo ɛmɛye wu. ²⁹ Oxogbe nyanyla ɖe ɔnɖo na tɔn tɔn mia we onumɛ; ni nyi bio oxogbe ke na tɔn ye ni jla onu do na mɛkeye ba se nɔ ye. Mi ko do dɔnuɖu na gbigbɔ Mawutɔn. Ɖo , imɛ wɛ ye do josiwu mi le na yi nɛ ɛmɛ we azan. ³¹ Mi ɖo na ɖe aɖi didoye , vivɛsise ɖaxo le ojimɛye. Oxo ba do ɛmɛ nu ye, kpodo ɛmɛ zunzun ye tɛ gbɔɔn a jɛ okun nyinyla hamɛ ye tɛ. ³² Mi nɔ wasi domɛ nywɛ we onu ɖodan mianɔnɔye, a mɔ hun miawe oji ye na mia nɔ ye, a mɔ sɔ ɛhwɛ sɔ kɛ mia nɔ nɔ ye, ɖike Mawu nɔ sɔkɛ ɛmɛ le Kliso mɛ.