¹ Do e xi wu blɔ, Pɔlu, ko nyi ganmɛnɔtɔ na Yesu Kliso nan mi mɛ ke ɔn nyi Jwifu ye. ² Ko ɖi bio mi yɔn odan ke Mawu sɔn do loxomɛ na na miye. ³ Ko wlan sɔn gbɔn ɖiɖexlɛ ke na va na. E ke we nyi xojɔxo hwihwla ke na ko wlan kle-ŋ sɔ gbɔn onu winwlan ke mɛ. ⁴ Gankemɛ mi na xlɛ mi na mɔ nu jɛ bo we nu kpinkpɔn do xojɔxo hwihwla do kliso wu. ⁵ Le jijimɛ bu ye mɛ, xojɔxo ke yɔn nyi ɖiɖe xlɛ gbɔn ŋsunglo ye we vikpɛye mɛ. Vɔ siɛ-ɔ e ɖexlɛ le gbigbɔmɛ le ɛmɛ dindɔn kpodo xolɔɖenyitɔye sin siɛxu. ⁶ Xojɔxo hwihwla ke we nyi bio mɛ ke yɔn nyi Jufutɔye we nyi cinnɔ na Yesu kpodo ofi gbokpoe na gotolan. Ye we nyi ɔfɔ sɔ ɖo tetɔ le ogbe ɖiɖo Yesu Kliso tɔn sɔ gbɔn oxo-ɔ mɛ. ⁷ ɖo ko trɔ danwatɔ na xoxin sɔ gbɔn Mawu we onu ni na ɛfɛnu tɔn sɔ gbɔn do hɔnhlɔn Sisiɛxu mɛ. ⁸ Mawu sɔ onu nina xin sɔna ɖikena ko nyi vikpɛye we vikpɛye na mɛke ye naɖe Mawu ɖo ovo. Onu nina wɛ nyi bio ko ɖo na ɖexlɛ mɛke ɔn nyi Jufutɔye we oxo dunkunye ke ɔn sɔgbe Kliso we ŋmɛ. ⁹ Ko ɖo na klɛn mɛ bi ɖo omɔ hwihwla Mawu tɔn. E klɔ wɛ nyi titome hwihwla na Mawu le oxwe ɖeye va yi kena e ɖo nubi. ¹⁰ E klɔ w€ nyi si-yɛ, sɔ gbɔn cɔci, ha kplɔlaye kpodo ŋkɔnnɔtɔye le tɛnxo gbɔn voɖe na na mi na nɔ odan susu sɔn gbɔn Mawu nu nyinyɔ mɛ. ¹¹ E klɔ na va titomɛ kena mia we xwetɔ Yesu kliso wasi. ¹² ɖo le Klisomɛ mi ɖo ohun kuku kpodo ɛce na kandeji do mia we xɔse yi tɔn mɛ. ¹³ Kpo walɔ xin, ko bio ɔ sɔn mia si nɔ bio mi mɔ ka mɔ gbɔjɔ do ayaɖuɖu miatɔn mɛ. E kiye wɛ nyi mia we gigo. ¹⁴ ɖo e xin mɛ, ko jɛ klita le didɛye we ŋkɔn. ¹⁵ Kena wɛndo tɛye ke le jinukunsi kpo nyikundanji nyi ɖiɖo. ¹⁶ Ko xo ɛɖɛ na mi nɔ na sɔ na mi, do dɔkun gigotɔ. A do hɔnhlɔn sɔ gbɔn gbigbɔ yitɔn ke le mia mɛ. ¹⁷ Ko xo ɛɖɛ na Kliso a nɔ oji mia tɔn ye mɛ sɔ gbɔn xɔse yɔ mɛ ko xo ɛɖɛ na mia li oki-ɔn a bo le yiwe wannyi-ɔ mɛ. ¹⁸ Mi hɛn mi na kpo na yiwe wanyi-nyi ɔ mɛ na mia mɔ nu jɛ. E mɔ xa wɛ nyi xɔsetɔye bi, kpikpokpo mɛ, gigagamɛ, ji-i yi-yi mɛ, titomɛ, wan nyi-nyi Kliso tɔn. ¹⁹ Ko xo ɛɖɛ na mia nyɔ kpinkpɛn wanyinyi Kliso tɔn, ke gbɔn do onunyinyɔ bi-tu wu. Mi na kpo na wasi nuke na mi do gɔ kpo Mawu gbigbɔ kinkwɛn. ²⁰ Siɛ na mɛke le gbesisɔ na wasi nuɖe kpokpoe, wasi gun a bo gbɔn do ke mi kan nɔ a lo nuke bu-wi ɖo nɔ, sɔ gbɔn hɔnhlɔn ke wa dan le mia me nɔ. ²¹ Itɔn wɛ nyi gbigbɔ le cɔci kpo le Yesu Kliso, le kundanye mɛ tɛgbɛ gun ɔ jɛ ganɖemɛ. Ami