¹ Ovi ye mi, mi-i si-i jila mia tɔn ye le xwetɔ mɛ, oɖ e le jijwɛ. ² «Si- didawe kpo nawe kpo;» ( ɖo osɛn tantyɛn ke wu akpagbe ɖe le xɛn), ³ «Na nubi-i a nyɔn na mi-i na miado nɔn ɛgbɛ dydyɔn.» ⁴ Na miye vitɔ ye, mi ka mɔn do aɖi-i na mia we vikpɛye. Vɔ mi kplan nu wu ye le xwetɔ mɛ. ⁵ Odansɔvi ye mi-i, mi si-i xwetɔ mia tɔn kpo oxojɔxo lilɔ kpo bubu kpo sɔn mia we jimɛ. ⁶ Mi si-i ye le ɖike mi nɔn ɖo sisi na Kliso ha. Mi ka mɔn si-i ŋkɔn na ye a do jɛŋ na ye oo. Vɔ mi si-i ye le ɖike Kliso we dansɔvi na-a kpo ojlo nywɛ kpo. ⁷ Mi si-i ye sɔn oji mia tɔn mɔn ɖi-i ke mi nɔn si-i xwetɔ do ha-a. ⁸ Mi nywɛ lɔ bio nuke mi na mɔ, kpo ojlo fa-a mi na du yiwe ale ɔ sɔn xwetɔ kɔn adi-i dansɔvi adi-i emɛ yiɖe si-i. ⁹ Na miye ke nyi xwetɔ ye ɔ, mi ɖo sisi na mia we dansɔvi ye. Mi ka nya do ye oo. ɖo mɛnke nyi yewe cica kpo mia we cica, le jinnukunsiu. Mi ye tet nywɛ lɔ bio a kpɔn ɖo yimɛ ɔn le ŋkɔn. ¹⁰ Mi do hɔnhlɔn miaɖo le xwetɔ mɛ do gbɔn hɔnhlɔn sisɛn xu yitɔn ji. ¹¹ Mi sɔ Mawu we ahwan wa nu sɔ kpla na mia kpewu nɔn te sisiɛxu le ŋkɔn na lɛgba. ¹² ɖo mi ɔn wa hwan kpaŋta wu gbaza kpodo ɛhun kpo nɔ. Vɔ mi wa ahwan kpaŋta gbigbɔmɛ we ɛcɛ kpikpa nɔn, oga vuvlu mɛ tɔn ye tɔn, kpaŋta gbigbɔ nyinyla ke le tɛnxo ki kɔ ye mɛ. ¹³ Iwɛdɔn, mi sɔ ahwan wa nu ye bi-i sɔ kpla na mia do kpewu nɔn ote le ŋkɔn na onu nyinyla le azan kpotui gɔ gbe. Le exiye we godo vɔ hi ɔn mi na li kyɔn nywɛnɖe. ¹⁴ Yiwɛdɔn mi nɔn ote gliŋ. Mi sɔ akpa kan oxojɔxo tɔn a sɔ bla do alin ji, a bosɔ agan wu onu jijwɛ wiwa tɔn asɔ do. ¹⁵ Akpakpa a do jla ɛwɛn nywɛ fifa tɔn a sɔ do ɔfɔ. ¹⁶ Mi sɔ xɔse sɔ wasi ahwanglonu ado kpewu ci ozo kanhwan nɔn awo vitɔn le ganɖe kpokpoe mɛ. ¹⁷ Mi cɔn hwlɛngan we ogba ɔ a bo hɛn gbigbɔ we ohui ke nyi Mawu we oxo. ¹⁸ Mi xo ɛɖɛ ganɖe kpokpoe mɛ kpo ɛɖɛ go ye . Mi do vivɛ nu a bo xo ɛɖɛ do ota na xɔsetɔ ye. ¹⁹ Mi xo ɛɖɛ na na-a man nyi dando asi ke na ,a-a ko hun onu na ɛɖɛ ɔ na ma do kpɔn onu hwihwla Mawu xo jijla tɔ. ²⁰ Mawu xo jila we ɔfɔ sɔ ɖo ote tɔ wɛ ko nyi, na do gbɔn yiji ɔ ma do lɔ oxo kpo kando eji kpo. ²¹ Vɔ na mia do nyɔn odan tɛye kpo ke ko le do ɔ. Tyciki ke nyi nɔnviye wanyi na nɔn na nɔ kpodo odanwatɔ nywɛ le xwetɔ mɛ na ɖo ogbe bi-i na ²² .Ko ɖe dodan na mia do nyɔn ke mi le, na mɔ do fa ji na mi. ²³ Fifa kpo kpo wan nyi nyi kpo xɔse kpo ni-i nyi miatɔn le xwetɔ Mawu kpo oviɔ Yesu Kliso mɛ. ²⁴ ɛfɛnu ni-i nɔn kpo mɛnke nyi wan na xwetɔ Yesu Kliso kpo wan nyi-nyi manvɔ-manvɔ kpo.