¹ Mian tɔn, miku le mian we osun ɖuɖu kpodo nuvwɛn wiwa ye mɛ. ² Eklɔ mɛ wɛ mi zɔnzɔn ni le legbamɛ. Mi zɔn zɔn ni le oga jɛhɔn tɔn we ɛcɛ mɛ. Gbigbɔ mɛke wodan nɔ tɔn le ma wasi de ji we vikpɛ ye mɛ. ³ Mi mɛ bi wɛ le maxɔsetɔ xin ye mɛ. Mi nɔn wado mian we gbaza we ojro nyin nyran tɔn ji nɔn. Mi nɔn wa gbaza we ojro kpodo susu tɔn. Mi do zizan me le leɖi ovi aɖi nɔn ye leɖi mɛɖiɔ ye ha. ⁴ Vɔ Mawu gɔ kpodo dɔnuɖunu kpinkpɔn do iwe wan nyin nyin itɔn daxo ke eɖe na mi utu. ⁵ Vɔ mi bo ku le mian we osun ɖuɖu mɛ, e bo kplɔ mi do yi ɛgbɛ ye yoyo mɛ. Le kpɔkpɔ ni nɔn le Kliso mɛ kpo ɛfɛnu we mi do kpɔn hwlɛngan. ⁶ Mawu fɔn mimɛbi sɔn ku bo mɔn nami tɛnxo mi mɛ gbigbɔ mɛ tɔn ye Kliso Yesu mɛ. ⁷ Ewasi eke na oxwe kanɖe we ko ke gbɔn nɔn ye. Na ado kpewu a xwlɛ mi yiwe ɛfɛnu we kpinkpin mɛ. E xwlɛ mi ekan gbɔn do iwe wan nyi nyi mɛ le Kliso Yesu mɛ. ⁸ ɖo ɛfɛnu mɛ, oke hɔn sɔn mian kɔn; Mawu we nu nina wɛ. ⁹ ɔn nyɛn odan hwen na mɛɖe hɔn doyi go. ¹⁰ Mawu we nuɖiɖo wɛ mi nyin, ke ye wasi le Kliso Yesu me na ye ado wa dan Mawu tɔn ke Mawu ɖo ɖe nyin na mi, na mian do zɔn zɔn ni le ye mɛ. ¹¹ Mi flin bio san hiye mɔn Jwifutɔye maxɔse tɔye le gbaza mɛ. Ye yɔ mi bio:«Mɛke hon gbo ada» do nuke ye yɔ bio ada gbigbo u le gbaza mɛ wasi kpodo gbɛtɔye we ɔlɔ ye. ¹² ɖo le gan xin mɛ, miklan le Kliso u. Mi nyi jonɔn na Izlayeli we togun ye san. Mi nyi jo nɔn na zoɖuɖu gbedo tɔn ye. Mi hon ɖo nukpin kpɔn ɖe do unkɔn. Mi le san Mawu le ɛgbɛmɛ. ¹³ Vɔ siɛ, le Kliso Yesu mɛ, mi mɛ kena din le Mawu ye, bo va trɔ kɔ va Mawu gbɔn Kliso ɛhun ke kɔn mɛ. ¹⁴ ɖo mian we fifa wɛ, e sɔ ɔwe ye bo xɔ wasi ɖokpo. Yesu gu kpo iwe gbaza ado meki klan tɔn ke na mian mɛ nɔn san, oku; ¹⁵ E nyi bio egu osɛn we ogbe ɖiɖe kpodo nu wlan osɛn tɔn ye a do kpo wasi gbɛtɔ unglo bu le itete mɛ. ¹⁶ E wasi nuke na do ca togun ɔwe ye na Mawu le olankpo ɖokpo mɛ kpodo tisoga, e ɖu le oku ji. ¹⁷ Yesu va bo va lɔ fifa Mawu tɔn na mi; na mimɛ kena tɛyi le wu kpodo fifa Mawu tɔn na mɛke tɛkpwɔɛ. ¹⁸ ɖo kpo Yesu, mi miɔn ɔwe ye ɖo ɛcɛ na yi Mawu otɔ, kɔn le gbigbɔ ɖokpo mɛ. ¹⁹ Siɛ hin, miye ke hon nyin Jwifutɔye mi mɔn nyi ɛmɛ ɔzɔtɔn ye kpodo jonɔn. Vɔ votitɔn, mi nyin toviye kpo mɛke ye ɖe do vo vo na Mawu ye kpodo ɛmɛ hwɛndo Mawu tɔn wɛ mi nyin. ²⁰ Mixɔse do oxɔgun dido ɛmɛdindɔn Mawu tɔn kpodo xolɔɖenyitɔ ye we xɔgun ɖiɖo ji. Kliso Yesu wɛ nyi ɛkpin dida. ²¹ Le emɛ, oxɔye bi nyin ɖokpo bo nɔn hwin leɖi sisɛn xɔ xwetɔ tɔn ha. ²² Le xwetɔ Kliso o mɛ wɛ miye can nyin gbigba le kpɔkpɔ mɛ le leɖi dɔtiɔn na Mawu le gbigbɔ mɛ.