¹ Na mi fɔn sɔn oku kpo do Kliso xojɔxo, mi kan nu ke le jihwe ye, fi ke na Kliso xinɔŋyɔn le aɖusi mɛ na Mawu. ² Mi nyin wan na nu ke na le jihwe ye, ɔn nyin nu ke na le ŋkundan ji ye. ³ Ɖo mi ku, mia we ɛgbɛ bo bɛ kpo do Kliso kpo le Mawu mɛ. ⁴ Gan ke mɛ na Kliso, mia we ɛgbɛ, na va, e xin mi ye can na kpwoɛ le gigo mɛ. ⁵ Mi hiu mɛ nyin nyran ke na le ŋkundan ji ye, ogalilƥɔ, onu ma mɛn, ojro nu ye, ojro nyran ye, kpo ogui tityɛ, ke nyin yɛhwe sisɛn. ⁶ Do nu xin ye wu tu wɛ aɖi dido Mawu tɔn nɔ va ogu fɔn tɔ ye we vikpɛ ye ji. ⁷ Ke mɛ na mi zɔnzɔn ni le san ye, gan ke mɛ na mi le nu vwɛn xin ye mɛ. ⁸ Vɔ siɛ-ɔ, mi gbɛ onu xin ye bi, na aɖi dido, na olan nu wiwa,na okun nyin nyran, na ɔcɔn kɔn do ɛmɛ wu, ɛmɛ ma si xo ye ke na tɔn le mia we nu mɛ. ⁹ Mi ka kan ojo na minɔ niɔ ye a bno jo ɛdin xixo kpo yi we dan ye do. ¹⁰ Ke mi gɔ kpo jijɔ nywɛn kpo, ke ye nɔ ɖɔli, le nu nyin nyɔn mɛ, le onu kpikpɔn mɛ ke na ɖo we tɔn mɛ. ¹¹ Grɛki alo Jwifu, mɛ ke gbo ada alo glegbetɔ, alo kannmɔ, alo mɛ ke ɖo vivo; ti hɔn le bowɛ. Vɔ Kliso wɛ nu bi kpo le nu bi mɛ. ¹² E mɔ ha, le ɖi mɛcican Mawu tɔn ye, mɛ ɖe dovo kpo wan nyin na nɔ ye, mi gɔ kpo dɔnu ɖunu kpinkpɔn na ɛmɛ. Wan nyin nyin, ɛmɛ ɖe sɔ hwe, fifa, sɔxwi-xwe. ¹³ Mi kpedo mi nɔ nyɔnye wu kpo na mɛ ɖe ɛhwɛ na jɛ do nɔvyɔ wu, mi sɔ ɛhwɛ sɔ kɛ mi nɔ nyɔ ye le ɖi ke Kliso sɔ kɛ mi ɖo ha, mi sɔ kɛ mi nyɔn nɔ ye. ¹⁴ Vɔ le ta na nu xin ye bi mi gɔ kpo wan nyin nyin kpo, ke nyin kan cica ke nɔdɔn ɛmɛ do yi vivɔ nu. ¹⁵ Kpo fifa Kliso tɔn, ker ye yɔ mi na na mia do wasi olan kpo ɖokpo, ni kpacɛ le mia we ji ye mɛ. Omɔ nywɛn na mɛ. ¹⁶ Kliso we oxo ni nɔ mia mɛ tan; mi kplan mia ɖe kpo omɔ do kpakpa na mi nɔ nyɔn ye le zinzin ye bi mɛ, kpo ohan jiji ye, kpo ohan nyɔɛn ye gbigbɔ mɛ tɔn ye, a mɔ ji ohan na Mawu nɔ le mia we ji ye mɛ le sise ɛfɛnu tɔn le mɛ we kpo. ¹⁷ Kpo nu ke na mi na wa le oxo-ɔ mɛ alo le odan Mawu tɔn mɛ,, mi wa onu bi le Xwetɔ Yesu we ŋkɔmɛ, gbɔn oji mi na do ɛkpɛ na Mawu otɔ. ¹⁸ Nyɔnusi ye, mi so mia ɖe sɔ hwe na mia suwɔ ye, le ɖi ke jɛ ɖo le Xwetɔ mɛ. ¹⁹ Osu ye, mi nyin wan na mia syɔ ye, kpo mi hɔn na do aɖi do ye. ²⁰ Vikpɛ ye, mi se oto nu na mia tɔ ye le nu bi mɛ, do enyɔn xwɛn le Xwetɔ mɛ. ²¹ Vitɔ ye, mi ka mɔ ɖekpe mia we vikpɛ ye, vivɛ tɔ na ye ni ka mɔ gbɔ jɔ. ²² Odan sɔvi ye, mi se oto nu na mia we xwetɔ ye le nu bi mɛ le ɖi ke mi le ɖo le gbaza mɛ, ɔn nyin le ye we ŋmɛ ɖoɖio, na yi we nu ado jɔji na gbɛtɔ ye hwʒn, vɔ kpo do oji mɛ fa, le vivo ɖiɖo na xwetɔ. ²³ Nu bi ke mi wa nɔ, mi we kpo oji nywɛn kpo, le ɖi na xwetɔ ɔn nyin na gbɛtɔ ye. ²⁴ A mɔ nywɛn bio mi mɔ na yi le Xwetɔ si cinɔ na ale mi sɛn Kliso Xweto. ²⁵ Ɖo mɛ ke na Mawu ɛhwɛn ma jɔ tɔn na yi alo le ɖi yi we ɛhwɛ ma jɔ ha, kpo mɛ ɖe dovo hɔn le